२ तिमोथी 3:13 - कोन्छ्‌योककी सुङ

¹³ मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

२ तिमोथी 3:13 Iomraidhean Croise

२ कोरिन्थी 6:8

मीतिवी ङ्‍यिराङला ताङ्‍देन क्‍यासिनाङ माक्‍यासिनाङ, ताम्‍ङे ल्‍यामु क्‍यासिनाङ मेलोक्‍पा क्‍यासिनाङ ङ्‍यिराङ ती लाका तेरी किवी। ङ्‍यिराङ ति मीला केन्‍दुप मी दोके च्‍युङ्‍गिवी, यिन्‍सिनाङ ङ्‍यिराङ टेङ्‍बु वे।

१ तिमोथी 4:1

कोन्‍छ्‍योककी थु चाङ्‍माकी टेङ्‍बु सुङ्‍गिवी। तिङ्‍मी तुजेला जिनोक जोप र्‍हेन्‍डी ताङ डेकी ताम्‍ङेला ङ्‍येन्‍नी मी ललाइकी तेपा कितुप क्‍युर्नी ज्‍योकिवी।

२ तिमोथी 3:8

यान्‍नेस ताङ याम्‍ब्रेस मोशाकी तेन्‍दोकला लावु दोके ती मीतिवा साङ टेङ्‍बु वोतुप कोन्‍छ्‍योककी तेन्‍दोकला लङ्‍गिवी। तमा तिवी सेम ति मेलोक्‍पा गलुप ताङ तिवी क्‍यावु तेपा ति टेङ्‍बु मेतुप गिवी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

२ पत्रुस 2:20

दोजो तिवी दाक्‍पुला दिक्‍पा ने थर ज्‍यितुप चोवो येशू ख्रीष्‍टला ङो शेनी दी जम्‍बुलिङकी मेटेङ्‍बु वोतुप च्‍यालक नेसुर थेन्‍सिमा येलुङ गोमी किताङ नालुला लोक्‍नी ती दिक्‍पी ओङला राङ डिवी सिसिन तिवा गोमी ति सिनाङ ज्‍युक्‍ला मङ मेलोक्‍पा डिवी।

२ पत्रुस 3:3

तेरी सिनाङ गोमाला ख्‍यिरा दी ताम्‍ङे ति हाक्‍को गोकिवी। ती ताम्‍ङे ति काङ यिन सिसिन जम्‍बुलिङकी तिङ्‍मी तुजेला खोरो सेमगी नासाम मेलोक्‍पाकी ओङला वोतुप मीतिवी ख्‍यिराङला मर्च्या क्‍यानी दुक सिनी टिवी,

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:14

गोमाला थेन्‍दुप सेम्‍ज्‍येनकी छापला बिन्‍दुप ती ओङ्‍ज्‍येन नेसुर त छ्‍या तेन्‍सिमा जम्‍बुलिङकी मीतिवाला तीकी जिनोक जोसुङ। तमा तीकी गोला म थेन्‍सिनाङ टेकुप सेम्‍ज्‍येन तीला मी तेरीकी तेन ज्‍यितुपला मीतिवाला तीकी कु जो सिनी क बिन्‍सुङ।

ज्‍यल्‍का 18:23

ती ग्‍येसाला नाम्‍साङ दिप्‍लीकी वोसिर मेङ्‍गितो। नमा मक्‍पा ताङ नमाकी वोरु साङ नाम्‍साङ मोथोतो। तीकी तेन्‍दोक ति ती ग्‍येसाकी छोङ्‍मेनतिवा जम्‍बुलिङकी मी छ्‍येतिवा दोके कितुप ताङ ती ग्‍येसाकी मिरिक कुतुक कुतुककी मीतिवा तेरीला मो ग्‍यप्‍नी जिनोक जोवु तप्‍की यिन।