२ तिमोथी 2:21 - कोन्छ्‌योककी सुङ

²¹ ती दोके सी साङ दिक्‍पा कितुप क्‍युर्नी खुरुङ टेङ्‍बु जेवी सिसिन ती ति नाथोप पेला खाङ्‍बी ज्‍यिन्‍दाककी खक्‍छ्‍येवुला थोकुप चेङ्‍गा वोतुप नेक्‍योक दोके च्‍युङ्‍नी ज्‍यिन्‍दाककी थोक्‍ला तेरी लाका ल्‍यामु कितुप च्‍युङ्‍गिवी।

२ तिमोथी 2:21 Iomraidhean Croise

लोमा छ्‍येतिवी लाका 9:15

यिने चोवोकी हननियाला सुङ्‍सुङ, “ख्‍युरुङ ग्‍युक! गल्‍नी ङे काङ सिक्‍यावे, ती ति की! च्‍यिलासिसिन शाऊल ति मिरिक यम्‍बातिवा ताङ ग्‍येल्‍वुतिवा ताङ इस्राएल मीतिवाला ङे सुङ ख्‍याप्‍टाक कितुपला पेतुप मी यिन।

१ कोरिन्‍थी 5:7

तुक क्‍यानी ख्‍यिरा गोमाला क्‍यावु दिक्‍पातिवा ति टम्‍दोक नाङ्‍ला लुकुप खमीर यिन। ती तप्‍की ख्‍यिरा खमीर ङ्‍यिङ्‍बा दोके वोतुप शम्‍डेन कितुप मीला तेन्‍नी तोङ! तमा ख्‍यिराङ खमीर मालुकुप टम्‍दोक दोके टेङ्‍बु डिवी। गोमाला यहूदीतिवा मिश्र लुङ्‍बा नेसुर थरुप पेला लुक रुक सेनी जिन्‍बा ताङ्‍सुङ। ती दोके क्‍यानी चोवो येशू ख्रीष्‍ट ति यहूदीतिवा थरुप तुछ्‍येनला सेतुप लुक रुक च्‍युङ्‍नी दाक्‍पुला दिक्‍पा ने थर ज्‍यितुपला टुङ्‍सुङ।

२ कोरिन्थी 7:1

तुक क्‍यानी ङे ङ्‍यिङ्‍ज्‍येवु अच्‍युनुपतिवा, कोन्‍छ्‍योककी दाक्‍पुला ती ताम्‍ङेतिवा थाक्‍छ्‍येन नङ्‍गुप तप्‍की दाक्‍पी जु ताङ सेम मेचेङ्‍गा जोप तेरी परकी ताम्‍ङे मेटेङ्‍बु नेसुर कुतुक देतुप। तमा कोन्‍छ्‍योकला ताङ्‍देन क्‍यानी वुतुङ के चाङ्‍मा वोतुप मिजी क्‍योङ्‍गुप।

२ कोरिन्थी 9:8

कोन्‍छ्‍योककी ख्‍यिराङला तेरी मोलाम ति छासे क्‍यानी नङ्‍गिवी। तुक क्‍यानी ख्‍यिराङला तेरी गोवु च्‍यालकतिवा छासे क्‍यानी च्‍युङ्‍नी गोवु सिनाङ मङ छाछिङी डिवी, तमा ख्‍यिरा मी यम्‍बाला ल्‍यामु कितुपला तेर थुप्‍किवी।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

२ तिमोथी 2:16

कोन्‍छ्‍योकला मोवा मेतुप जम्‍बुलिङकी गो ताङ चा मेतुप ताम्‍ङेतिवा माङ्‍येना। च्‍यिलासिसिन तुका ताम्‍ङेतिवी कोन्‍छ्‍योकला मङ मङ मोवा मेतुप जेवी।

२ तिमोथी 2:20

दी ताम्‍ङे साङ नासाम तोङा। मी छ्‍येतिवी खाङ्‍बा सेर ताङ ङुलकी नेक्‍योक तिराङ मेवी, यिने शिङ ताङ थली नेक्‍योक साङ गिवी। ती नाङ्‍ला सेर ताङ ङुलकी नेक्‍योक ति नाथोप डेन्‍बु वुङ्‍गुप पेला थोकिवी, शिङगी नेक्‍योक ताङ यम्‍बा नेक्‍योकतिवा यम्‍बा पेला थोकिवी।

२ तिमोथी 3:17

तुक क्‍यानी कोन्‍छ्‍योकला शब्‍ज्‍यी कितुप मी टडिक क्‍यानी तेरी लाका ल्‍यामु कितुप च्‍युङ्‍शी सिनी कोन्‍छ्‍योककी दी सुङ ति दाक्‍पी थोक्‍ला नङ्‍गुप यिन।

२ तिमोथी 4:11

तसाम ङे मुला लूका तिराङ वोतो। ख्‍युरुङ वुङ्‍गुप पेला मर्कूसला छल्‍नी ख्‍योरो मुला राङ टिनी शोक। च्‍यिलासिसिन ती ति ङला दाल्‍जा कितुपला छासे फेन थोवु वोतो।

तीतस 3:1

ओङ्‍ज्‍येन कितुपतिवा ताङ मी छ्‍येतिवी ओङला देनी तिवी खला ङ्‍येन्‍दुप ताङ लाका टेङ्‍बु कितुपला नाम्‍साङ तिङ माछे सिनी मीतिवाला टोङ्‍गु बिन।

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।