२ तिमोथी 4:7 - कोन्छ्‌योककी सुङ

⁷ ख्रीष्‍टकी थोक्‍ला ङे कि गोवु लाकातिवा तेरी क्‍यानी सिन वे। त याङ ङे छ्‍योङ्‍बाल ग्‍यक गोवु लाका ति तेरी छेसुङ। ङे क्‍यावु तेपा साङ ङे र्‍होक्‍नी ज्‍यकिन।

२ तिमोथी 4:7 Iomraidhean Croise

लूका 11:28

ती थोनी येशूकी सुङ्‍सुङ, “बोरु कोन्‍छ्‍योककी सुङ ङ्‍येन्‍नी ती सुङला युकुपतिवा के मोलाम थोपुप यिनो।”

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

यूहन्‍ना 17:6

“पपी जम्‍बुलिङ नेसुर पेनी ङला तेपा कि च्‍यितुप मीतिवाला पपा सु यिन सिनी ङे ङो शे च्‍यितिन। तिवा ति गोमाला पपी ति यिन, तमा पपी ङला नङ्‍गुप यिन। तिवी पपी सुङला ङ्‍येन्‍सुङ।

यूहन्‍ना 4:34

तमा येशूकी लोमातिवाला सुङ्‍सुङ, “ङे समा ति ङला तोङ्‍गुप कोन्‍छ्‍योककी नोवाला वोतुप दोके कितुप ताङ खोकी ङला कि ज्‍यितुप लाका तेरी कितुप यिन।

लोमा छ्‍येतिवी लाका 13:25

खोरो ख्‍याप्‍टाक कितुप लाका सिन्‍दु छ्‍येवु पेला यूहन्‍नाकी सिक्‍यासुङ, ‘ख्‍यिरा ङला सु यिन नोकिनोक? ख्‍यिरा गिवी सिनी गु देतुप मी ति ङ मिन, यिने खो ङे तिङ्‍ला फेप्‍किवी। ङ याङ खोकी काची र्‍हाम्‍डोक डोलुप साङ पोमु मे।’

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

गलाती 2:2

कोन्‍छ्‍योककी ते ग्‍युक सिनी छ्‍या तेन्‍दुप तप्‍की ङ ते गल्‍नी यहूदी मिन्‍दुप मिरिक यम्‍बाला ख्‍याप्‍टाक क्‍यावु लेन ल्‍यामुकी कोर्ला ते वोतुप चर्चकी गोमा कितुप मी छ्‍येतिवी मुला दासा कुतुकला देनी ताम्‍ङे क्‍यायिन। तुक क्‍यावु ति ङे क्‍यावु गोमी लाका ताङ तिङ्‍ला कितुप लाका तेरी तेर्मे मोडोशी सिनी नो क्‍यावु तप्‍की यिन।

फिलिप्पी 1:30

तमा ङे कशेन दुक्‍पा खुरुप ति ख्‍यिरा थोङ वे। तन्‍दा साङ ङ ती दुक्‍पा राङ खुरिन वोतुप ति ख्‍यिरा थोनी वे, ख्‍यिरा साङ ङे दोके राङ क्‍यानी ती दुक्‍पा ति खुरिन वे।

१ तिमोथी 1:18

ङे ङ्‍यिङ्‍ज्‍येवु आङ तिमोथी, गोमाला के कोन्‍छ्‍योककी लुङ्‍तेम्‍बातिवी ख्‍योरो थोक्‍ला नम्‍दर शेतुप ताम्‍ङे दोके ङ येलुङ क तेरिन। मक्‍मीतिवी ङाडेङ क्‍यानी थमु ग्‍यकुप दोके क्‍यानी चोवो कोन्‍छ्‍योककी थोक्‍ला लाका ल्‍यामु की।

१ तिमोथी 6:12

तमा चिर्मु चेपला छ्‍योङ्‍बाल ग्‍यकुप मी दोके तेपा रम्‍बु क्‍यानी नाम्‍साङ मिशिवु मिजी ङ्‍ये थुपा की। तीकी थोक्‍ला राङ कोन्‍छ्‍योककी ख्‍युरुङला पेन नङ्‍गुप यिन। तीकी कोर्ला ख्‍योरो मी बङीकी मिङ्‍गाला पङ्‍बु साङ बिन्‍दुप यिन।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

२ तिमोथी 1:14

तमा ख्‍युरुङला चेक तेतुप सुङ टेङ्‍बु ति दाक्‍पी मुला ज्‍यु वोतुप कोन्‍छ्‍योककी थु चाङ्‍माकी ओङला र्‍होक्‍नी ज्‍योक।

२ तिमोथी 3:10

यिने त याङ ख्‍योरो ङे बिन्‍दुप येन्‍देन ताङ ङे किताङ नालु ताङ ङे मिजीकी नोवा ताङ ङे क्‍यावु तेपा ताङ ङे हम क्‍या देतुप ताङ ङे क्‍यावु ङ्‍यिङ्‍ज्‍ये ताङ ङ डेकला देतुप ति तेरी थोङ्‍नी वे।

ज्‍यल्‍का 3:10

ख्‍योरो ङे कला ङ्‍येन्‍नी हम क्‍या देसुङ। ती तप्‍की जम्‍बुलिङकी मीतिवा तेरीला खोक्‍पा ल्‍हापला छेटाङ ख्‍येल वुङ्‍गुप पेला ङ ख्‍युरुङला ती छेटाङ नेसुर र्‍होकिनो।

ज्‍यल्‍का 3:8

ख्‍योरो लाकातिवा ङला छ्‍या वे। ल्‍होसा, ख्‍योरो चिप्‍ला ङे गो पेनी ज्‍याङ वे, ती गो ति सी साङ च्‍ये मुथुपी। ख्‍युरुङला ङार अला मेसिनाङ ङे सुङला सिक्‍यावु दोके मिजी क्‍याङ वे, तमा ङे मिङ हाक्‍माको सिनी सिमाक्‍या वे।

ज्‍यल्‍का 6:11

तमा ती ज्‍युक्‍ला तिवा तेरीला मज्‍या कर्मु रे रे बिन्‍नी दुक सिक्‍यासुङ, “ख्‍यिरा मुला शब्‍ज्‍यी कितुप मीतिवा ताङ तेपा कितुप अच्‍युनुपतिवा साङ ख्यिराङला सेतुप दोके तेरी शिनी टङ्‍गा माछेवा सेक ङासोनी देता।”