२ तिमोथी 4:17 - कोन्छ्‌योककी सुङ

¹⁷ यिने चोवो येशू ङे मिजीला ज्‍युनी ङला ङार नङ्‍सुङ। तीकी तेन्‍दोक ति यहूदी मिन्‍दुप मिरिक यम्‍बाकी मीतिवा तेरीला कोन्‍छ्‍योककी सुङ ख्‍याप्‍टाक क्‍यानी तिवाला ती सुङ तेरी हाक्‍को ज्‍यितुपला यिन। तमा खोकी ङला ठिम्‍खाङकी सेतुप छ्‍येर्पा नेसुर र्‍होक्‍सुङ।

२ तिमोथी 4:17 Iomraidhean Croise

मत्ती 10:19

मीतिवी ख्‍यिराङला जिम्‍नी ठिम्‍खाङला क्‍योलुप पेला ख्‍यिराङ चुक सि गोकिवी याङ्‍ना काङ सि गोकिवी सिनी पप माकी, च्‍यिलासिसिन ख्‍यिरा काङ सि गोवु ति ती पेला राङ ख्‍यिराङला लप्‍कितो।

लूका 1:1

ङ्‍यिरा पर्ला च्‍युङ्‍गुप ताम्‍ङेतिवी कोर्ला रिम्‍बा क्‍यानी टिकुप छोलुप मी बङी नोक।

लूका 21:15

च्‍यिलासिसिन ती पेला ङ ख्‍यिराङला लपुप ताम्‍ङे ताङ रिक्‍पा तेरिन, तुक क्‍यानी ख्‍यिरा चुका डतिवी साङ ख्‍यिरा ताम्‍ङेकी तेन्‍दोकला लङ मुथुपी, तमा तिवी ख्‍यिरा ताम्‍ङे टेके मिन सिनी सि मुथुपी।

लोमा छ्‍येतिवी लाका 23:11

ती गोमु चोवो येशू पावलकी चाला लानी, “पावल, ङाडेङ की! यरूशलेमला ख्‍योरो ङे थोक्‍ला पङ्‍बु बिन्‍दुप दोके रोमला वोतुप मीतिवाला साङ पङ्‍बु तेर गोकितो।” सिनी सुङ्‍सुङ।

लोमा छ्‍येतिवी लाका 9:15

यिने चोवोकी हननियाला सुङ्‍सुङ, “ख्‍युरुङ ग्‍युक! गल्‍नी ङे काङ सिक्‍यावे, ती ति की! च्‍यिलासिसिन शाऊल ति मिरिक यम्‍बातिवा ताङ ग्‍येल्‍वुतिवा ताङ इस्राएल मीतिवाला ङे सुङ ख्‍याप्‍टाक कितुपला पेतुप मी यिन।

रोमी 15:31

ङ यहूदियाला वोतुप तेपा मिकिवु मीतिवी लक नेसुर थर थुप्‍शी, तमा यरूशलेमला वोतुप कोन्‍छ्‍योकला तेपा कितुप मीतिवी थोक्‍ला ङे शब्‍ज्‍यी क्‍यावु ति मीतिवी सेमला डोशी।

२ कोरिन्थी 12:9

यिने चोवोकी ङला दुक सुङ्‍सुङ, “ङे कटिन ति ख्‍युरुङला गोवु सिनाङ मङ ल्‍हक्‍पा वे। च्‍यिलासिसिन ङे ङार ति ङार मेतुपतिवी खला राङ तेरी छेकिवी।” तुक क्‍यानी ख्रीष्‍टकी ओङ ति ङे मिजीला लुशी सिनी ङ छासे गा क्‍यानी ङार मेतुपकी थोक्‍ला तेके किवी।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

१ तिमोथी 1:12

ङला ङार नङ्‍गुप दाक्‍पी चोवो ख्रीष्‍ट येशूला थुचिछे बुलिन, च्‍यिलासिसिन खोकी खोरुङला शब्‍ज्‍यी कितुपकी थोक्‍ला ङला खोङ्‍तेर्मु वोतुप सिनी चिसुङ।

२ तिमोथी 2:1

तुक क्‍यानी आङो, ख्‍युरुङ ख्रीष्‍ट येशूकी नङ्‍गुप कटिनला तेपा रम्‍बु क्‍यानी देता।

२ तिमोथी 2:9

ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।

२ तिमोथी 3:11

एन्‍टिओखिया ताङ आइकोनियन ताङ लुस्‍त्राला ङे चो छेटाङ ताङ दुक्‍पा खुर्सुङ सिरुप ति ख्‍युरुङला साङ छ्‍या वे। ङला चो छेटाङतिवा ख्‍येल्‍सिनाङ ती तेरी छेटाङ नेसुर कोन्‍छ्‍योककी ङला र्‍होक्‍सुङ।

२ तिमोथी 4:5

यिने ख्‍युरुङ ति चो पेला साङ सेम थिला ज्‍याक्‍नी चो दुक्‍पा वोसिनाङ लेन ल्‍यामु ख्‍याप्‍टाक कितुप ताङ खोला शब्‍ज्‍यी कितुप लाका ति तेरी किसा।

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

हिब्रू 11:33

तेपा नेसुर राङ तिवी लुङ्‍बा यम्‍बा ताङ मुला मक ग्‍यप्‍नी ग्‍येल्‍सुङ, ठिम टेङ्‍बु क्‍यानी ग्‍येला क्‍यासुङ, कोन्‍छ्‍योककी थाक्‍छ्‍येन नङ्‍गुप साङ थोप्‍सुङ, तिवी सेङ्‍गीकी ख साङ उप्‍सुङ,

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

२ पत्रुस 2:9

तुक क्‍यानी खोकी सुङला युकुपतिवा छेटाङला ख्‍येलुप पेला र्‍होकुप ताङ खोकी सुङला मुयुकुपतिवाला ठिम कितुप तुजे सेक छ्‍येर्पा बिन्‍नी टानी ज्‍योकुप ति कोन्‍छ्‍योकला छ्‍या वे।