२ तिमोथी 2:20 - कोन्छ्‌योककी सुङ

²⁰ दी ताम्‍ङे साङ नासाम तोङा। मी छ्‍येतिवी खाङ्‍बा सेर ताङ ङुलकी नेक्‍योक तिराङ मेवी, यिने शिङ ताङ थली नेक्‍योक साङ गिवी। ती नाङ्‍ला सेर ताङ ङुलकी नेक्‍योक ति नाथोप डेन्‍बु वुङ्‍गुप पेला थोकिवी, शिङगी नेक्‍योक ताङ यम्‍बा नेक्‍योकतिवा यम्‍बा पेला थोकिवी।

२ तिमोथी 2:20 Iomraidhean Croise

यूहन्‍ना 8:49

तमा येशूकी सुङ्‍सुङ, “मिन, ङला डे ग्‍यपुप मिन, यिने ङ ङे पपाला ताङ्‍देन कितिन। यिन्‍सिनाङ ख्‍यिरा याङ ङला मो बेप्‍किवी।

रोमी 9:20

यिने, ओ मीतिवा, कोन्‍छ्‍योकला ख लोकुप ति ख्‍युरुङ सु यिन? ख्‍युरुङला ज्‍ये नङ्‍गुप तीला ख्‍योरो “ङला च्‍यिला तुक राङ जोवु यिन?” सिनी टि मुथुपी।

१ कोरिन्‍थी 3:9

ङ्‍यिराङ ति कोन्‍छ्‍योककी थोक्‍ला मुला राङ लाका कितुपतिवा तिराङ यिन। तमा ख्‍यिराङ ति कोन्‍छ्‍योककी शिङ ताङ खोकी जोवु खाङ्‍बा यिन।

२ कोरिन्थी 4:7

यिने ङ्‍यिरा ख्‍याप्‍टाक क्‍यावु खक्‍छ्‍येवु लेन ल्‍यामु ति छ्‍यकुप थली नेक्‍योक नाङ्‍ला ज्‍याङ वे। तीकी तेन्दोक ति तेरी सिनाङ ओङ्‍ज्‍येन छ्‍ये ति ङ्‍यिरा नेसुर वावु मिन, कोन्‍छ्‍योक नेमा वावु यिन सिनी छ्‍या देन्‍दुपला यिन।

एफिसी 2:22

येशू ख्रीष्‍ट नेसुर ख्‍यिराङ साङ थु चाङ्‍माकी ओङला कोन्‍छ्‌योक ज्‍युवु दासा च्‍युङ्‍गुपला तेरी मुला थिन्‍नी च्‍यिक्‍पा राङ जोयी डिवी।

१ तिमोथी 3:15

ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।