२ तिमोथी 2:25 - कोन्छ्‌योककी सुङ

²⁵ कुसु ज्‍यम्‍बु क्‍यानी रङगी तेन्‍दोकला लङ्‍गुप मीतिवाला साङ ल्‍यामु क्‍यानी लोप गोकिवी। तुक क्‍यासिन कोन्‍छ्‍योककी तिवाला साङ सेम ग्‍युर च्‍यिनी तिवी खोकी सुङ टेङ्‍बुला तेपा कि थुप्‍किवी।

२ तिमोथी 2:25 Iomraidhean Croise

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

मत्ती 21:32

च्‍यिलासिसिन यूहन्‍ना ख्‍यिरा ते वानी ख्‍यिराङला मिजी टेङ्‍बु क्‍योङ्‍गुप लाम छ्‍या तेन्‍सिनाङ ख्‍यिरा तीला तेपा माक्‍या। यिने से दुतुपतिवा ताङ छ्‍येमुतिवी तीला तेपा क्‍यासुङ। तमा ख्‍यिरा तिवी तेपा क्‍यावु थोङ्‍सिमा साङ सेम ग्‍युर्नी खोला तेपा माक्‍या।”

मर्कूस 1:15

खोकी मीतिवाला सुङ्‍सुङ, “कोन्‍छ्‍योककी तुजे छे सिन वे, खोकी ग्‍येल्‍खाप चिप्‍ला वा वे। ख्‍यिराङ दिक्‍पा ने सेम ग्‍युर्नी खोकी लेन ल्‍यामुला तेपा की।”

यूहन्‍ना 5:34

तन्‍दा ङे दी ताम्‍ङे सिक्‍यावु ति ङे थोक्‍ला मी नेसुर पङ्‍बु गोवु तप्‍की मिन, यिने ख्‍यिराङला पर्च्या नेमा र्‍होकुपला यिन।

लोमा छ्‍येतिवी लाका 11:18

ती थोसिमा पत्रुसला क्‍येन तेरुपतिवा खरक्‍पा देसुङ। तमा “त याङ कोन्‍छ्‍योककी यहूदी मिन्‍दुप मिरिक यम्‍बाकी मीतिवाला साङ सेम ग्‍युर्नी नाम्‍साङ मिशिवु मिजी थोपुप लाम नाङ्‍सुङ।” सियी कोन्‍छ्‍योकला सोवा देकुप छाल्‍सुङ।

लोमा छ्‍येतिवी लाका 2:38

तमा पत्रुसकी तिवाला सिक्‍यासुङ, “ख्‍यिराङ तेरीकी ख्‍यिरा क्‍यावु दिक्‍पा नेमा थरुपला सेम ग्‍युर्नी येशू ख्रीष्‍टकी मिङला बप्‍तिस्‍मा लो! तमा कोन्‍छ्‍योककी थु चाङ्‍माकी ङ्‍येम्‍बा ति ख्‍यिराङला थोप्‍कितो।

लोमा छ्‍येतिवी लाका 20:21

ङ दिक्‍छेन यिनोक सिनी सेम ग्‍युर्नी कोन्‍छ्‍योककी सुङला ङ्‍येन्‍दुप ताङ येशूला तेपा कि गोकिवी सिरुप ताम्‍ङे ति यहूदीतिवा ताङ ग्रीकतिवाला ङे पङ्‍बु बिनिन।

लोमा छ्‍येतिवी लाका 5:21

तमा तिवा टेताङ ल्‍हङाङ नाङ्‍ला गल्‍नी येन्‍देन तेरुप छाल्‍सुङ। ती पेला तेरी सिनाङ कोङ्‍यार छ्‍ये ताङ तीकी दाल्‍जातिवा तेरी वानी इस्राएलकी ठिम्‍खाङकी मीतिवाला कताङ्‍सुङ। तमा लोमा छ्‍येतिवाला चोन्‍खाङ नेमा पिताङ शोक सिनी मीतिवाला ताङ्‍सुङ।

लोमा छ्‍येतिवी लाका 5:31

तमा इस्राएलकी मीतिवाला सेम ग्‍युर ज्‍यितुपला ताङ तिवाला तिवी दिक्‍पा ता ज्‍यितुपला खोला राङ ग्‍येल्‍वु ताङ दिक्‍पा ने थर ज्‍यितुप जोनी कोन्‍छ्‍योककी यावी थाकाला चोछ्‍येवु जोनी ज्‍याक्‍सुङ।

लोमा छ्‍येतिवी लाका 8:22

ख्‍युरुङ दी सेम मेटेङ्‍बु कितुप लाका क्‍युर्नी कोन्‍छ्‍योकला मोपोर की! तुक क्‍यासिन ख्‍योरो सेमगी ताम्‍ङे मेलोक्‍पातिवाला खोकी माफ नङ्‍गिते यिन्‍दे।

गलाती 6:1

अच्‍युनुपतिवा, मी ललाइ दिक्‍पाला ख्‍येल्‍सुङ सिसिन ख्‍यिराङ तेपा कितुपतिवी कुसु ज्‍यम्‍बु क्‍यानी तीला ल्‍यामु जोप लाका की। ती पेला ख्‍यिराङ ति च्‍याङ्‍से किसा, मिसियाङ ख्‍यिराङ साङ दिक्‍पाला ख्‍येल्‍गितो।

१ तिमोथी 2:4

मीतिवा तेरी दिक्‍पा ने थर्नी टेङ्‍बु वोतुप कोन्‍छ्‍योककी रिक्‍पा ङ्‍येशी सिरुप ति कोन्‍छ्‍योककी नोवा यिन।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

२ तिमोथी 3:7

तुका पुम्‍पेजातिवा लोपुप याङ नरी लोप्‍किवी, यिने ताम्‍ङे टेङ्‍बु ति नाम्‍साङ हाक्‍मोकोवी।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

तीतस 3:2

तमा तिवा सी तेन्‍दोकला साङ मालङ्‍शी, खाँदा मिकिशी, सेम बोल्‍मु ताङ मी तेरीकी मुला कुसु ज्‍यम्‍बु वुङ गोकिवी सिनी तिवाला टेन्‍सो कि च्‍यी।

याकूब 1:17

ल्‍यामु वोतुप ताङ काङ साङ ङ्‍युङ्‍मु मेतुप कटिनकी ङ्‍येम्‍बातिवा तेरी पपा कोन्‍छ्‍योक नेमा गिवी। खोकी वोसिर तेरी ज्‍येनी नाङ्‍सुङ। खो ति नाम्‍साङ मोफोवी, तमा उलाकी नक्‍तोमी फोवु दोके मोफोवी।

१ पत्रुस 3:15

यिने येशू ख्रीष्‍टला चोवो सिनी सेमगी दिङ नेज्‍यु मोवा की। तमा ख्‍यिरा क्‍यावु रेवाकी कोर्ला ललाइकी ख्‍यिराङला टिसिन तीकी टिलेन तेरुपला नरी टडिक क्‍यानी दे। यिने ख्‍यिराङ कुसु ज्‍यम्‍बु कितुप ताङ ताङ्‍देन क्‍यानी किसा।

१ यूहन्‍ना 5:16

सी साङ यम्‍बा नुपकी दिक्‍पा कितुप थोङ्‍सुङ, यिने ती दिक्‍पा ति ङ्‍येलाला क्‍योलुप दिक्‍पा मिन्‍सिन, तीकी तिवी थोक्‍ला कोन्‍छ्‍योकला मोपोर कि गोकिवी। तीकी क्‍यावु दिक्‍पा ति ङ्‍येलाला क्‍योलुप दोके मेसिन कोन्‍छ्‍योककी तीला मिजी नङ्‍गिवी। यिने ङ्‍येलाला क्‍योलुप दिक्‍पा साङ वे। तीकी थोक्‍ला ति ङ सुला साङ गोङ्‍बा शु सिनी मिसिर।