२ तिमोथी 3:16 - कोन्छ्‌योककी सुङ

¹⁶ दी तेरी कोन्‍छ्‍योककी सुङ ति खोकी थु चाङ्‍मा नेमा टेङ्‍बु जोवु यिन। दी ति लाप्‍नी तेरुपला ताङ लाका मेलोक्‍पा कितुपतिवाला वोरु देन्‍दुप ताङ ङ्‍येवुतिवाला ल्‍यामु जोप ताङ टेङ्‍बुकी कोर्ला येन्‍देन तेरुपला छासे खक्‍छ्‍येवु वे।

२ तिमोथी 3:16 Iomraidhean Croise

मत्ती 13:52

तमा खोकी तिवाला सुङ्‍सुङ, “कोन्‍छ्‍योककी ग्‍येल्‍खापकी कोर्ला लापुप तेरी यहूदी छ्‍योकी गेकेनतिवा ति समा च्‍यालक ज्‍यकुप दासा नाङ ने नागुङ छ्‍येर्मु वोतुप च्‍यालक सम्‍बातिवा ताङ ङ्‍यिङ्‍बातिवा पाङ्‍ला थेन्‍दुप खाङ्‍बी ज्‍यिन्‍दाक दोके यिन।”

मत्ती 21:42

येशूकी तिवाला सुङ्‍सुङ, “काङ ख्‍यिरा कोन्‍छ्‍योककी सुङला दुक सिनी टि वोतुप ति मारा? ‘चुका दो तीला खार चिकुपतिवी फेन मोथोवु सिनी क्‍युर ज्‍याक्‍वे, ती दो ति खाङ्‍बी सुरकी खक्‍छ्‍येवु दो च्‍युङ्‍सुङ। दी ति चोवो कोन्‍छ्‍योककी क्‍यावु यिन, तमा दाक्‍पी थोङ्‍दाङला हलेवु वे।’

मत्ती 22:43

येलुङ येशूकी तिवाला सुङ्‍सुङ, “दाऊद ति कोन्‍छ्‍योककी थु चाङ्‍माकी क्‍येङ्‍नी खोला चोवो सिनी दुक सुङ्‍सुङ,

मत्ती 26:54

यिने तुक क्‍यासिन दुकै च्‍युङ गोकिवी सिरुप कोन्‍छ्‍योककी सुङ ति चुक क्‍यानी छेकिवी रो?”

मत्ती 26:56

यिने दी तेरी च्‍युङ्‍गुप ति कोन्‍छ्‍योककी लुङ्‍तेम्‍बातिवी टिवु खोकी सुङ ति तेरी छेवुला यिन।” ती पेला येशूकी लोमातिवा तेरीकी खोला क्‍युर ज्‍याक्‍नी टोनी गाल्‍सुङ।

मर्कूस 12:24

तमा येशूकी तिवाला सुङ्‍सुङ, “ख्‍यिरा नोरुप यिन, च्‍यिलासिसिन ख्‍यिरा कोन्‍छ्‍योककी सुङ ताङ खोकी ओङ ति हाक्‍माकोनोक।

मर्कूस 12:36

दाऊदकी कोन्‍छ्‍योककी थु चाङ्‍मा नेमा ख्रीष्‍टकी कोर्ला दुक सिक्‍यासुङ, ‘कोन्‍छ्‍योककी ङे चोवोला, “ङे ख्‍योरो डतिवाला ख्‍योरे काङ्‍बी वोक्‍ला मालेपा सेक्‍ला ख्‍युरुङ ति ङे यावी थाकाला देता।” सिनी सुङ्‍सुङ।’

यूहन्‍ना 10:35

कोन्‍छ्‍योककी सुङ थोपुपतिवाला खोकी ल्‍हा यिन सिनी सुङ्‍सुङ, तमा कोन्‍छ्‍योककी सुङ ति टेङ्‍बु वे।

यूहन्‍ना 3:20

दुक्‍टा कितुप तेरी मीतिवा वोसिरला गा मिकिवी, तमा वोसिरकी चाला मेङ्‍गिवी। च्‍यिलासिसिन तिवा खोरो क्‍यावु दुक्‍टा ति मीतिवी थोङ्‍गिवी सिनी ज्‍यिवा किवी।

लोमा छ्‍येतिवी लाका 1:16

“ओ अच्‍युनुपतिवा, यहूदाकी येशूला जिम तेरुपकी कोर्ला याङ दाऊदकी ख नेमा कोन्‍छ्‍योककी थु चाङ्‍माकी गोमाला के सुङ्‍गुप यिन। कोन्‍छ्‍योककी सुङगी नाङ्‍ला वोतुप ती सुङ ति तेरी छेसुङ।

लोमा छ्‍येतिवी लाका 18:25

कोन्‍छ्‍योककी सुङ टेङ्‍बुकी कोर्ला तीकी येन्‍देन ङ्‍येनोक। तुक क्‍यानी ती ति छासे सेम गा क्‍यानी येशूकी कोर्ला ताम्‍ङे लपुप ताङ ताम्‍ङे टेङ्‍बु तिराङ लोपुप किनोक। यिने तीला यूहन्‍नाकी बप्‍तिस्‍माकी कोर्ला तिराङ छ्‍या नोक।

लोमा छ्‍येतिवी लाका 20:20

ख्‍यिराङला ल्‍यामु वुङ्‍गुप ताम्‍ङे वोसिन ङ मी तेरीकी दोङ्‍ला लानी येन्‍देन लोपुप ताङ खाङ्‍बा खाङ्‍बाला गल्‍नी लोपुपला ङे कि मुथुपी सिनी नाम्‍साङ सिमाक्‍या। ती ताम्‍ङे याङ ख्‍यिराङला साङ छ्‍या वे।

लोमा छ्‍येतिवी लाका 20:27

च्‍यिलासिसिन कोन्‍छ्‍योककी नोवाला वोतुप ताम्‍ङेतिवा तेरी ङे ख्‍यिराङला लापिन।

लोमा छ्‍येतिवी लाका 28:25

तमा तिवा खोप्‍रे पर्ला साङ ताम्‍ङे माडिक्‍नोक। तुक क्‍यानी केन डोप पेला पावलकी दुक सिनी लाप्‍सुङ, “ख्‍यिरा पगावा हङ्‍गावाला कोन्‍छ्‍योककी थु चाङ्‍माकी यशैया लुङ्‍तेम्‍बा नेमा सुङ्‍गुप सुङ ति टेके राङ नोक। ती सुङ ति दी यिन,

रोमी 15:4

तुक क्‍यानी तोङ्‍ला कोन्‍छ्‍योककी सुङला टिवु ताम्‍ङेतिवा दाक्‍पी थोक्‍ला येन्‍देन तेरुप च्‍युङ वे। ती सुङगी नाङ्‍ला वोतुप हम क्‍यानी देतुप ताङ टोङ्‍गु नेसुर दाक्‍पुला रेवा ङ्‍येकिवी।

रोमी 2:20

तमा दोजो ख्‍युरुङ कोन्‍छ्‍योककी नङ्‍गुप तेरी ठिम नेसुर रिक्‍पा ताङ मिजी टेङ्‍बुकी कोर्ला हाक्‍कोवु तप्‍की अम्‍बारङ्‍शिङतिवाला मेलोवा गल्‍सिन ल्‍यामु जेवी, काङ साङ हाक्‍मोकोवु मीतिवाला येन्‍देन तेर्किवी सिनी सिवी सिसिन,

रोमी 3:2

ख्‍येप्‍साङ ति बङी वे। ती ति काङ यिन सिसिन थल्‍माला कोन्‍छ्‍योककी यहूदीतिवाला खोकी सुङ टेङ्‍बु ति चेक तेन नङ्‍गुप यिन।

रोमी 4:23

“अब्राहाम टेङ्‍बु वे सिनी कोन्‍छ्‍योककी सेमला लासुङ।” सिरुप सुङ ति अब्राहामकी थोक्‍ला तिराङ टिवु मिन,

१ कोरिन्‍थी 12:7

कोन्‍छ्‍योककी थु चाङ्‍माकी मी रे रेला लाका कितुप खोकी कटिनकी ङ्‍येम्‍बा नङ्‍गुप ति खोरो थोक्‍ला तिराङ मिन, मी तेरीला ल्‍यामु च्‍युङ्‍शी सिनी नङ्‍गुप यिन।

गलाती 3:8

खोकी सुङला खोरे राङ यहूदी मिन्‍दुप मिरिक यम्‍बाकी मीतिवाला तिवी क्‍यावु तेपा नेसुर टेङ्‍बु च्‍युङ्‍गुप ति गोमाला के हाक्‍कोसिमा “ख्‍युरुङ नेसुर राङ तेरी गिपातिवाला मोलाम थोप्‍किवी।” सिनी अब्राहामला गोमाला के सुङ्‍नी वे।

२ तिमोथी 2:25

कुसु ज्‍यम्‍बु क्‍यानी रङगी तेन्‍दोकला लङ्‍गुप मीतिवाला साङ ल्‍यामु क्‍यानी लोप गोकिवी। तुक क्‍यासिन कोन्‍छ्‍योककी तिवाला साङ सेम ग्‍युर च्‍यिनी तिवी खोकी सुङ टेङ्‍बुला तेपा कि थुप्‍किवी।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

हिब्रू 11:1

कोन्‍छ्‍योकला तेपा कितुप सिक्‍यावु ति दाक्‍पी रेवा क्‍यावु ताम्‍ङेला खोकी नङ्‍गिवी सिनी तेन्‍तेन कितुप ताङ माथोङ्‍गुप ताम्‍ङेला वे सिनी हाक्‍कोवा कितुप यिन।

हिब्रू 3:7

तुक क्‍यानी कोन्‍छ्‍योककी थु चाङ्‍माकी दुक सुङ्‍गिवी, “हारिङ ख्‍यिरा कोन्‍छ्‍योककी सुङ्‍गुप ति थोसुङ सिसिन,

हिब्रू 4:12

च्‍यिलासिसिन कोन्‍छ्‍योककी सुङ ति ङोसु ताङ ङार छ्‍येवु वे। ती सुङ ति ख ङ्‍यी वोतुप खुर्पा सिनाङ नेन्‍बु वे। तुक क्‍यानी तीकी मी सेम ताङ थुकी नाङ्‍ला शुकुप ताङ जुकी थिन्‍जाम ताङ रुकककी काङ काङला शुनी कुतुक कुतुक मागल्‍वा सेक तीकी तुप्‍किवी। तमा सेमगी नासाम ताङ नोवा ति काङ नोक सिनी छ्‍या देन्‍गिवी।