२ तिमोथी 1:4 - कोन्छ्‌योककी सुङ

⁴ ख्‍योरो सेम्‍दुक क्‍यानी मिक्‍च्‍युर तङ्‍गुप ति नासाम शर्नी ङ ख्‍युरुङला ठेयिन्‍दे लङ्‍गिनोक। ख्‍युरुङला ठेतुप ङ्‍येसिन ङला छासे सेम लोदिमु गिवी।

२ तिमोथी 1:4 Iomraidhean Croise

यूहन्‍ना 16:22

ख्‍यिराङला साङ दी दोके राङ च्‍युङ्‍गिवी। तन्‍दा ख्‍यिरा सेमला सेम्‍दुक किवी, यिने ङ ख्‍यिराङला येलुङ ठेतुप पेला ख्‍यिरा सेम ति छासे गा लङ्‍गितो। तमा ती गा ति सी साङ ख्‍यिराङ नेसुर ठोक मुथुप्‍तो।

यूहन्‍ना 16:24

त सेक ख्‍यिरा ङे मिङला काङ साङ मालाङ वे। त लोङ, तमा ख्‍यिराङला थोप्‍कितो। तमा ख्‍यिराङला लोदिमु तेरी च्‍युङ्‍गितो।”

लोमा छ्‍येतिवी लाका 20:19

ती पेला यहूदीतिवी ङला सेतुपला केवुल क्‍यानी छासे दुक्‍पा वोसिनाङ ङे कुसु ज्‍यम्‍बु क्‍यानी ङुयी सिरा टेमु क्‍यानी कोन्‍छ्‍योकला शब्‍ज्‍यी कितुप माक्‍युर।

लोमा छ्‍येतिवी लाका 20:31

तुक क्‍यानी ख्‍यिराङ च्‍याङ्‍से देता! लो सुम सेक ङ्‍यी ताङ नुप्‍ज्‍या ङुयी सिरा ङे ख्‍यिराङला टोङ्‍गु बिन्‍दुप ति नासाम तोङा।

रोमी 1:11

ङ ख्‍यिराङला ठेतुप छासे नो क्‍यावु तेन्‍दोक ति ख्‍यिराङला तेपा रम्‍बु जोपला कोन्‍छ्‍योककी थु चाङ्‍मा नेमा वुङ्‍गुप कटिनकी ङ्‍येम्‍बा ति ख्‍यिराङला साङ शेतुप सिनी यिन।

फिलिप्पी 1:8

येशू ख्रीष्‍टकी सेम दोके ख्‍यिराङ तेरीला ङ छासे नासाम शर्नी ठेतुपला गा लासुङ। दी ताम्‍ङे ति टेङ्‍बु यिन। तीकी थोक्‍ला कोन्‍छ्‍योक पङ्‍बु वे।

फिलिप्पी 2:26

च्‍यिलासिसिन तीकी ख्‍यिराङ तेरीला छासे ठेतुप नोकिनोक। तमा ती अमोछ्‍योवु हाक्‍कोनी ख्‍यिराङ तीकी थोक्‍ला सेम्‍दुक क्‍यावु थोसिमा ती ति मङ यर्मिन मर्मिन गाल्‍सुङ।

१ थेसलोनिकी 2:17

अच्‍युनुपतिवा, दाक्‍पु तन्‍दा चेयी पर सेक दासा कुतुक कुतुकला देनी वे, यिने सेम ति च्‍यिक्‍पा राङ वोतुप तप्‍की ख्‍यिराङला छासे ठेयिन्‍दे लासुङ।

२ तिमोथी 4:21

च्‍युङ्‍सिन ख्‍युरुङ ङमु क्‍यानी गुन्‍बु थेन्‍दुप गोमाला राङ वुङ्‍गुप जोसा। युबुलसकी साङ ख्‍युरुङला टसी देलेक तङ्‍नी वोतो। तमा पुडेस ताङ लिनस ताङ क्‍लौडिया ताङ यम्‍बा तेपा कितुप मीतिवी साङ टसी देलेक तङ्‍नी वोतो।

२ तिमोथी 4:9

च्‍युङ्‍सिन ख्‍युरुङ ङला ठेतुपला ङमु राङ शोक।

१ यूहन्‍ना 1:4

दाक्‍पु तेरीला लोदिमु वुङ्‍शी सिनी ङ्‍यिरे दी ताम्‍ङे ति टिवु यिनो।

ज्‍यल्‍का 21:4

खोकी मीतिवी मिक नेसुर मिक्‍च्‍युर तेरी पिनी तेर्किवी। तमा तिवा येलुङ नाम्‍साङ मिशिवी। सेम क्‍योके कितुप ताङ ङोप ताङ दुङल साङ मेवी। च्‍यिलासिसिन ती जम्‍बुलिङकी ताम्‍ङे ङि्‍यङ्‍बातिवा तेरी तोर्नी गाल।”

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”