२ तिमोथी 4:18 - कोन्छ्‌योककी सुङ

¹⁸ तमा चोवो कोन्‍छ्‍योककी ङला तेरी दुक्‍टा नेसुर साङ र्‍होक्‍नी देवाच्‍येनकी ग्‍येल्‍खापला टिनी डिवी। तुक क्‍यानी खोला नरीकी नरी मोवा वुङ्‍शी। आमिन।

२ तिमोथी 4:18 Iomraidhean Croise

मत्ती 13:43

तमा ती पेला कोन्‍छ्‍योककी कला ङ्‍येन्‍दुपतिवा ति खोप्‍रे पपी ग्‍येल्‍खापला ङ्‍यिमा दोके शर्किवी। सी ति ङ्‍येन्‍दुप नम्‍ज्‍योक नोके, तीकी ङ्‍येन्‍शी।”

मत्ती 25:34

तमा ङे यावी थाकाकी मीतिवाला ‘ङे पपा नेमा मोलाम थोपुपतिवा! वानी जम्‍बुलिङ ज्‍येङ्‍गुप पे नेज्‍युनी ख्‍यिरा थोक्‍ला टडिक क्‍या ज्‍यकुप ग्‍येल्‍खापला ओङ्‍ज्‍येन की।

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

लूका 11:4

ङ्‍यिरा क्‍यावु दिक्‍पातिवा माफ नङ्‍डे की। च्‍यिलासिसिन ङ्‍यिरा साङ ङ्‍यिरा तेन्‍दोकला दिक्‍पा कितुपतिवाला माफ तेर्किवी। ङ्‍यिराङला खोक्‍पा ल्‍हापला ख्‍येल माज्‍यी।’”

लूका 12:32

“ओ छो टिक्‍पे, ज्‍यिवा माकी, च्‍यिलासिसिन ख्‍यिरा पपा कोन्‍छ्‍योककी ख्‍यिराङला खोकी ग्‍येल्‍खाप नङ्‍गुपला गा किनोक।

लूका 22:29

ङे पपी ङला ग्‍येला कितुप ओङ्‍ज्‍येन नङ्‍गुप दोके ङ साङ ख्‍यिराङला ग्‍येला कितुप ओङ्‍ज्‍येन तेरिन।

यूहन्‍ना 17:15

ङे मोपोर क्‍यावु ति पपी तिवाला दी जम्‍बुलिङ ने टि फेप सिनी मिन, यिने तिवाला दुक्‍टा शैतान नेसुर र्‍होक्‍टे कि सिनी यिन।

रोमी 11:36

जम्‍बुलिङला वोतुप तेरी च्‍यालकतिवा खोकी राङ ज्‍ये नङ्‍गुप यिन। ती तेरी खो नेसुर राङ खोकी थोक्‍ला यिन। तुक क्‍यानी खोला राङ नरीकी नरी मोवा वुङ्‍शी। आमिन।

रोमी 16:27

तुक क्‍यानी च्‍यिक राङ ज्‍यु वोतुप ताङ रिक्‍पाकी क्‍येङ्‍गुप दाक्‍पी कोन्‍छ्‍योकला येशू ख्रीष्‍ट नेसुर नरीकी नरी मोवा वुङ्‍शी। आमिन।

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ कोरिन्‍थी 10:13

ख्‍यिरा मिजीला खोक्‍पा ल्‍हाप ताम्‍ङेतिवा ख्‍येलुप पेला ती खोक्‍पा ल्‍हाप ताम्‍ङेतिवा ति मी यम्‍बाला साङ ख्‍येल्‍गिवी सिनी नासाम तोङ। कोन्‍छ्‍योक ति खोङ्‍तेर्मु वे, खोकी ख्‍यिराङला ख्‍यिरा अछ्‍योवु सिनाङ ल्‍हक्‍पा खोक्‍पा ल्‍हाप ताम्‍ङेला ख्‍येल मिज्‍यिवी। यिने खोक्‍पा ल्‍हाप ताम्‍ङे ख्‍येल वासिनाङ ती नेसुर थरुप लाम साङ नङ्‍गिवी। तुक क्‍यानी ख्‍यिराङ खोक्‍पा ल्‍हापला ख्‍येलुप पेला हम क्‍यानी दे थुप्‍किवी।

१ कोरिन्‍थी 15:50

अच्‍युनुपतिवा, ङ ख्‍यिराङला दी ताम्‍ङे ति सिरिन। श ताङ ठकला वोतुप दाक्‍पी जु ति कोन्‍छ्‍योककी ग्‍येल्‍खापला डो मुथुपी। तमा शिनी रुल डोप जु तीकी नाम्‍साङ मिशिवु मिजी ङ्‍ये मुथुपी।

२ कोरिन्थी 1:10

खोकी ङ्‍यिराङला तुका शेप ने र्‍होक नाङ्‍सुङ। तमा तन्‍दा साङ र्‍होक नङ्‍गिवी। तुक क्‍यानी येलुङ ज्‍युक्‍ला ङ्‍यिराङला र्‍होक नङ्‍गुप खोला ङ्‍यिरा तेरी रेवा क्‍या वे।

गलाती 1:5

तुक क्‍यानी कोन्‍छ्‍योकला नरीकी नरी मोवा वुङ्‍शी। आमिन।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ थेसलोनिकी 3:3

यिने चोवो याङ खोङ्‍तेर्मु वोतुप चोवो यिन्‍दुप तप्‍की खोकी ख्‍यिराङला नरी रम्‍बु जो नङ्‍गिवी, तमा दुक्‍टा नेसुर र्‍होकिवी।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

१ तिमोथी 6:16

खो तिराङ नरीकी नरी लुवु वे। खो ति वोसिरला ज्‍युकिवी, तमा ती वोसिरकी चिप्‍ला सु साङ डो मुथुपी। खोला सी साङ नाम्‍साङ माथोङ वे, याङ्‍ना थोङ साङ मुथुपी। खोला राङ ताङ्‍देन ताङ ओङ्‍ज्‍येन ति नरीकी नरी वुङ्‍शी। आमिन।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

२ तिमोथी 4:1

येशू ख्रीष्‍ट ग्‍येला कितुपला फेपुप पेला सेन्‍बु वोतुप ताङ शेपतिवा तेरीला ठिम क्‍या नङ्‍गिवी। तुक क्‍यानी कोन्‍छ्‍योक ताङ ती येशू ख्रीष्‍टकी थोङ्‍दाङला ङ ख्‍युरुङला क छ्‍येम्‍बु बिन्‍नी सिरिन।

हिब्रू 11:16

बोरु तिवी याङ ती सिनाङ मङ ल्‍यामु वोतुप देवाच्‍येनकी ग्‍येल्‍खापकी कोर्ला छासे नो क्‍यासुङ। तुक क्‍यानी कोन्‍छ्‍योककी तिवाला “ङ तिवी कोन्‍छ्‍योक यिन।” सिनी सुङ्‍गुपला ङोछा मिकिवी। वुतुङ के खोकी तिवी थोक्‍ला ग्‍येसा च्‍यिक टडिक क्‍यानी ज्‍याङ नङ्‍नी वे।

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

१ पत्रुस 1:5

ख्‍यिरा कोन्‍छ्‍योकला तेपा क्‍यावु तप्‍की खोकी ख्‍यिराङला थर्वा नङ्‍गुप पर सेक खोकी ङार नेसुर ख्‍यिराङला र्‍होक्‍नी वे। ती थर्वा ति खोकी मी तेरीला ठिम क्‍या नङ्‍गुपला फेवु पेला खोकी ख्‍यिराङला छ्‍या देन्दुपला टडिक क्‍या वे।

१ पत्रुस 5:11

खोला राङ ओङ ताङ ङार ति नरीकी नरी वुङ्‍शी। आमिन।

२ पत्रुस 1:11

तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।