२ तिमोथी 2:11 - कोन्छ्‌योककी सुङ

¹¹ दी ताम्‍ङे ति टेङ्‍बु यिन। दोजो दाक्‍पु खो ताङ मुला राङ शिसुङ सिसिन खो ताङ मुला राङ सेन्‍बु साङ लङ्‍गिवी।

२ तिमोथी 2:11 Iomraidhean Croise

यूहन्‍ना 14:19

चेयी ज्‍युक्‍ला जम्‍बुलिङकी मीतिवी ङला येलुङ मोथोङ्‍गितो, यिने ख्‍यिरा याङ ङला थोङ्‍गितो। च्‍यिलासिसिन ङ सेन्‍बु वे, तमा ख्‍यिराङ साङ सेन्‍बु लुकिवी।

रोमी 6:5

दोजो दाक्‍पु खोकी मुला राङ शिनी खो ताङ च्‍यिक्‍पा राङ च्‍युङ्‍सिन वुतुङ के दाक्‍पु टुङ्‍नी ङोसु लावु खो ताङ मुला साङ च्‍यिक्‍पा राङ च्‍युङ्‍गिवी।

रोमी 6:8

तुक क्‍यानी दाक्‍पु येशू ख्रीष्‍टकी मुला राङ शेप यिन्‍सिन खोकी मुला राङ ङोसु साङ लङ्‍गिवी सिनी दाक्‍पी तेपा किवी।

२ कोरिन्थी 13:4

खो वुतुङ के जुला वोतुप पेला ङार मेतुप च्‍युङ्‍नी ग्‍यङ्‍शिङ लोला कल्‍नी सेसुङ। यिन्‍सिनाङ कोन्‍छ्‍योककी ओङला खो ङोसु राङ ज्‍यु वे। ती दोके ङ्‍यिराङ साङ खो ताङ मुला वोतुप तप्‍की ङार मेतुप वे, यिने खो शेप ने ङोसु लङ्‍गुप दोके ङ्‍यिराङ कोन्‍छ्‍योककी ओङ नेसुर ख्रीष्‍टकी मुला मिजी क्‍याङ्‍नी ख्‍यिराङला ठिम किवी।

२ कोरिन्थी 4:10

येशूकी मिजी ति ङ्‍यिरा मिजीला साङ वोतुप छ्‍या देन्‍दुपला ङ्‍यिराङ ङ्‍यिमी टेङ रङगी जुला खोकी थोक्‍ला शिराङ गोसिनाङ दुक्‍पा खुर्किवी।

१ थेसलोनिकी 4:17

ती ज्‍युक्‍ला दाक्‍पु तेपा क्‍यानी ती पेला सेक सेन्‍बु लुवुतिवा तिवा ताङ मुला राङ नाम ने केला मुक्‍पी पर्ने चोवोला ठेतुपला तेक्‍नी डिवी। तमा दाक्‍पु नरी खोकी मुला राङ देतुप ङ्‍येकिवी।

१ थेसलोनिकी 5:10

खो दाक्‍पी थोक्‍ला टुङ्‍सुङ। ती तप्‍की दाक्‍पु सेन्‍बु देसिनाङ शिसिनाङ नरी खोकी मुला राङ मिजी क्‍योङ्‍गुप।

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

१ तिमोथी 3:1

दी ताम्‍ङे ति लो तेन गोवु यिन। चुका मी तीकी चर्चला गोमा कितुप नो किवे, तीकी ल्‍यामु राङ कितुप नो क्‍यावु यिन।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।