२ तिमोथी 1:16 - कोन्छ्‌योककी सुङ

¹⁶ चोवोकी ओनेसिफरसकी मिछाङला मोलाम नङ्‍शी, च्‍यिलासिसिन तीकी ङला माङ्‍शोक टोङ्‍गु बिन्‍सुङ। तमा ङ चोन्‍खाङला ख्‍येलुप थोक्‍ला साङ तीकी ङोछा माक्‍यानी

२ तिमोथी 1:16 Iomraidhean Croise

मत्ती 25:17

सेरकी डप्‍बु ङ्‍यी ङ्‍येतुप लावा तीकी साङ तुक राङ क्‍यानी यम्‍बा सेरकी डप्‍बु ङ्‍यी ल्‍हक्‍पा शम्‍सुङ।

मत्ती 5:7

मोलाम थोपुप यिनो, मी यम्‍बाला च्‍यम्‍बा कितुपतिवा, च्‍यिलासिसिन कोन्‍छ्‍योककी तिवाला च्‍यम्‍बा क्‍या नङ्‍गितो।

लोमा छ्‍येतिवी लाका 21:33

तमा मक्‍मी छ्‍ये ति पावलकी चाला वानी दीला जिम्‍नी च्‍यातक ङ्‍यी थ्‍वोनी च्‍याटोक ग्‍योप सिनी मक्‍मीतिवाला क बिन्‍सुङ। तमा “दी मी ति सु यिन? दीकी काङ लाका मेलोक्‍पा क्‍यासुङ?” सिनी मीतिवाला टिसुङ।

लोमा छ्‍येतिवी लाका 28:20

ती तप्‍की ख्‍यिराङला ठेनी अरा उरा सिरुप नोनी ङे ख्‍यिराङला कतङ्‍गुप यिन। च्‍यिलासिसिन इस्राएलकी मीतिवी रेवा क्‍यानी गुन देतुप शेप ने ङोसु लावु ख्रीष्‍टकी थोक्‍ला राङ ङला च्‍याटोक ग्‍यपुप यिन।”

१ कोरिन्‍थी 16:18

तमा तिवी ख्‍यिरा सेमला ङाडेङ जोवु दोके ङे सेमला साङ छासे ङाडेङ ङ्‍येसुङ। तुक क्‍यानी तुका मीतिवाला ख्‍यिरा ताङ्‍देन किसा।

एफिसी 6:20

तीकी थोक्‍ला राङ ङ च्‍याटोक ग्‍यप्‍नी चोन्‍खाङला वे, यिन्‍सिनाङ ङ ख्रीष्‍टकी लेन ल्‍यामु ख्‍याप्‍टाक क्‍यावु मी यिन। ङे चुक क्‍यानी लप गोकिवी ती ति ङाडेङ क्‍यानी लप थुप्‍शी सिनी मोपोर किसा।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

२ तिमोथी 1:17

रोमला वासिमा कोरा ख्‍यर ख्‍यिर ग्‍यप्‍नी ङला छाल्‍नोक। तमा ङ ताङ मुला ठेसुङ।

२ तिमोथी 1:18

चोवो फेपुप तुजेला खोकी तीला च्‍यम्‍बा नङ्‍शी। एफिससला वोतुप पेला तीकी ङला कशेन दाल्‍जा किटे क्‍यासुङ, ती ताम्‍ङे ति ख्‍युरुङला साङ छ्‍या वे।

२ तिमोथी 1:8

ती तप्‍की दाक्‍पी चोवो येशूकी थोक्‍ला पङ्‍बु तेरुपला ङोछा माकी, याङ्‍ना खोकी थोक्‍ला ङ चोन्‍खाङला शोरुप यिन सिनी साङ ङोछा माकी। यिने कोन्‍छ्‍योककी ओङला खोकी लेन ल्‍यामु ख्‍याप्‍टाक कितुपला दुक्‍पा खुर।

२ तिमोथी 4:19

प्रिस्‍किला ताङ अकिलास ताङ ओनेसिफरसला साङ टसी देलेक सिनी सिसा।

फिलेमोन 1:20

तुक क्‍यानी आङो, येशूला तेपा क्‍यावु तप्‍की ङे थोक्‍ला ओनेसिमसला तोजोयी ल्‍यामु किसा। तमा ख्रीष्‍टकी थोक्‍ला ङे सेमला लोदिमु जोनी नाङ।

फिलेमोन 1:7

आङो, ख्‍योरो क्‍यावु ङ्‍यिङ्‍ज्‍येकी ङला छासे गा ताङ सेमला ङाडेङ बङी ङ्‍येनी वे। च्‍यिलासिसिन कोन्‍छ्‍योकला तेपा कितुप मीतिवी सेमला ख्‍योरो लोदिमु जो वे।

हिब्रू 10:34

तमा चोन्‍खाङला शोरुप मीतिवाला ख्‍यिरा च्‍यम्‍बा क्‍यासुङ, ख्‍यिरा टोङ्‍बा मीतिवी ठोसिनाङ ख्‍यिराङ गा क्‍यानी हम क्‍या देसुङ। च्‍यिलासिसिन ख्‍यिरा मुला ती सिनाङ मङ ल्‍यामु ताङ नरी लुवु टोङ्‍बा वे सिरुप ति ख्‍यिराङला छ्‍या नोक।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।