२ तिमोथी 3:2 - कोन्छ्‌योककी सुङ

² ती तुजेला मीतिवा खोरो थोक्‍ला तिराङ नासाम तोङ्‍गुप ताङ टङ्‍गा डेवाला तिराङ चा कितुप ताङ अम्‍बारङ्‍शिङ कितुप ताङ तेके कितुप ताङ मीला मारे तोङ्‍गुप ताङ पपाआमी खला मेङ्‍येन्‍दुप ताङ टेन मसम्‍बुप ताङ कोन्‍छ्‍योकला ताङ्‍देन मिकिवु ताङ

२ तिमोथी 3:2 Iomraidhean Croise

मत्ती 15:6

ती मी तीकी खोरो पपाआमाला शब्‍ज्‍यी कि मोगोवी सिनी सिवी। तुक क्‍यानी ख्‍यिरा रङगी लुक्‍सु तेन्‍दुपकी थोक्‍ला कोन्‍छ्‍योककी सुङ ति मेतेन्‍वी।

लूका 12:15

तमा खोकी ते वोतुप मी तेरीला सुङ्‍सुङ, “च्‍याङ्‍से देता, ख्‍यिराङ तेरी परकी देर्पा नेमा कुतुक दे। खोरो टोङ्‍बा छासे बङी वोसिनाङ मीकी मिजी ति ती टोङ्‍बी मुला मुलुवी।”

लूका 16:14

ती ताम्‍ङे थोनी टङ्‍गाला देर्पा कितुप फरिसीतिवी येशूला मर्च्या क्‍यासुङ।

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

लोमा छ्‍येतिवी लाका 5:36

च्‍यिलासिसिन तोङ्‍ला साङ थुदास सिरुप मी यी वानी खोरुङ तिराङ ङ राङ यिन सिनी दप्‍शे ग्‍यप्‍सुङ। तमा तो मिसिन मी सयी ज्‍यी चोयी तीकी तिङ्‍ला तिङ्‍यासुङ। यिने ज्‍युक्‍ला तीला सेसिमा तीकी तिङ्‍ला तिङ्‍योकुपतिवा तेरी थरा थुरा गाल्‍सुङ।

रोमी 11:18

तुक क्‍यानी ख्‍यिराङ नाठुङ वुङगी जैतुन दोङ्‍बु दोके वोतुप यहूदी मिन्‍दुप मिरिक यम्‍बाकी मीतिवा वुतुङ्‍की जैतुन दोङ्‍बु दोके यिन्‍दुप यहूदीतिवाला ङ्‍यिङ्‍मर माकी, च्‍यिलासिसिन दोङ्‍बुला टेकाम तेरुप ति येल्‍का मिन, मर यिन।

२ कोरिन्थी 5:15

खो दाक्‍पु तेरीकी थोक्‍ला टुङ्‍सुङ। तुक क्‍यानी सेन्‍बु लुवुतिवी रङगी थोक्‍ला तिराङ मिन, तेरीकी थोक्‍ला टुङ्‍नी ङोसु लङ्‍गुप खोकी थोक्‍ला मिजी क्‍योङ गोकिवी।

फिलिप्पी 2:21

मी यम्‍बातिवा याङ येशू ख्रीष्‍टला मिन, यिने खोरो थोक्‍ला तिराङ नासाम तोङ्‍गिनोक।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

२ थेसलोनिकी 2:4

ती ना तोङ्‍गुप दुक्‍टाकी गिपा तीकी मीतिवी सोवा देकुपला जोवु तेरी च्‍यालकतिवाला तेन्‍दुप ताङ कोन्‍छ्‍योक दोके जोनी खो ज्‍यु वोतुप दासा चाङ्‍माला देनी खुरुङ राङ कोन्‍छ्‍योक यिन सिनी खोकी तेन्‍दोकला लङ्‍गिवी।

१ तिमोथी 1:20

तिवी पर्ला हुमेनियस ताङ अलेक्‍जेन्‍डर साङ यिन। तिवी कोन्‍छ्‍योकला मारे तोङ्‍गुप मेङ्‍नोक सिरुप ति हाक्‍कोशी सिनी ङे तिवाला शैतानकी लकला ख्‍येल च्‍यितुप यिन।

१ तिमोथी 1:9

ती ठिम ति मी टेङ्‍बुकी थोक्‍ला मिन, यिने ठिमला मुयुकुपतिवा ताङ सिक्‍यावु ताम्‍ङेला मेङ्‍येन्‍दुपतिवा ताङ कोन्‍छ्‍योकला मेतेन्‍दुपतिवा ताङ दिक्‍छेनतिवा ताङ मेटेङ्‍बुतिवा ताङ कोन्‍छ्‍योकला मारे तोङ्‍गुपतिवा ताङ पपाआमा ताङ मी यम्‍बाला सेतुप मीतिवी थोक्‍ला ताङ

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

१ तिमोथी 6:4

तुका मी ति ङ राङ यिन सिनी सिवी, तीकी काङ साङ येन्‍देन शेवु मेवी। तमा तीकी तेन्‍दोक मेतुप ताम्‍ङेला केवुल कितुप तिराङ क्‍यानी ताम्‍ङे छिक रे रेला थमु ग्‍यकुप छोल्‍गिवी। तीकी जोसालेन्‍सिन ठतोक कितुप ताङ खाँदा शोरुप ताङ मारे तोङ्‍गुप ताङ नाम्‍दोक मेलोवातिवा वुङ्‍गिवी।

२ तिमोथी 3:4

मीला जिनोक जोनी क्‍येन तेरुप ताङ ङ्‍यिर्मु कोक्‍पु वोतुप ताङ ङ राङ यिन सिरुप ताङ कोन्‍छ्‍योकला सिनाङ गा ताङ किर्मुला तिराङ नासाम तोङ्‍गुप ताङ

याकूब 2:8

कोन्‍छ्‍योककी सुङला साङ “खोरो युल्‍वातिवाला रङला दोके ङ्‍यिङ्‍ज्‍ये की।” सिनी टि वे। वुतुङ के ख्‍यिरा ती कोन्‍छ्‍योककी सुङला वोतुप खक्‍छ्‍येवु कला ङ्‍येन्‍सुङ सिसिन ख्‍यिरा ल्‍यामु राङ क्‍यावु यिन।

याकूब 4:16

यिने तन्‍दा ख्‍यिराङ रङगी मिजीकी थोक्‍ला नो क्‍यावु ताम्‍ङेला छासे तेके किवी। तुका लाका ति दुक्‍टा यिन।

याकूब 4:6

यिने खोकी दाक्‍पुला छासेकी कटिन नङ्‍गिवी। ती तप्‍की कोन्‍छ्‍योककी सुङला दुक सिनी टि वे, “अम्‍बारङ्‍शिङ कितुपतिवाला कोन्‍छ्‍योक गा मालङ्‍गिवी, यिने सेम बोल्‍मु वोतुपतिवाला कटिन नङ्‍गिवी।”

१ पत्रुस 5:5

तमा नाज्‍युङतिवा, गावागुवातिवी ओङला देता। च्‍यिक ताङ च्‍यिककी ओङला देनी छ्‍येजु मिकिवु वुङ गोकितो। च्‍यिलासिसिन “छ्‍येजु कितुप मीतिवाला कोन्‍छ्‍योककी गा मलाङ्‍गिवी, यिने छ्‍येजु मिकिवु मीतिवाला खोकी कटिन नङ्‍गिवी।” सिनी कोन्‍छ्‍योककी सुङला साङ टि वे।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।

२ पत्रुस 2:12

यिने ती गेकेन मेटेङ्‍बुतिवा याङ खोरो हाक्‍माकोवु ताम्‍ङेला मारे तोङ्‍गिवी। तिवा नो मेशेवु सेम्‍ज्‍येनतिवा दोके यिन्‍दुप तप्‍की खोप्‍राङ नोवाला तिराङ युकिवी। तिवा जिम्‍नी सेतुपकी थोक्‍ला क्‍येवु सेम्‍ज्‍येन दोके यिन। तुक क्‍यानी सेम्‍ज्‍येनतिवा दोके तिवा ना डिवी।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:16

तुका मीतिवा नरी ङ्‍योशोक ङ्‍योशोक सिरुप ताङ नरी मी यम्‍बाला क्‍येन तेरुप छोलुप ताङ खुरुङ राङ नोवा मेलोवाला युकुप ताङ ङ राङ छ्‍ये यिन सिनी नोकितुप ताङ खोरो ख्‍येप्‍साङकी थोक्‍ला मी यम्‍बाला ख शिम्‍बु जोप गिवी।

ज्‍यल्‍का 13:1

तमा येलुङ ग्‍येम्‍छो नाङ ने सेम्‍ज्‍येन च्‍यिक थेन्‍दुप ति ङे थोङ्‍सुङ। तीकी ति अर्क्योक च्‍यिथम्‍बा ताङ गो दिन चोके नोक। तमा अर्क्योक रे रेला ग्‍येल्‍वी उशाक कोन्‍नोक। तमा ती गो रे रेला कोन्‍छ्‍योकला मारे तोङ्‍गुप मिङ टिनी नोक।

ज्‍यल्‍का 16:11

तिवाला कुर्मु थेन्‍नी कशेन सुक क्‍यावु तप्‍की देवाच्‍येनला ज्‍यु वोतुप कोन्‍छ्‍योकला मारे ताङ्‍सुङ। यिने तिवी खोप्‍राङ क्‍यावु लाका मेलोवा नेसुर सेम ति माग्‍युर।

ज्‍यल्‍का 16:21

ती ज्‍युक्‍ला नाम नेमा किलो खल ङ्‍यी चोयी वोतुप सेर बोम्‍बुतिवा मीतिवी गोला पाप्‍सुङ। तुका छेटाङ ख्‍येलुप तप्‍की मीतिवी कोन्‍छ्‍योकला मारे ताङ्‍सुङ। च्‍यिलासिसिन ती सेर ग्‍यकुप छेटाङ ति छासे ज्‍यिवा लङ्‍गुप नोक।

ज्‍यल्‍का 16:9

तमा ङ्‍यिमा छेन्‍दीकी मीतिवा कशेन छिक्‍सुङ। तिवाला छेटाङ ख्‍येल्‍सिमा तिवी ती छेटाङ तेरुप ति कोन्‍छ्‍योक राङ यिन सिनी खोला मारे ताङ्‍सुङ। यिने सेम ग्‍युर्नी खोला मोवा ति माक्‍या।