२ तिमोथी 4:2 - कोन्छ्‌योककी सुङ

² ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

२ तिमोथी 4:2 Iomraidhean Croise

लूका 7:23

ङला तेपा कितुप क्‍युर्नी मोज्‍योकुप ति मोलाम थोपुप यिनो।”

लूका 7:4

तमा तिवा येशूकी चाला वानी दुक सिनी गोङ्‍बा शुसुङ, “गेकेन, ती रोमी मक्‍मी छ्‍ये ति गेकेन नेसुर दाल्‍जा ङ्‍ये छ्‍योवु मी यिन।

लूका 9:60

तमा येशूकी तीला सुङ्‍सुङ, “शेपतिवी खोरो शेपतिवाला कल्‍दोक कि च्‍यी, यिने ख्‍युरुङ ति गल्‍नी कोन्‍छ्‍योककी ग्‍येल्‍खापकी कोर्ला ख्‍याप्‍टाक की।”

लोमा छ्‍येतिवी लाका 13:5

गल्‍सिमा तिवा सलामिस सिरुप ग्‍येसाला लेप्‍नी यहूदी छ्‍योखाङतिवी नाङ्‍ला कोन्‍छ्‍योककी सुङ ख्‍याप्‍टाक क्‍यासुङ। ती पेला तिवाला दाल्‍जा कितुपला यूहन्‍ना साङ तिवी मुला राङ नोक।

लोमा छ्‍येतिवी लाका 16:13

तमा ङासोपकी ङ्‍यिमाला ङ्‍यिराङ ग्‍येसाकी गोकी फिला वोतुप चङ्‍बी गारीला यहूदीतिवा मोपोर कितुप दासा वोते सिनी गलिन। ते जोम्‍बुप पुम्‍पेजातिवी मुला ताम्‍ङे अरा उरा सिक्‍यायिन।

लोमा छ्‍येतिवी लाका 20:7

तमा ङासोप ङ्‍यिमी गोमु ङ्‍यिराङ चोवोकी डेनकी शुब्‍ज्‍याङ सापला जोमिन। तमा पावल ती सला तीला राङ डोप नो क्‍यावु तप्‍की तिवा ताङ मुला नुप फेका सेक कोन्‍छ्‍योककी सुङगी कोर्ला अरा उरा सिनी देसुङ।

लोमा छ्‍येतिवी लाका 28:16

तमा ङ्‍यिराङ रोमला लेप्‍सिमा पावलला र्‍हेन्‍दुपला मक्‍मी मिरा च्‍यिककी मुला खोप्‍रे लावु खाङ्‍बा यीला दे च्‍यिसुङ।

रोमी 10:15

तमा सुङ ख्‍याप्‍टाक कितुप मीतिवा माताङ्‍सिन चुक क्‍यानी खोकी सुङ ख्‍याप्‍टाक किवी रो? ती तप्‍की कोन्‍छ्‍योककी सुङला “लेन ल्‍यामु ख्‍याप्‍टाक कितुप मीतिवी कोम्‍बा योपुप ति छासे ल्‍यामु यिन।” सिनी टि वे।

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

गलाती 6:6

कोन्‍छ्‍योककी सुङ लापुपतिवी सुङ लाम तेरुप मी तीला खोरो मुला वोतुप च्‍यालक ल्‍यामुतिवा गोनी बिन।

कलस्सी 1:25

कोन्‍छ्‍योककी ख्‍यिराङला खोकी सुङ तेरी छासे ल्‍यामु क्‍यानी हाक्‍को ज्‍यितुपला खोकी ङला चेक तेन नङ्‍गुप तप्‍की ङ ति चर्चला शब्‍ज्‍यी कितुप लावा च्‍युङ्‍सुङ।

कलस्सी 4:3

तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

१ थेसलोनिकी 1:6

ख्‍यिराङला छेटाङ ताङ दुक्‍पा बङी च्‍युङ्‍सिनाङ कोन्‍छ्‍योककी थु चाङ्‍माकी लोदिमु नङ्‍गुप तप्‍की ख्‍यिरा कोन्‍छ्‍योककी सुङ ल्‍यामु क्‍यानी ङ्‍येन्‍सुङ। तुक क्‍यानी ख्‍यिरा ङ्‍यिराङ ताङ चोवो येशूकी दोके लुमु सेतुप च्‍युङ्‍सुङ।

१ थेसलोनिकी 5:14

अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

१ थेसलोनिकी 5:20

कोन्‍छ्‍योककी लुङ्‍तेम्‍बातिवी नम्‍दर शेतुप ताम्‍ङेला मारे मातोङ।

१ तिमोथी 4:13

तमा ङ वुङ्‍दा सेक ख्‍योरो मीतिवाला कोन्‍छ्‍योककी सुङ रानी तेरुप ताङ ख्‍याप्‍टाक कितुप ताङ येन्‍देन तेरुपला ङ्‍याम की।

१ तिमोथी 5:20

चर्चला तुका दिक्‍पा कितुप मीतिवा वोसिन तिवाला मी तेरीकी मिङ्‍गाला ज्‍याक्‍नी तुक कितुप मेवी सिनी लोप। तुक क्‍यासिन यम्‍बा तेपा कितुप मीतिवा साङ ज्‍यिवा किवी।

२ तिमोथी 2:21

ती दोके सी साङ दिक्‍पा कितुप क्‍युर्नी खुरुङ टेङ्‍बु जेवी सिसिन ती ति नाथोप पेला खाङ्‍बी ज्‍यिन्‍दाककी खक्‍छ्‍येवुला थोकुप चेङ्‍गा वोतुप नेक्‍योक दोके च्‍युङ्‍नी ज्‍यिन्‍दाककी थोक्‍ला तेरी लाका ल्‍यामु कितुप च्‍युङ्‍गिवी।

२ तिमोथी 2:25

कुसु ज्‍यम्‍बु क्‍यानी रङगी तेन्‍दोकला लङ्‍गुप मीतिवाला साङ ल्‍यामु क्‍यानी लोप गोकिवी। तुक क्‍यासिन कोन्‍छ्‍योककी तिवाला साङ सेम ग्‍युर च्‍यिनी तिवी खोकी सुङ टेङ्‍बुला तेपा कि थुप्‍किवी।

२ तिमोथी 3:10

यिने त याङ ख्‍योरो ङे बिन्‍दुप येन्‍देन ताङ ङे किताङ नालु ताङ ङे मिजीकी नोवा ताङ ङे क्‍यावु तेपा ताङ ङे हम क्‍या देतुप ताङ ङे क्‍यावु ङ्‍यिङ्‍ज्‍ये ताङ ङ डेकला देतुप ति तेरी थोङ्‍नी वे।

तीतस 1:13

दी ताम्‍ङे ति टेङ्‍बु यिन। तुक क्‍यानी तिवाला कशेन वोरु तेन! तमा तिवी तेपा ति रम्‍बु च्‍युङ्‍शी।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

हिब्रू 13:22

अच्‍युनुपतिवा, ङ ख्‍यिराङला ठाकुरे सिरिन, ङे टोङ्‍गु बिन्‍दुप ति ङ्‍येना। दी टोङ्‍गु ति ङे ख्‍यिराङला चेयी तिराङ टिनी वोतो।

ज्‍यल्‍का 3:19

सुला ङ ङ्‍यिङ्‍ज्‍ये किवे, तीला वोरु साङ देनिन, तमा ल्‍यामु जोपला छ्‍येर्पा साङ तेरिन। तुक क्‍यानी ख्‍यिराङ मङ टेमु क्‍यानी दिक्‍पा ने ग्‍युर।