२ तिमोथी 2:5 - कोन्छ्‌योककी सुङ

⁵ ती दोके चिर्मु चेप पेला साङ चिर्मु चेप मी ति तीकी ठिमला देनी चिर्मु माचेसिन तीला छ्‍यक्‍तक मोथोपिवी।

२ तिमोथी 2:5 Iomraidhean Croise

लूका 13:24

“गच्‍चा वोतुप गो नेमा शुकुपला हुर्ताक की। ङ ख्‍यिराङला सिरिन, मी बङी ती नाङ्‍ला शुकुप छल्‍सिनाङ शुक मुथुपी।

फिलिप्पी 1:15

वुतुङ के ललाइ अच्‍युनुपतिवा ति ठतोक लानी खाँदा कियी सिरा लेन ल्‍यामु ख्‍याप्‍टाक क्‍यासुङ, ललाइकी नासाम ल्‍यामो तङ्‍नी ख्रीष्‍टकी कोर्ला लेन ल्‍यामु ख्‍याप्‍टाक क्‍यासुङ।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

हिब्रू 12:4

ख्‍यिरा याङ तन्‍दा सेक सी साङ दिक्‍पा मिकिवु तेन्‍दोकला रङगी मिजी साङ तेर गोवु क्‍यानी थमु ग्‍यक मागो वे।

हिब्रू 2:7

ख्‍योरे चेयी पर सेककी थोक्‍ला तीला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। तमा तीला ग्‍येल्‍वुला दोके मोवा ताङ ताङ्‍देन नाङ्‍सुङ।

हिब्रू 2:9

यिने दाक्‍पु येशूकी कोर्ला नासाम तोङ्‍गुप। कोन्‍छ्‍योककी कटिनकी खो मी तेरीकी थोक्‍ला टुङ्‍गुपला चेयी पर सेककी थोक्‍ला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। मी तेरीकी थोक्‍ला शेपला दुक्‍पा खुर्सिमा कोन्‍छ्‍योककी खोला ग्‍येल्‍वुला दोके मोवा ताङ ताङ्‍देन नाङ्‍सुङ।

याकूब 1:12

चुका मी ति खोक्‍पा ल्‍हापला ख्‍येलुप पेला छेटाङ ख्‍येल्‍सिनाङ हम क्‍यानी दे थुप्‍किवे, ती मी ति मोलाम थोपुप यिनो। च्‍यिलासिसिन तीला मिजीकी उशाक थोप्‍कितो। ती छ्‍यक्‍तक ति कोन्‍छ्‍योककी खोला ङ्‍यिङ्‍ज्‍येवु कितुपतिवाला तेरिन सिनी थाक्‍छ्‍येन नङ्‍गुप नाम्‍साङ मिशिवु मिजी यिन।

१ पत्रुस 5:4

तमा लुक गोठाला छ्‍ये दोके यिन्‍दुप ख्रीष्‍ट फेपुप पेला ख्‍यिराङला नाम्‍साङ मेसेतुप मोवा वोतुप ग्‍येल्‍वुकी उशाक थोप्‍कितो।

ज्‍यल्‍का 2:10

ख्‍युरुङला ख्‍येल वुङ्‍गुप छेटाङकी थोक्‍ला ज्‍यिवा माकी। ल्‍होसा, शैतानकी खोक्‍पा ल्‍हापला ख्‍यिरा पर्ला ललाइ ललाइला चोन्‍खाङला ख्‍येल ज्‍यितुप छल वोतो। यिन्‍सिनाङ ख्‍युरुङला ती छेटाङ ति ङ्‍यिमा च्‍यिथम्‍बा सेक तिराङ ख्‍येल्‍गितो। ख्‍युरुङ शिता सेक ङला तेपा रम्‍बु क्‍यानी दे, तमा ङ ख्‍युरुङला नाम्‍साङ मिशिवु मिजीकी छ्‍यक्‍तक तेरिनो।

ज्‍यल्‍का 3:11

ल्‍होसा, ङ ङमु राङ वुङ्‍यिनो। ख्‍योरो ङला क्‍यावु तेपा ति र्‍होक्‍नी ज्‍योक। तमा ख्‍युरुङला ङे तेरिन सिक्‍यावु छ्‍यक्‍तक ति सी साङ ठोक मुथुप्‍तो।

ज्‍यल्‍का 4:10

ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।