२ तिमोथी 3:8 - कोन्छ्‌योककी सुङ

⁸ यान्‍नेस ताङ याम्‍ब्रेस मोशाकी तेन्‍दोकला लावु दोके ती मीतिवा साङ टेङ्‍बु वोतुप कोन्‍छ्‍योककी तेन्‍दोकला लङ्‍गिवी। तमा तिवी सेम ति मेलोक्‍पा गलुप ताङ तिवी क्‍यावु तेपा ति टेङ्‍बु मेतुप गिवी।

२ तिमोथी 3:8 Iomraidhean Croise

लोमा छ्‍येतिवी लाका 15:24

ङ्‍यिरा पर नेमा ललाइ मीतिवा ङ्‍यिराङला माटिवा क्‍यानी ख्‍यिरा ते गल्‍नी मेतुप ताम्‍ङेतिवा लाप्‍नी ख्‍यिराङला दुक्‍पा बिन्‍दुप ताङ सेम ना लङ्‍गुप ति ङ्‍यिरा हाक्‍कोसुङ।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

रोमी 16:18

च्‍यिलासिसिन तुका मीतिवी दाक्‍पी चोवो येशू ख्रीष्‍टकी थोक्‍ला शब्‍ज्‍यी कितुप मिन, यिने खोरो सुप सोपला तिराङ कोन्‍छ्‍योकला शब्‍ज्‍यी किवी। तिवा ताम्‍ङे ल्‍यामु ल्‍यामु क्‍यानी क्‍योक्‍पु लोक्‍पु मिकिवु मीतिवाला साङ जिनोक जेवी।

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

१ तिमोथी 1:19

तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

१ तिमोथी 4:2

ती तेरी येन्‍देनतिवा ति मी खोनक्‍पुतिवा नेसुर गिवी। तिवी सेम ति शैतानकी ति यिन सिनी च्‍या छेन्‍दी थ्‍वोनी डाम ग्‍यपुप दोके यिन।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 4:15

ख्‍युरुङ ती नेसुर च्‍याङ्‍से देता। च्‍यिलासिसिन दाक्‍पी लेन ल्‍यामु ख्‍याप्‍टाक क्‍यावु ताम्‍ङेला तीकी दाक्‍पी तेन्‍दोकला लासुङ।

तीतस 1:10

च्‍यिलासिसिन क्रेटला वोतुप माङ्‍शोक मीतिवा ति ओङला मेदेवु, मी यम्‍बाला मेतुप ताङ जिनोक जोप लाका किवी। तिवा ति माङ्‍शोक यहूदी च्‍येतुप लुक्‍सु क्‍यावु मीतिवी नाङ्‍ला ख्‍येल्‍गिवी।

तीतस 1:16

तिवा कोन्‍छ्‍योकला ङो शेकिवी सिनी सिरुप याङ सिवी, यिने रङगी किताङ नेसुर खोला मारे तोङ्‍गिवी। तिवा दुक्‍टा ताङ खोकी सुङला मेङ्‍येन्‍दुप गिवी। तमा काङ साङ लाका टेङ्‍बु कि छ्‍योवु मेङ्‍गिवी।

२ पत्रुस 2:14

तिवा नरी शम्‍डेन कितुप नासाम तिराङ तोङ्‍गिवी। तिवा चो दिक्‍पा क्‍यासिनाङ सेम लो मिदिवी, तिवी तेपा रम्‍बु मेनी सेम नटेकोटे वोतुप मीतिवाला अलम च्‍योलोम जेवी। तिवी सेम ति देर्पा कितुपला छासे खामु गिवी। तुक क्‍यानी तिवा मोताप सुकुप गिपातिवा यिन।

१ यूहन्‍ना 2:18

आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

ज्‍यल्‍का 2:20

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ख्‍युरुङ ईजेबेल पुम्‍पेजी सिक्‍यावु खला ङ्‍येन्‍गिनोक। तीकी खुरुङ ति नम्‍दर शेतुप यिन सिनी सिनोक, यिने ङला शब्‍ज्‍यी कितुपतिवाला ति शम्‍डेन कितुप ताङ कुतिवाला पुलुप समा सोसिन गिवी सिनी लोप्‍किनोक।

ज्‍यल्‍का 2:6

यिने ख्‍यिरा लाका च्‍यिक ति ल्‍यामु क्‍या वे। ती ति काङ यिन सिसिन ङे दोके क्‍यानी ख्‍यिरा साङ निकोलाइटस सिरुप टेङ्‍बु मेतुप छोक्‍पाकी मीतिवी क्‍यावु लाकाला गा माक्‍या।