२ तिमोथी 2:10 - कोन्छ्‌योककी सुङ

¹⁰ तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

२ तिमोथी 2:10 Iomraidhean Croise

मत्ती 24:22

कोन्‍छ्‍योककी ती छेटाङकी तुजेतिवा ङ्‍युङ्‍मु माजोवु यिन्‍सिन सु साङ सेन्बु लु मुथुपी। यिने खोरे पेतुप मीतिवी थोक्‍ला खोकी ती तुजेतिवा ङ्‍युङ्‍मु जेवी।

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 24:31

ती पेला ङ मी पुज्‍युङकी ग्‍येलिङ पुतुप वोरु ताङ मुला ङे देवाच्‍येनकी लेन क्‍योलुप थुतिवा तोङ्‍गिवी। तमा तिवी जम्‍बुलिङ तेरी नेमा ङे पेतुप मीतिवाला जोम ज्‍यिकिवी।”

लूका 18:7

काङ कोन्‍छ्‍योकला ङ्‍यी ताङ नुप्‍ज्‍या गोङ्‍बा शोप खोरे पेतुपतिवी थोक्‍ला खोकी ठिम फिमु क्‍या नङ्‍गिवी रो?

लूका 22:57

यिने पत्रुसकी सिक्‍यासुङ, “ओ नुमो, ङे याङ तीला ङो राङ मेशेवी।”

यूहन्‍ना 11:52

ती ताम्‍ङे ति यहूदीतिवी थोक्‍ला तिराङ मिन, यिने जम्‍बुलिङला थरा थुरा टम्‍नी देतुप कोन्‍छ्‍योकला तेपा कितुप तेरी मीतिवाला जोम्‍नी च्‍यिक राङ जोपला येशू शिवी सिनी सिक्‍यावु यिन।

यूहन्‍ना 17:24

ओ पपा, पपी ङला नङ्‍गुपतिवा साङ ङ वोतुप ते ङे मुला राङ देतुप ङ्‍येशी। तमा जम्‍बुलिङ ज्‍येङ्‍गुप सिनाङ गोमाला के पपी ङला ङ्‍यिङ्‍ज्‍ये क्‍यानी नङ्‍गुप मोवा ति तिवी थोङ्‍शी सिरुप ङे नोवा वे।

यूहन्‍ना 17:9

ङ तिवी थोक्‍ला मोपोर कितिन। ङ जम्‍बुलिङकी मीतिवी थोक्‍ला मोपोर मिकिवी, यिने पपी ङला नङ्‍गुपतिवी थोक्ला मोपोर कितिन, च्‍यिलासिसिन तिवा पपी ति यिन।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 9:23

तमा खोकी खोरे मोवाकी थोक्‍ला गोमाला के च्‍यम्‍बा नङ्‍गुप टडिक क्‍यावु मीतिवाला छासे मङ्‍मु वोतुप मोवा छ्‍या तेन नङ्‍सिमा दाक्‍पी काङ सि थुप्‍किवी?

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ कोरिन्‍थी 9:22

तमा तेपा रम्‍बु मेतुपतिवाला ख्रीष्‍टला तेपा कि ज्‍यितुपला ङ साङ तेपा मेतुपतिवा दोके राङ च्‍युङ्‍यिन। मी ललाइ ललाइला ख्रीष्‍टला तेपा कि ज्‍यितुपला ङ ति नम्‍बा तेरीकी मीतिवा दोके राङ च्‍युङ्‍यिन।

२ कोरिन्थी 1:6

ङ्‍यिराङला दुक्‍पा ङ्‍येतुप ति ख्‍यिराङला टोङ्‍गु ताङ थर्वा ङ्‍येतुपला यिन। ङ्‍यिराङला टोङ्‍गु ङ्‍येतुप ति ख्‍यिराङला साङ टोङ्‍गु ङ्‍येतुपला यिन। तमा ती टोङ्‍गु नेसुर राङ ङ्‍यिरा दोके ख्‍यिरा साङ दुक्‍पा खुरुप ताङ हम क्‍यानी दे थुप्‍किवी।

२ कोरिन्थी 12:15

ङ ख्‍यिरा थोक्‍ला छासे गा क्‍यानी ङे मुला वोतुप तेरी डोसुम तोङ्‍गुप ताङ ङे मिजी साङ तेरिन। ङे ख्‍यिराङला तुका मङ्‍मु ङ्‍यिङ्‍ज्‍ये क्‍यासिनाङ ख्‍यिरा ङला ङ्‍यिङ्‍ज्‍ये मिकिवी?

२ कोरिन्थी 4:15

दी तेरी ताम्‍ङेतिवा ख्‍यिरा थोक्‍ला राङ च्‍युङ्‍गुप यिन। तुक क्‍यानी कोन्‍छ्‍योककी कटिन ति मी बङीला ङ्‍येकिवी, तमा तिवी कोन्‍छ्‍योकला थुचिछे पुल्‍नी मङ खोला मोवा किवी।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

एफिसी 3:13

तुक क्‍यानी ङ ख्‍यिराङला गोङ्‍बा शोयी, ख्‍यिरा थोक्‍ला ङे छेटाङ खुर्सुङ सिनी ख्‍यिराङ यिछ्‍येता माकी। दी ति ख्‍यिरा थोक्‍ला छासे ताङ्‍देन वोतुप ताम्‍ङे यिन।

कलस्सी 1:24

त याङ ङ ख्‍यिरा थोक्‍ला दुक्‍पा खुरुपला गा कितिन। तमा ख्रीष्‍टकी जु यिन्‍दुप चर्चकी थोक्‍ला खुर गोवु दुक्‍पा ताङ छेटाङ ति ङे जुला खुर्नी तेरी कितिन।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

१ थेसलोनिकी 5:9

च्‍यिलासिसिन कोन्‍छ्‍योककी दाक्‍पुला छ्‍येर्पा तेरुपला मिन, यिने दाक्‍पी चोवो येशू ख्रीष्‍ट नेसुर दिक्‍पा ने थर थुपुपला तोङ्‍ला के पेन नङ्‍गुप यिन।

२ थेसलोनिकी 2:14

तीकी थोक्‍ला राङ ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु नेसुर दाक्‍पी येशू ख्रीष्‍टकी मोवा थोपुपला खोकी ख्‍यिराङला कताङ नङ्‍गुप यिन।

२ तिमोथी 1:1

टसी देलेक! येशू ख्रीष्‍टला वोतुप थाक्‍छ्‍येन नङ्‍गुप मिजी नेसुर कोन्‍छ्‍योककी नोवाकी पेन नङ्‍गुप ख्रीष्‍ट येशूकी लोमा छ्‍ये ङ पावलकी

२ तिमोथी 2:1

तुक क्‍यानी आङो, ख्‍युरुङ ख्रीष्‍ट येशूकी नङ्‍गुप कटिनला तेपा रम्‍बु क्‍यानी देता।

२ तिमोथी 2:3

मक्‍मीतिवी मक ग्‍यकुपला चो दुक्‍पा वोसिनाङ हम क्‍या देतुप दोके क्‍यानी ख्‍योरो साङ येशू ख्रीष्‍टकी थोक्‍ला लेन ल्‍यामु ख्‍याप्‍टाक कितुपला ङ्‍यिरा मुला दुक्‍पा खुर गोकिवी।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

१ पत्रुस 2:10

गोमाला ख्‍यिराङ सी गिपा साङ मिनोक, यिने त याङ ख्‍यिराङ खोकी गिपा च्‍युङ वे। गोमाला याङ ख्‍यिराङला खोकी च्‍यम्‍बा माथोप वे, यिने त याङ ख्‍यिराङला खोकी च्‍यम्‍बा थोप्‍नी वे।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।