२ तिमोथी 2:8 - कोन्छ्‌योककी सुङ

⁸ ग्‍येल्‍वु दाऊदकी गिपाला क्‍येवु येशू ख्रीष्‍टला नरी नासाम तोङ। कोन्‍छ्‍योककी खोला टुङ्‍गुप ने ङोसु लङ्‍गुप यिन। ङे ख्‍याप्‍टाक क्‍यावु लेन ल्‍यामु ति दी राङ यिन।

२ तिमोथी 2:8 Iomraidhean Croise

मत्ती 1:1

येशू ख्रीष्‍ट ति अब्राहाम ताङ ग्‍येल्‍वु दाऊदकी गिपा यिन। दिवा ति अब्राहाम ताङ ग्‍येल्‍वु दाऊदकी गिपा येशू ख्रीष्‍टकी पगावा हङ्‍गावातिवा यिन।

लूका 24:46

तिवाला दुक सुङ्‍सुङ, “कोन्‍छ्‍योककी सुङला दुक सिनी टि वे, ‘ख्रीष्‍टकी छेटाङ खुर्सिमा ङ्‍यिमा सुमला शेप ने ङोसु लङ्‍गिवी,

लोमा छ्‍येतिवी लाका 13:23

तमा ज्‍युक्‍ला ती ग्‍येल्‍वु दाऊदकी गिपा नेमा राङ कोन्‍छ्‍योककी थाक्‍छ्‍येन नङ्‍गुप दोके इस्राएलकी मीतिवाला दिक्‍पा ने थर ज्‍यितुपला येशू ताङ्‍सुङ।

लोमा छ्‍येतिवी लाका 2:24

येशूकी छेटाङ बङी खुर्नी टुङ्‍सिनाङ कोन्‍छ्‍योककी खोला टुङ्‍गुप ने ङोसु लाङ्‍सुङ। च्‍यिलासिसिन खो शेप ति शितोक दे मुथुपी।

लोमा छ्‍येतिवी लाका 2:30

खो कोन्‍छ्‍योककी लुङ्‍तेम्‍बा यी यिन्‍दुप तप्‍की खोरे गिपा नेमा राङ मिरा च्‍यिक ग्‍येला कितुप मी क्‍येनी खोरे ठीला देकिवी सिरुप दाऊदला छ्‍या नोक। दी ति कोन्‍छ्‍योककी दाऊद ताङ मुला थाक्‍छ्‍येवु यिन।

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

रोमी 2:16

दी ताम्‍ङे ति ङे ख्‍याप्‍टाक क्‍यावु लेन ल्‍यामुला सिक्‍यावु दोके येशू ख्रीष्‍ट नेसुर कोन्‍छ्‍योककी मीतिवी क्‍यावु छ्‍याकला वोतुप ताम्‍ङेतिवा तेरीकी खला ठिम कितुप तुजेला ठछ्‍येली हाक्‍कोकिवी।

१ कोरिन्‍थी 15:1

अच्‍युनुपतिवा, ङे ख्‍यिराङला ख्‍याप्‍टाक क्‍यावु लेन ल्‍यामु ति ख्‍यिराङला येलुङ सिरिन। ख्‍यिराङ ती सुङ ति सेमला लानी तेपा रम्‍बु च्‍युङ्‍नी देन वे।

१ कोरिन्‍थी 15:4

तमा खोकी फुङ्‍बु कल्‍दोक क्‍यासुङ, यिने कोन्‍छ्‍योककी सुङला सुङ्‍गुप दोके खो टुङ्‍सिमा येलुङ ङ्‍यिमा सुमला कोन्‍छ्‍योककी खोला ङोसु लाङ्‍सुङ।

२ थेसलोनिकी 2:14

तीकी थोक्‍ला राङ ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु नेसुर दाक्‍पी येशू ख्रीष्‍टकी मोवा थोपुपला खोकी ख्‍यिराङला कताङ नङ्‍गुप यिन।

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।

१ तिमोथी 2:7

तीकी थोक्‍ला ङ खोकी सुङ ख्‍याप्‍टाक कितुपला लोमा छ्‍ये च्‍युङ्‍गुप यिन। तुक क्‍यानी ङ यहूदी मिन्‍दुप मिरिक यम्‍बाकी मीतिवाला तेपा कि ज्‍यितुपला ताङ टेङ्‍बुकी कोर्ला लोपुप गेकेन साङ च्‍युङ्‍गुप यिन। दी ताम्‍ङे ती टेङ्‍बु सिरिन, जिनोक मिन।

२ तिमोथी 1:8

ती तप्‍की दाक्‍पी चोवो येशूकी थोक्‍ला पङ्‍बु तेरुपला ङोछा माकी, याङ्‍ना खोकी थोक्‍ला ङ चोन्‍खाङला शोरुप यिन सिनी साङ ङोछा माकी। यिने कोन्‍छ्‍योककी ओङला खोकी लेन ल्‍यामु ख्‍याप्‍टाक कितुपला दुक्‍पा खुर।

२ तिमोथी 2:7

दी ङे सिक्‍यावु ताम्‍ङे ति ल्‍यामो नासाम तोङ। च्‍यिलासिसिन चोवोकी ख्‍युरुङला तेरी ताम्‍ङे हाक्‍कोवु ओङ नङ्‍गिवी।

ज्‍यल्‍का 5:5

तमा ते ग्‍येल्‍ठिकला देन वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीकी पर नेमा मिरा च्‍यिककी ङला “ख्‍युरुङ माङु। ल्‍होसा, यहूदाकी गिपा नेमा ग्‍येल्‍वु दाऊदकी गिपाला क्‍येवु सेङ्‍गी सिरुप मिरा च्‍यिक ग्‍येल वे। खोकी दी लज्‍युर दिनतिवा तोल्‍नी शुकी बिटप बे थुप्‍किवी।” सिनी सिक्‍यासुङ।