२ तिमोथी 4:19 - कोन्छ्‌योककी सुङ

¹⁹ प्रिस्‍किला ताङ अकिलास ताङ ओनेसिफरसला साङ टसी देलेक सिनी सिसा।

२ तिमोथी 4:19 Iomraidhean Croise

मत्ती 5:47

ख्‍यिरा रङगी अच्‍युनुपतिवाला तिराङ ताङ्‍देन किवी सिसिन ख्‍यिराङ मी यम्‍बा सिनाङ मङ काङ ल्‍यामु वे रो? काङ यहूदी मिन्‍दुप मिरिक यम्‍बातिवी साङ तुकै राङ मिकिवी रो?

लोमा छ्‍येतिवी लाका 18:18

ती ज्‍युक्‍ला पावल ङ्‍यिमा अलायी सेक ते राङ देसुङ। तमा कोन्‍छ्‍योकला तेपा कितुप मीतिवी मुला क्‍येनी प्रिस्‍किला ताङ अकिलास साङ मुला राङ टिनी टुला जेनी सिरिया लुङ्‍बाला डोप छाल्‍सुङ। यिने गोमाला कोन्‍छ्‍योकला थाक्‍छ्‍येनी लावा लावु ति नासाम शर्नी किंक्रियाला गल्‍नी खोरो र्‍ह टेसुङ।

लोमा छ्‍येतिवी लाका 18:2

ते लेप्‍सिमा पोन्‍टसला क्‍येवु अकिलास सिरुप यहूदी मिरा च्‍यिकला ठेनोक। ती ति खोरो पेर्मी प्रिस्‍किलाला साङ मुला राङ टिनी इटालिया लुङ्‍बा नेसुर कोरिन्‍थला वानोक। च्‍यिलासिसिन रोमी ग्‍येल्‍वु क्‍लौडियसकी तेरी यहूदीतिवाला रोम नेसुर थेन ग्‍युक सिनी क बिन्‍नोक। तुक क्‍यानी पावल तिवाला ठेतुपला गाल्‍नोक।

लोमा छ्‍येतिवी लाका 18:26

ती ति यहूदी छ्‍योखाङ नाङ्‍ला गल्‍नी ङाडेङ क्‍यानी सुङ लप्‍किनोक। यिने तीकी लापुप सुङ थोनी प्रिस्‍किला ताङ अकिलासकी ती अपोल्‍लोस तीला येशूकी कोर्ला ल्‍यामु क्‍यानी हाक्‍माकोवु थोङ्‍नी तीला खोप्‍रे खाङ्‍बा टि वानी येशूकी सुङ टेङ्‍बुकी तेन्‍दोक ति ल्‍यामो क्‍यानी लाप्‍सुङ।

१ कोरिन्‍थी 16:19

एशियाला वोतुप चर्चतिवाकी मीतिवी साङ ख्‍यिराङला टसी देलेक सिनी ताङ्‍नी वोतो। तमा अकिलास ताङ प्रिस्‍काले ताङ तिवी खाङ्‍बाला वोतुप कोन्‍छ्‍योकला तेपा कितुपतिवा तेरीकी साङ ख्‍यिराङला टसी देलेक सिनी ताङ्‍नी वोतो।