२ तिमोथी 3:15 - कोन्छ्‌योककी सुङ

¹⁵ ख्‍युरुङ टिक्‍पे वोतुप पेला नेज्‍युनी चाङ्‍मा वोतुप कोन्‍छ्‍योककी सुङगी कोर्ला छ्‍या वे। ती सुङगी ख्रीष्‍ट येशूला तेपा क्‍यासिमा दिक्‍पा ने थरुप कोर्ला ख्‍युरुङला रिक्‍पा तेर्किवी।

२ तिमोथी 3:15 Iomraidhean Croise

मत्ती 22:29

तमा येशूकी तिवाला सुङ्‍सुङ, “ख्‍यिरा सिक्‍यावु ति टेके मिन। ख्‍यिरा कोन्‍छ्‍योककी सुङ साङ छ्‍या मे, खोकी ओङ साङ हाक्‍माकोवु तप्‍की तुका नासाम तङ्‍गुप यिन।

लूका 1:15

च्‍यिलासिसिन ती ति कोन्‍छ्‍योककी थोङ्‍दाङला मी छ्‍ये डितो। तमा तीकी गुन्‍डुम छ्‍याङ ताङ यम्‍बा जेप च्‍यालक नाम्‍साङ मुथुङ्‍तो। ती ति खोरो आमी खोकला वोतुप नेज्‍युनी कोन्‍छ्‍योककी थु चाङ्‍माकी क्‍येङ डितो।

लूका 2:40

आङा येशू ति छरिन रम्‍बु डोयी च्‍यु ताङ रिक्‍पाकी क्‍येङ्‍नी गाल, तमा चोवो कोन्‍छ्‍योककी कटिन खोकी खला नोक।

लूका 24:27

तमा येशूकी मोशा ताङ तेरी कोन्‍छ्‍योककी लुङ्‍तेम्‍बातिवा नेज्‍युनी तेरी कोन्‍छ्‍योककी सुङगी नाङ्‍ला खोरो कोर्ला टिवु ति तिवाला शेन नाङ्‍सुङ।

लूका 24:32

तमा तिवी च्‍यिककी च्‍यिकला सिक्‍यासुङ, “खो लामला दाक्‍पु ताङ मुला अरा उरा सुङ्‍गुप ताङ दाक्‍पुला कोन्‍छ्‍योककी सुङगी तेन्‍दोक ति शे नङ्‍गुप पेला दाक्‍पी सेम ति छासे लोदिमु च्‍युङ्‍नी गा लावु मिन रो?”

लूका 24:45

तमा खोकी तिवाला कोन्‍छ्‍योककी सुङ हाक्‍कोवु सेम नङ्‍यिन सिरा

यूहन्‍ना 5:47

यिने ख्‍यिरा मोशाकी टिवु ठिमला साङ तेपा माक्‍यासुङ सिसिन चुक क्‍यानी ङे सिक्‍यावु ताम्‍ङेला तेपा किवी रो?”

लोमा छ्‍येतिवी लाका 10:43

खोला तेपा कितुपतिवा तेरीला खोकी मिङ नेमा तिवी क्‍यावु दिक्‍पा ने थर ज्‍यिकिवी सिनी तेरी कोन्‍छ्‍योककी लुङ्‍तेम्‍बातिवी खोकी कोर्ला सिक्‍या वे।”

लोमा छ्‍येतिवी लाका 13:29

तुक क्‍यानी खोकी कोर्ला कोन्‍छ्‍योककी लुङ्‍तेम्‍बाकी सुङला टिन वोतुप तेरी छेसिमा तिवी खोला ग्‍यङ्‍शिङ लो नेमा पाप्‍नी शेप मीला ज्‍योकुप टककी फुककी नाङ्‍ला ज्‍याक्‍सुङ।

लोमा छ्‍येतिवी लाका 16:1

तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

लोमा छ्‍येतिवी लाका 17:2

तमा नरी दोके क्‍यानी पावल यहूदी छ्‍योखाङ नाङ्‍ला गल्‍नी ङासोप ङ्‍यिमा ङ्‍यिमाला थेङ्‍मा सुम सेक कोन्‍छ्‍योककी सुङ नेसुर केवुल कियी देसुङ।

लोमा छ्‍येतिवी लाका 26:24

पावलकी तुक सिनी खोरो थोक्‍ला ताम्‍ङे लपिन वोतुप पेला फेस्‍तसकी थोर ग्‍यप्‍नी “ओ पावल, ख्‍योरुङ ङ्‍योनोक। ख्‍योरो येन्‍देन बङीकी ख्‍युरुङला ङ्‍येन्‍बु जोवु यिन।” सिनी वोरु तेन्‍सुङ।

रोमी 1:2

ती लेन ल्‍यामु ति काङ यिन सिसिन ती ति तोङ्‍ला के कोन्‍छ्‍योककी खोरो सेवु येशू ख्रीष्‍टकी थोक्‍ला खोरे लुङ्‍तेम्‍बातिवा नेसुर खोकी सुङगी नाङ्‍ला थाक्‍छ्‍येन नङ वे।

रोमी 16:26

यिने त याङ ती छ्‍याकला वोतुप लेन ल्‍यामु ति कोन्‍छ्‍योककी लुङ्‍तेम्‍बातिवी टिवु खोकी सुङला ल्‍यामो क्‍यानी ठछ्‍येली हाक्‍को थुपुप गल वे। तमा नरीकी नरी लुवु कोन्‍छ्‍योककी क नेसुर यहूदी मिन्‍दुप मिरिक यम्‍बाकी मीतिवा तेरीकी तेपा क्‍यानी खोकी सुङला ङ्‍येन्‍सुङ।

रोमी 2:27

ती तप्‍की जुला च्‍येतुप लुक्‍सु माक्‍यावुतिवी कोन्‍छ्‍योककी नङ्‍गुप ठिमला वोतुप दोके मिजी क्‍योङ्‍गिवी सिसिन तिवी च्‍येतुप लुक्‍सु क्‍यासिनाङ कोन्‍छ्‍योककी ठिमला सिक्‍यावु दोके मिजी मोक्‍योङ्‍गुप मीतिवाला क्‍येन तेर्किवी।

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

एफिसी 6:4

पपातिवा, खोरो पुज्‍युङपुमतिवाला ङ्‍यिर्मु मालोङ, यिने तिवाला चोवो येशूकी येन्‍देन ताङ तालिम बिन्‍नी र्‍होल।

१ तिमोथी 4:13

तमा ङ वुङ्‍दा सेक ख्‍योरो मीतिवाला कोन्‍छ्‍योककी सुङ रानी तेरुप ताङ ख्‍याप्‍टाक कितुप ताङ येन्‍देन तेरुपला ङ्‍याम की।

२ तिमोथी 1:1

टसी देलेक! येशू ख्रीष्‍टला वोतुप थाक्‍छ्‍येन नङ्‍गुप मिजी नेसुर कोन्‍छ्‍योककी नोवाकी पेन नङ्‍गुप ख्रीष्‍ट येशूकी लोमा छ्‍ये ङ पावलकी

२ तिमोथी 1:5

ख्‍योरो सेम टेङ्‍बु क्‍यानी तेपा क्‍यावु ति ङला नासाम शर्किनोक। ती तेपा ति तोङ्‍ला ख्‍योरो गाका लोइसला ताङ ख्‍योरो आमा युनिसला साङ वे, तमा तन्‍दा ख्‍योरो मिजीला साङ वोतुप ति ङला तेन्‍तेन वे।

२ पत्रुस 3:16

खोकी तङ्‍गुप यिकीतिवा तेरीकी नाङ्‍ला साङ दी ताम्‍ङेकी कोर्ला टिनी वोतो। ती नाङ्‍ला ललाइ ललाइ ताम्‍ङेतिवा हाक्‍कोवु कले वे, तुक क्‍यानी यिकी मेशेवुतिवा ताङ कोन्‍छ्‍योकला तेपा रम्‍बु मेतुप मीतिवी दी ताम्‍ङेतिवाला यम्‍बा छ्‍योकी थेपला वोतुप दोके फिलोक्‍पा नालोक्‍पा जोनी खुरुङला राङ खोरो ना तोङ्‍गिवी।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”