२ तिमोथी 4:11 - कोन्छ्‌योककी सुङ

¹¹ तसाम ङे मुला लूका तिराङ वोतो। ख्‍युरुङ वुङ्‍गुप पेला मर्कूसला छल्‍नी ख्‍योरो मुला राङ टिनी शोक। च्‍यिलासिसिन ती ति ङला दाल्‍जा कितुपला छासे फेन थोवु वोतो।

२ तिमोथी 4:11 Iomraidhean Croise

मत्ती 19:30

यिने गोमाला वोतुपतिवा बङी तिङ्‍ला गिवी, तिङ्‍ला वोतुपतिवा बङी गोमाला गिवी।” सिनी सुङ्‍सुङ।

मत्ती 20:16

तुक क्‍यानी तिङ्‍ला वुङ्‍गुपतिवा ति गोमाला ख्‍येल्‍गिवी, गोमाला वुङ्‍गुपतिवा ति तिङ्‍ला ख्‍येल्‍गिवी।”

लूका 13:30

वुतुङ के तिङ्‍ला वोतुपतिवा ति गोमाला ख्‍येल्‍गितो, तमा गोमाला वोतुपतिवा ति तिङ्‍ला ख्‍येल्‍गितो।”

लोमा छ्‍येतिवी लाका 12:12

पत्रुसकी दी ताम्‍ङे हाक्‍कोसिमा मर्कूस सिरुप यूहन्‍नाकी आमा मरियमकी खाङ्‍बा गाल्‍नोक। ती पेला ते मी बङी मोपोर कियी नोक।

लोमा छ्‍येतिवी लाका 12:25

तमा बारनाबास ताङ शाऊलकी कोन्‍छ्‍योककी क नङ्‍गुप लाकातिवा तेरी क्‍या सिन्‍सिमा मर्कूस सिरुप यूहन्‍नाला साङ मुला राङ टिनी यरूशलेम नेमा एन्‍टिओखियाला लोक्‍सुङ।

लोमा छ्‍येतिवी लाका 15:37

ती पेला बारनाबासकी मर्कूस सिरुप यूहन्‍नाला साङ मुला राङ टिनी डोप नो क्‍यासुङ।

लोमा छ्‍येतिवी लाका 15:39

तुक क्‍यानी तिवी पर्ला कशेन खाँदा शोरुप तप्‍की तिवा पेसुङ। तमा बारनाबास ति मर्कूस ताङ क्‍यानी टुला जेनी साइप्रस लुङ्‍बाला गाल।

लोमा छ्‍येतिवी लाका 16:10

ती थोङ्‍सिमा पावल ताङ ङ्‍यिराङ शार्क्येक माकेडोनियाला डोप नो क्‍यायिन। च्‍यिलासिसिन कोन्‍छ्‍योककी तेकी मीतिवाला लेन ल्‍यामु ख्‍याप्‍टाक कितुपला ङ्‍यिराङला कताङ नङ्‍गुप यिन सिरुप ति ङ्‍यिरा हाक्‍कोसुङ।

कलस्सी 4:10

ङ ताङ मुला राङ चोन्‍खाङला वोतुप अरिस्‍तार्खसकी साङ ख्‍यिराङला टसी देलेक सिनी तङ वोतो। तमा बारनाबासकी नुप मर्कूसकी साङ ख्‍यिराङला टसी देलेक सिनी तङ वोतो। ती मर्कूसकी कोर्ला गोमाला साङ ङे ख्‍यिराङला सिक्‍यायिनो। ती ख्‍यिरा ते वासिमा तीला ल्‍यामो क्‍यानी गासो शुसा।

कलस्सी 4:14

ङ्‍यिरा ङ्‍यिङ्‍ज्‍येवु आम्‍ज्‍यी लूका ताङ डेमासकी ख्‍यिराङला टसी देलेक सिनी तङ वोतो।

२ तिमोथी 1:15

ख्‍युरुङला छ्‍या राङ वे, एशिया लुङ्‍बाला देतुपतिवा तेरीकी ङला क्‍युर ज्‍याक्‍नी गाल्‍सुङ। तिवी पर्ला फुगेलस ताङ हर्मोगेनस साङ यिन।

२ तिमोथी 2:21

ती दोके सी साङ दिक्‍पा कितुप क्‍युर्नी खुरुङ टेङ्‍बु जेवी सिसिन ती ति नाथोप पेला खाङ्‍बी ज्‍यिन्‍दाककी खक्‍छ्‍येवुला थोकुप चेङ्‍गा वोतुप नेक्‍योक दोके च्‍युङ्‍नी ज्‍यिन्‍दाककी थोक्‍ला तेरी लाका ल्‍यामु कितुप च्‍युङ्‍गिवी।

फिलेमोन 1:24

तमा ङ ताङ मुला राङ लाका कितुप मर्कूस ताङ अरिस्‍तार्खस ताङ डेमास ताङ लूकाकी साङ टसी देलेक सिनी तङ वोतो।

१ पत्रुस 5:13

बेबिलोनकी चर्चला वोतुप कोन्‍छ्‍योककी पेन नङ्‍गुप तेपा कितुपतिवा ताङ ङे पुज्‍युङ दोके राङ यिन्‍दुप मर्कूसकी साङ ख्‍यिराङला टसी देलेक सिनी ताङ वोतो।