२ तिमोथी 2:22 - कोन्छ्‌योककी सुङ

²² ख्‍युरुङ नाज्‍युङ वोतुप पेला नासाम शरुप ताम्‍ङे मेलोवातिवा क्‍युर, तमा सेम टेङ्‍बु क्‍यानी कोन्‍छ्‍योकला तेपा कितुपतिवी मुला राङ टेङ्‍बु कितुप ताङ तेपा रम्‍बु कितुप ताङ मी यम्‍बाला ङ्‍यिङ्‍ज्‍ये कितुप ताङ लोदिमु कितुप छोल।

२ तिमोथी 2:22 Iomraidhean Croise

लोमा छ्‍येतिवी लाका 7:59

मीतिवी खोरुङला दो बेपिन वोतुप पेला स्‍तिफनसकी दुक सिनी मोपोर क्‍यासुङ, “ओ चोवो येशू, ङे सेम ति ख्‍युरुङला राङ चेक तेतिन।”

लोमा छ्‍येतिवी लाका 9:14

दे साङ येशूकी मिङला तेपा कितुपतिवा तेरीला टानी टि डोपला कोङ्‍यार छ्‍येतिवा नेसुर तीला ओङ ङ्‍येनी वे।”

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

रोमी 14:19

ती तप्‍की दाक्‍पु च्‍यिककी च्‍यिकला लोदिमु तेरुप ताङ च्‍यिककी च्‍यिकला रम्‍बु जोपला दाल्‍जा किटे कि गोकिवी।

१ कोरिन्‍थी 1:10

अच्‍युनुपतिवा, चोवो येशू ख्रीष्‍टकी मिङला ङ ख्‍यिराङला ठाकुरे सिरिन। ख्‍यिराङ च्‍यिक ताङ च्‍यिककी मुला थिन्‍नी दे। ख्‍यिरा पर्ला ख्‍ये पेतुप लाका माकी, यिने सेम च्‍यिक राङ च्‍युङ्‍नी दे।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

१ कोरिन्‍थी 10:14

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ कुला छ्‍यो तोङ्‍गुप क्‍युर।

१ कोरिन्‍थी 14:1

तुक क्‍यानी ख्‍यिराङ तेरी सिनाङ गोमाला ङ्‍यिङ्‍ज्‍ये कितुप तिराङ नासाम तोङ। तमा कोन्‍छ्‍योककी थु चाङ्‍मा नेमा नङ्‍गुप कटिनकी ङ्‍येम्‍बा थोपुपला छासे नो की। तमा खक्‍छ्‍येवुला ति कोन्‍छ्‍योककी नङ्‍गुप नम्‍दर शेतुप कटिनकी ङ्‍येम्‍बा थोपुप नो की।

१ कोरिन्‍थी 6:18

तुक क्‍यानी ङ ख्‍यिराङला सिरिन, शम्‍डेन कितुप नेसुर कुतुक दे। मीतिवी क्‍यावु यम्‍बा दिक्‍पातिवा तेरी खोरो जुकी फिला मेलोवा जेवी, यिने शम्‍डेन कितुप मी तीकी खोरो जुला राङ मेलोवा जेवी।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

१ तिमोथी 2:8

ती तप्‍की तेरी जोम्‍नी सोवा देकुप पेला ख्‍योक्‍पेजातिवी सेमला ङ्‍यिर्मु मिकिवु ताङ खाँदा माक्‍यानी क्‍येन मेतुप लाक्‍पा लाङ्‍नी मोपोर किशी सिरुप ति ङे नोवा वे।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

१ पत्रुस 3:11

तमा मेलोक्‍पा कितुप नेसुर लोक्‍नी लाका ल्‍यामु किशी, तमा लोदिमु छल्‍नी ती लोदिमुकी तिङ्‍ला तिङ्‍योक्‍शी।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।