२ तिमोथी 2:9 - कोन्छ्‌योककी सुङ

⁹ ती लेन ल्‍यामुकी थोक्‍ला राङ ङ दुक्‍चे क्‍येनला शोरुप मी दोके च्‍याटोक ग्‍यप्‍नी छेटाङ खुरिन वे। यिन्‍सिनाङ कोन्‍छ्‍योककी सुङला च्‍याटोक ग्‍यक मुथुपी।

२ तिमोथी 2:9 Iomraidhean Croise

लूका 23:32

ती पेला तिवी मी दुक्‍टा मिरा ङ्‍यीला साङ सेतुप छ्‍येर्पा ग्‍येलुपला येशूकी मुला टिनी गाल।

लोमा छ्‍येतिवी लाका 21:33

तमा मक्‍मी छ्‍ये ति पावलकी चाला वानी दीला जिम्‍नी च्‍यातक ङ्‍यी थ्‍वोनी च्‍याटोक ग्‍योप सिनी मक्‍मीतिवाला क बिन्‍सुङ। तमा “दी मी ति सु यिन? दीकी काङ लाका मेलोक्‍पा क्‍यासुङ?” सिनी मीतिवाला टिसुङ।

लोमा छ्‍येतिवी लाका 28:31

तमा सी साङ पावलला माक्‍येक। तुक क्‍यानी पावलकी ज्‍यिवा माक्‍यावा क्‍यानी कोन्‍छ्‍योककी ग्‍येल्‍खापकी कोर्ला ख्‍याप्‍टाक कियी ताङ चोवो येशू ख्रीष्‍टकी कोर्ला येन्‍देन बिन्‍सुङ।

लोमा छ्‍येतिवी लाका 9:16

तमा तीकी ङे थोक्‍ला चो दुक्‍पा खुर गोकिनोक सिरुप ति ङ तीला छ्‍या देनिन।”

एफिसी 3:1

ती तप्‍की ङ पावल ख्‍यिराङ यहूदी मिन्‍दुप मिरिक यम्‍बातिवी थोक्‍ला चोन्‍खाङला शोर्नी वे।

फिलिप्पी 1:17

यिने ठतोक लानी खाँदा कितुपतिवी ङला चोन्‍खाङला मङ छेटाङ ङ्‍येशी नोनी सेम टेङ्‍बु क्‍यानी मिन, यिने खोरो थोक्‍ला तिराङ नासाम ताङ्‍नी ख्रीष्‍टकी कोर्ला ख्‍याप्‍टाक क्‍यासुङ।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

कलस्सी 4:18

ङ पावलकी छ्‍योक नेमा ख्‍यिराङला टसी देलेक वोतो। दी टसी देलेक सिक्‍यावु ति ङे लाक्‍पी राङ टिवु यिनो। ङ चोन्‍खाङला शोर्नी च्‍याटोक ग्‍यपुप ति ख्‍यिरा टोक माज्‍येता। कोन्‍छ्‍योककी कटिन ति ख्‍यिरा मुला लुशी।

कलस्सी 4:3

तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

१ थेसलोनिकी 1:8

च्‍यिलासिसिन ख्‍यिरा नेसुर राङ चोवो येशूकी सुङ ति माकेडोनिया ताङ अखैयाला तिराङ फेलुप मिन, यिने कोन्‍छ्‍योकला ख्‍यिरा क्‍यावु तेपा ति दासा तेरीला फेलुप तप्‍की त ख्‍यिराङला दीकी कोर्ला ङ्‍यिरा सि गोवु ताम्‍ङे काङ साङ मे।

२ थेसलोनिकी 3:1

त तेरी सिनाङ तिङ्‍ला अच्‍युनुपतिवा, ङ्‍यिरा थोक्‍ला मोपोर किसा। कोन्‍छ्‍योककी लेन ल्‍यामु ति ख्‍यिरा पर्ला टम्‍बुप दोके टिम्‍बु क्‍यानी टम्‍शी, तमा दासा तेरीकी मीतिवी ताङ्‍देन क्‍यानी ङ्‍येन्‍शी,

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

२ तिमोथी 1:16

चोवोकी ओनेसिफरसकी मिछाङला मोलाम नङ्‍शी, च्‍यिलासिसिन तीकी ङला माङ्‍शोक टोङ्‍गु बिन्‍सुङ। तमा ङ चोन्‍खाङला ख्‍येलुप थोक्‍ला साङ तीकी ङोछा माक्‍यानी

२ तिमोथी 1:8

ती तप्‍की दाक्‍पी चोवो येशूकी थोक्‍ला पङ्‍बु तेरुपला ङोछा माकी, याङ्‍ना खोकी थोक्‍ला ङ चोन्‍खाङला शोरुप यिन सिनी साङ ङोछा माकी। यिने कोन्‍छ्‍योककी ओङला खोकी लेन ल्‍यामु ख्‍याप्‍टाक कितुपला दुक्‍पा खुर।

२ तिमोथी 2:3

मक्‍मीतिवी मक ग्‍यकुपला चो दुक्‍पा वोसिनाङ हम क्‍या देतुप दोके क्‍यानी ख्‍योरो साङ येशू ख्रीष्‍टकी थोक्‍ला लेन ल्‍यामु ख्‍याप्‍टाक कितुपला ङ्‍यिरा मुला दुक्‍पा खुर गोकिवी।

२ तिमोथी 4:17

यिने चोवो येशू ङे मिजीला ज्‍युनी ङला ङार नङ्‍सुङ। तीकी तेन्‍दोक ति यहूदी मिन्‍दुप मिरिक यम्‍बाकी मीतिवा तेरीला कोन्‍छ्‍योककी सुङ ख्‍याप्‍टाक क्‍यानी तिवाला ती सुङ तेरी हाक्‍को ज्‍यितुपला यिन। तमा खोकी ङला ठिम्‍खाङकी सेतुप छ्‍येर्पा नेसुर र्‍होक्‍सुङ।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 2:14

ती मी छ्‍येतिवा ति लाका दुक्‍टा कितुपतिवाला छ्‍येर्पा तेरुपला ताङ लाका ल्‍यामु कितुपतिवाला ताङ्‍देन कितुपला ग्‍येल्‍वुकी पेतुप मीतिवा यिन।

१ पत्रुस 3:16

तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।

१ पत्रुस 4:15

यिने ख्‍यिराङ सु साङ मी सेतुप ताङ कुन कितुप ताङ दुक्‍टा कितुप ताङ मी यम्‍बी लाकाला लाक्‍पा ग्‍यप्‍नी छेटाङ माखुर।