२ तिमोथी 3:14 - कोन्छ्‌योककी सुङ

¹⁴ यिने ख्‍युरुङ ति ख्‍योरो लापुप येन्‍देन ताङ तेपा रम्‍बु क्‍यावु ताम्‍ङेतिवाला ज्‍युनी दे। ती येन्‍देन ति सु नेमा लापुप यिन ख्‍युरुङला छ्‍या राङ वे।

२ तिमोथी 3:14 Iomraidhean Croise

लोमा छ्‍येतिवी लाका 17:31

च्‍यिलासिसिन खोकी तुजे यी तेन्‍तेन क्‍यानी दी जम्‍बुलिङला वोतुप मी तेरीला ठिम टेङ्‍बु क्‍या नङ्‍गिवी। ती ठिम कितुपला कोन्‍छ्‍योककी येशूला पेन नङ्‍गुप यिन। खोकी येशूला शेप ने ङोसु लानी तेरी मीतिवाला दी ताम्‍ङेकी कोर्ला पङ्‍बु छ्‍या तेन नाङ्‍सुङ।”

रोमी 14:5

तमा ललाइ मीतिवी ङ्‍यिमा च्‍यिक ति ङ्‍यिमा यम्‍बा सिनाङ खक्‍छ्‍येवु यिन सिनी नासाम तोङ्‍गिवी, यिने मी यम्‍बातिवी तेरी ङ्‍यिमा ति च्‍यिक्‍पा राङ यिन सिनी नासाम तोङ्‍गिवी। तुक क्‍यानी तेरी मीतिवा दाक दाक्‍पी तेपा क्‍यावु ताम्‍ङेला तेन्‍तेन कि गोकिवी।

कलस्सी 2:2

ङे तुक क्‍यावु ति ख्‍यिराङ ताङ तिवी सेमला ङाडेङ ङ्‍येनी च्‍यिककी च्‍यिकला ङ्‍यिङ्‍ज्‍ये किशी सिनी यिन। तुक क्‍यासिन वुतुङ के ख्‍यिराङ तेरीकी सुङ टेङ्‍बु हाक्‍कोनी सेमला तेन्‍तेन तेपा क्‍यानी कोन्‍छ्‍योककी छ्‍याकला वोतुप ख्रीष्‍टला ल्‍यामु क्‍यानी ङो शे थुप्‍किवी।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

१ तिमोथी 4:16

ख्‍योरो थोक्‍ला ताङ ख्‍योरो लोपुप येन्‍देनकी थोक्‍ला च्‍याङ्‍से क्‍यानी देता। ख्‍योरो नरी तुक क्‍यासिन ख्‍युरुङ ताङ ख्‍योरो ख्‍याप्‍टाक क्‍यावु सुङ ङ्‍येन्‍दुप मीतिवा साङ र्‍होकितो।

२ तिमोथी 1:13

येशू ख्रीष्‍ट नेसुर वुङ्‍गुप तेपा ताङ ङ्‍यिङ्‍ज्‍ये नेसुर ङे ख्‍युरुङला बिन्‍दुप येन्‍देन टेङ्‍बुला सिक्‍यावु दोके लुमु से।

२ तिमोथी 2:2

मी मङ्‍मुकी मिङ्‍गाला ङे ख्‍युरुङला येन्‍देन बिन्‍दुप ताम्‍ङे ति खोङ्‍तेर्मु वोतुप मी यम्‍बाला साङ लोप। तमा तिवी येलुङ मी यम्‍बातिवाला लोप थुप्‍शी।

२ तिमोथी 3:15

ख्‍युरुङ टिक्‍पे वोतुप पेला नेज्‍युनी चाङ्‍मा वोतुप कोन्‍छ्‍योककी सुङगी कोर्ला छ्‍या वे। ती सुङगी ख्रीष्‍ट येशूला तेपा क्‍यासिमा दिक्‍पा ने थरुप कोर्ला ख्‍युरुङला रिक्‍पा तेर्किवी।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

हिब्रू 10:22

दाक्‍पी सेम टेङ्‍बु नेसुर तेपा रम्‍बु जोनी कोन्‍छ्‍योककी चिप्‍ला डोप। तमा दाक्‍पी सेमला येशूकी ठक थोर्नी दुक्‍टा क्‍यासिमा सेम नेसुर वुङ्‍गुप क्‍येन ति टेङ्‍बु जोप ताङ दाक्‍पी जु ति छ्‍यु चेङ्‍गा थ्‍वोनी टुवु दोके टेङ्‍बु च्‍युङ्‍नी वे।

हिब्रू 6:11

ख्‍यिराङ रे रेकी रेवा क्‍यावु ति तेरी च्‍युङ्‍गुपला तुक क्‍यावु ति तिङ्‍ला सेक तुकै राङ क्‍यानी देकिवी सिरुप ति ङ्‍यिरा नोवा वे।