२ तिमोथी 2:18 - कोन्छ्‌योककी सुङ

¹⁸ तिवी ती ताम्‍ङे टेङ्‍बु क्‍युर ज्‍याक्‍नी शेप ने सेन्‍बु लङ्‍गुप ति तोङ्‍ला के च्‍युङ्‍गुप यिन सिनी मीतिवाला येन्‍देन मेटेङ्‍बु लोप्‍किनोक। तिवी तुका ताम्‍ङे मेटेङ्‍बु लाप्‍नी माङ्‍शोक मीतिवाला तेपा कितुप क्‍युर्नी ज्‍योक च्‍यिसुङ।

२ तिमोथी 2:18 Iomraidhean Croise

मत्ती 15:13

यिने खोकी सुङ्‍सुङ, “देवाच्‍येनला ज्‍यु वोतुप ङे पपी माचुवु दोङ्‍बुतिवा तेरी पल्‍नी क्‍युर्किवी।

मत्ती 22:29

तमा येशूकी तिवाला सुङ्‍सुङ, “ख्‍यिरा सिक्‍यावु ति टेके मिन। ख्‍यिरा कोन्‍छ्‍योककी सुङ साङ छ्‍या मे, खोकी ओङ साङ हाक्‍माकोवु तप्‍की तुका नासाम तङ्‍गुप यिन।

लूका 8:13

दोप्‍रोक खला ख्‍येलुपतिवा ति दिवा राङ यिन। तिवी कोन्‍छ्‍योककी सुङ ङ्‍येन्‍नी गा क्‍यानी तीला सेमला लिङ्‍गिवी, यिने मर मेतुप दोके सेमगी दिङ्‍ला सुङ माज्‍यकुप तप्‍की उकुर च्‍यिक तिराङ तेपा किवी, यिने खोक्‍पा ल्‍हापला ख्‍येल्‍सिमा तिवी तेपा क्‍युर्नी ज्‍योकिवी।

लोमा छ्‍येतिवी लाका 5:39

यिने कोन्‍छ्‍योक नेमा क्‍यावु यिन्‍सिन ख्‍यिरा दिवाला ग्‍येक मुथुपी। मिसियाङ ख्‍यिराङ कोन्‍छ्‍योककी तेन्‍दोकला लावु डितो।”

१ कोरिन्‍थी 11:19

ख्‍यिरा पर्ला कोन्‍छ्‍योककी थोङ्‍दाङला मी टेङ्‍बु मेटेङ्‍बु सु यिन सिरुप ति हाक्‍कोवुला तुका ताम्‍ङेतिवा वुङ राङ गोकिवी।

१ कोरिन्‍थी 15:12

ख्रीष्‍ट टुङ्‍नी ङोसु लावु यिन सिनी ङ्‍यिरा ख्‍याप्‍टाक क्‍यासिनाङ ख्‍यिरा पर्ला मी ललाइकी चुक क्‍यानी “शेप ने सेन्‍बु लङ्‍गुप मेङ्‍गिवी।” सिनी सि थुप्‍किवी?

कलस्सी 3:1

ख्‍यिराङ ख्रीष्‍टकी मुला राङ सेन्‍बु लङ्‍गुप तप्‍की येर देवाच्‍येनकी ताम्‍ङेतिवाला नासाम तोङ। ते देवाच्‍येनला ख्रीष्‍ट कोन्‍छ्‍योककी यावी थाकाला ज्‍युकिवी।

१ तिमोथी 1:19

तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

१ तिमोथी 6:21

ती रिक्‍पा मेतुप ताम्‍ङेकी जोसालेन्‍सिन ललाइ मीतिवा तेपा कितुप साङ क्‍युर्नी गल वे। कोन्‍छ्‍योककी कटिन ति नरी ख्‍योरो मुला लुशिता।

२ तिमोथी 2:14

दी ताम्‍ङेकी कोर्ला तेपा कितुप मीतिवाला टेन्‍दा लोङ। तमा चोवो कोन्‍छ्‍योककी थोङ्‍दाङला क बिन्‍नी तिवा ताम्‍ङे छिक च्‍यिकला साङ खाँदा मिकिशी। तुका ताम्‍ङे ति काङ साङ फेन मोथोवु यिन, ती ताम्‍ङेकी जोसालेन्‍सिन ङ्‍येन्‍दुपतिवाला मेलोवा जेवी।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

हिब्रू 3:10

तुक क्‍यानी ती मीतिवी थोक्‍ला खो छासे ङ्‍यिर्मु लानी दुक सुङ्‍सुङ, ‘तिवी सेम ति नरी ख्‍येम्‍नी देतुप तप्‍की ङे कला माङ्‍येन वे।’

याकूब 5:19

अच्‍युनुपतिवा, ख्‍यिरा पर्ला ललाइकी कोन्‍छ्‍योककी सुङला युकुप क्‍युर्नी ज्‍याक्‍सिन तीला येलुङ लोक्‍नी टि शोक।

१ यूहन्‍ना 2:19

तोङ्‍ला तिवा दाक्‍पी मु नेवा थेन्‍नी गलुप यिन, च्‍यिलासिसिन वुतुङ के तिवा दाक्‍पी थाकाकी ति मिन। दोजो तिवा दाक्‍पी थाकाकी ति यिन्‍दुप यिन्‍सियाङ दाक्‍पी मुला राङ लुवु ति यिन्‍जा। तुक क्‍यानी वुतुङ के तिवा दाक्‍पी थाकाकी ति मिन सिरुप ति ठछ्‍येली हाक्‍कोकिवी।