२ तिमोथी 2:26 - कोन्छ्‌योककी सुङ

²⁶ तमा तिवा सेम ङ्‍येनी शैतानकी ओङ नेसुर थर्नी कोन्‍छ्‍योककी नोवाला युक थुप्‍किवी।

२ तिमोथी 2:26 Iomraidhean Croise

लूका 11:21

मी रम्‍बु यीकी तेरी लाक्‍च्‍ये खुर्नी खोरो खाङ्‍बा र्‍हेन्‍सिन खोरो च्‍यालकतिवा र्‍होकिवी।

लूका 15:17

ती पेला के तीकी टेन्‍बा ङ्‍येनी दुक सिक्‍यासुङ, ‘ङे पाली खाङ्‍बा याङ लावातिवा बङीकी सुप दुन दुन सोनी साङ ल्‍हकिवी। यिने ङ ति दे ल्‍होतुङ्‍बा राङ शेप छाल्‍सुङ।

लूका 5:10

तमा सिमोन ताङ मुला लाका कितुप जब्‍दियाकी पुज्‍युङ याकूब ताङ यूहन्‍ना साङ हलेवा क्‍यासुङ। येशूकी सिमोनला सुङ्‍सुङ, “ज्‍यिवा माकी। तफेन्‍ला ख्‍युरुङ ङ्‍या जिम्‍बुप मिन, मीतिवा जिम्‍बुप डितो।”

यूहन्‍ना 13:2

येशू खोरे लोमातिवी मुला गोमी सोल शेयी वोतुप पेला शैतानकी सिमोन इस्‍करियोतकी पुज्‍युङ यहूदाकी सेमला येशूला जिम तेरुप नासाम शर च्‍यिसुङ।

यूहन्‍ना 13:27

ती शुब्‍ज्‍याङ लालुङ्‍मे यहूदाकी सेमला शैतान शुसुङ। तमा येशूकी तीला “ख्‍योरो काङ कितुप छल वे, ती ति शार्क्येक की।” सिनी सुङ्‍सुङ।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

लोमा छ्‍येतिवी लाका 5:3

यिने पत्रुसकी हननियाला सिक्‍यासुङ, “ओ हननिया, कोन्‍छ्‍योककी थु चाङ्‍माला जिनोक जोनी शिङ चोवु टङ्‍गा चेयी ति खोरो लोला ज्‍योकुप नासाम ति चुक क्‍यानी ख्‍योरो सेमला शैतानकी ज्‍याक बिन्‍सुङ?

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

२ कोरिन्थी 2:11

तुक क्‍यावु तेन्‍दोक ति शैतानकी दाक्‍पुला च्‍यु छोल मुथुप्‍शी सिनी यिन। च्‍यिलासिसिन तीकी खोनक्‍पु वोतुप च्‍युतिवा दाक्‍पुला तेरी छ्‍या वे।

एफिसी 5:14

च्‍यिलासिसिन तेरी ताम्‍ङेतिवा थोङ ज्‍यितुप ति ठछ्‍येली यिन। ती तप्‍की मीतिवी दुक सिनी सिवी, “ओ ङ्‍यिलोकुपतिवा लो! तमा ख्‍यिराङ शेपतिवा शेप नेमा येर खोक लो! ख्रीष्‍टकी ख्‍यिराङला वोसिर नङ्‍गिवी।”

कलस्सी 1:13

खोकी दाक्‍पुला नक्‍तोमीकी ओङ्‍ज्‍येन ने थर्वा नाङ्‍नी खोरे ङ्‍यिङ्‍ज्‍येवु सेवुकी ग्‍येल्‍खापला ल्‍यामो क्‍यानी क्‍यल नङ वे।

१ तिमोथी 1:20

तिवी पर्ला हुमेनियस ताङ अलेक्‍जेन्‍डर साङ यिन। तिवी कोन्‍छ्‍योकला मारे तोङ्‍गुप मेङ्‍नोक सिरुप ति हाक्‍कोशी सिनी ङे तिवाला शैतानकी लकला ख्‍येल च्‍यितुप यिन।

१ तिमोथी 3:7

तुका मी ति येशूला तेपा माक्‍यावु मीतिवी थोङ्‍दाङला साङ ल्‍यामु वुङ गोकिवी। तुक क्‍यासिन मीतिवा तीकी तेन्‍दोकला मलाङ्‍गिवी, तमा शैतानकी ओङला साङ मेख्‍येल्‍वी।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।