२ तिमोथी 1:14 - कोन्छ्‌योककी सुङ

¹⁴ तमा ख्‍युरुङला चेक तेतुप सुङ टेङ्‍बु ति दाक्‍पी मुला ज्‍यु वोतुप कोन्‍छ्‍योककी थु चाङ्‍माकी ओङला र्‍होक्‍नी ज्‍योक।

२ तिमोथी 1:14 Iomraidhean Croise

लूका 16:11

तुक क्‍यानी दोजो ख्‍यिराङ जम्‍बुलिङकी टोङ्‍बाला खोङ्‍तेर्मु मेसुङ सिसिन सी देवाच्‍येनकी टोङ्‍बा टेङ्‍बु ति ख्‍यिराङला चेक तेकिवी?

यूहन्‍ना 14:17

खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

रोमी 3:2

ख्‍येप्‍साङ ति बङी वे। ती ति काङ यिन सिसिन थल्‍माला कोन्‍छ्‍योककी यहूदीतिवाला खोकी सुङ टेङ्‍बु ति चेक तेन नङ्‍गुप यिन।

रोमी 8:11

दोजो येशूला शेप ने ङोसु लोङ्‍गुप कोन्‍छ्‍योककी थु चाङ्‍मा ति ख्‍यिरा मिजीला ज्‍यु वोसुङ सिसिन, येशूला शेप ने ङोसु लोङ्‍गुप कोन्‍छ्‍योककी ख्‍यिरा मुला ज्‍यु वोतुप खोकी थु चाङ्‍मा नेमा ख्‍यिरा शेप जु साङ सेन्‍बु लोङ्‍गिवी।

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

रोमी 8:9

यिने कोन्‍छ्‍योककी थु चाङ्‍मा ख्‍यिरा मिजीला वोसिन ख्‍यिराङ दिक्‍पाकी ओङला देतुप मिन, कोन्‍छ्‍योककी थु चाङ्‍माकी ओङला मिजी क्‍योङ्‍गुप यिन। तुक क्‍यानी सी मुला ख्रीष्‍टकी थु मेवे, ती ति ख्रीष्‍टकी मी मिन।

१ कोरिन्‍थी 3:16

ख्‍यिराङला छ्‍या वे? ख्‍यिराङ ति कोन्‍छ्‍योककी ल्‍हङाङ यिन। तमा खोकी थु चाङ्‍मा ति ख्‍यिरा मुला ज्‍युकिवी।

१ कोरिन्‍थी 6:19

ख्‍यिरा जु ति कोन्‍छ्‍योककी थु चाङ्‍मा ज्‍युवु दासा यिन सिरुप ति ख्‍यिराङला छ्‍या मे? ती थु चाङ्‍मा ति कोन्‍छ्‍योककी ख्‍यिराङला नङ्‍गुप यिन। तमा ख्‍योरो मिजी ति ख्‍योरो ति मिन।

१ कोरिन्‍थी 9:17

ती सुङ ख्‍याप्‍टाक कितुप लाका ति ङरा राङ क्‍यावु यिन्‍सियाङ ङला काङ रे च्‍यिक रे छ्‍यक्‍तक थोपुप ति यिन्‍जा, यिने दी लाका ति कोन्‍छ्‍योककी ङला चेक तेन नङ्‍गुप तप्‍की ङे क्‍यावु यिन।

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।

गलाती 2:7

यिने पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला पेतुप दोके ङला ति कोन्‍छ्‍योककी यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला तङ्‍गुप ति तिवी हाक्‍कोसुङ।

एफिसी 2:22

येशू ख्रीष्‍ट नेसुर ख्‍यिराङ साङ थु चाङ्‍माकी ओङला कोन्‍छ्‌योक ज्‍युवु दासा च्‍युङ्‍गुपला तेरी मुला थिन्‍नी च्‍यिक्‍पा राङ जोयी डिवी।

एफिसी 5:18

छ्‌याङ आराक थुनी जिनी रङगी जुला ना मातोङ, यिने खोकी थु चाङ्‍माकी क्‍येङ्‍नी देता।

कलस्सी 4:11

युस्‍तस सिरुप येशूकी साङ ख्‍यिराङला टसी देलेक सिनी तङ वोतो। यहूदीतिवी पर्ला तिवा ति कोन्‍छ्‍योककी ग्‍येल्‍खापकी थोक्‍ला ङे मुला राङ लाका कितुपतिवा यिन। वुतुङ के तिवी ङला छासे टोङ्‍गु बिन्‍सुङ।

१ थेसलोनिकी 5:19

कोन्‍छ्‍योककी थु चाङ्‍माकी कितुप लाकाला माग्‍यक।

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

२ तिमोथी 2:2

मी मङ्‍मुकी मिङ्‍गाला ङे ख्‍युरुङला येन्‍देन बिन्‍दुप ताम्‍ङे ति खोङ्‍तेर्मु वोतुप मी यम्‍बाला साङ लोप। तमा तिवी येलुङ मी यम्‍बातिवाला लोप थुप्‍शी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।