२ थेसलोनिकी 3:6 - कोन्छ्‌योककी सुङ

⁶ अच्‍युनुपतिवा, दाक्‍पी चोवो येशू ख्रीष्‍टकी मिङला ङ्‍यिराङ ख्‍यिराङला टोङ्‍गु तेरिन। छेरा कितुप ताङ ङ्‍यिरा सिक्‍यावु येन्‍देन मेङ्‍येन्‍दुपतिवा तेरी नेसुर कुतुक दे।

२ थेसलोनिकी 3:6 Iomraidhean Croise

मत्ती 18:17

यिने तीकी तिवी ताम्‍ङे साङ माङ्‍येन्‍सिन ती ताम्‍ङे ति चर्चला सी। चर्चकी ताम्‍ङे साङ तीकी माङ्‍येन्‍सिन तीला कोन्‍छ्‍योकला ङा माशेवु मिरिक यम्‍बाकी मी याङ्‍ना से दुतुप मी दोके नासाम तोङ।

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

१ कोरिन्‍थी 11:2

ख्‍यिरा ङला नरी टेन्‍दुप ताङ ङे लापुप येन्‍देनला ङ्‍येन्‍दुप तप्‍की ङ ख्‍यिरा थोक्‍ला छासे गा लान वे।

१ कोरिन्‍थी 5:4

ख्‍यिराङ दाक्‍पी चोवो येशूकी मिङला जोम्‍बुप पेला ङे सेम साङ ख्‍यिरा पर्ला राङ गिवी। तमा दाक्‍पी चोवो येशूकी ओङ साङ ते गिवी।

१ कोरिन्‍थी 5:9

गोमाला साङ ङे ख्‍यिराङला शम्‍डेन कितुपतिवी दला माशुक सिनी यिकी टिनी तङ्‍गुप यिन।

२ कोरिन्थी 2:10

ख्‍यिरा सुला माफ तेर्किवे, ङ साङ तीला माफ तेरिनो। दोजो ङे ललाइला काङ रे च्‍यिक रे ताम्‍ङेला माफ बिन्‍सिन ती ति ख्रीष्‍टकी थोङ्‍दाङला ख्‍यिरा थोक्‍ला ङे माफ बिन्‍दुप यिन।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

कलस्सी 3:17

तमा ख्‍यिरा ताम्‍ङे ताङ लाका काङ क्‍यासिनाङ चोवो येशूकी मिङला किसा। खो नेसुर राङ पपा कोन्‍छ्‍योकला थुचिछे पुल।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

१ थेसलोनिकी 4:11

ङ्‍यिरा ख्‍यिराङला टोङ्‍गु बिन्‍दुप दोके मी यम्‍बी कोर्ला ताम्‍ङे माकी, यिने दाक दाक्‍पी लाकाला नासाम तङ्‍नी लाका की।

१ थेसलोनिकी 5:14

अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

२ थेसलोनिकी 2:15

ती तप्‍की अच्‍युनुपतिवा, तेपा रम्‍बु क्‍यानी ङ्‍यिरा ख्‍याप्‍टाक क्‍यावु सुङ याङ्‍ना ङ्‍यिरा तङ्‍गुप यिकी नेसुर ख्‍यिराङला ङ्‍येतुप येन्‍देनला युसा।

२ थेसलोनिकी 3:7

च्‍यिलासिसिन ङ्‍यिरा काङ क्‍यावे, ख्‍यिरा साङ तुकै राङ क्‍यानी ङ्‍यिरा लुमु से गोकिवी सिरुप ति ख्‍यिराङला छ्‍या राङ वे। ख्‍यिरा मुला वोतुप पेला ङ्‍यिरा छेरा माक्‍या,

१ तिमोथी 5:21

कोन्‍छ्‍योक ताङ येशू ख्रीष्‍ट ताङ कोन्‍छ्‍योककी पेन नङ्‍गुप देवाच्‍येनकी मीतिवी थोङ्‍दाङला ङ ख्‍युरुङला क छ्‍येम्‍बु तेरिन। ख्‍ये मापेवा क्‍यानी ख्‍युरुङ ङे सिक्‍यावु ठिमला वोतुप दोके क्‍यानी किसा।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 3:5

मी मिङ्‍गाला ति कोन्‍छ्‍योकला तेपा कितुप दोके जेवी, यिने कोन्‍छ्‍योकला तेपा क्‍यानी वुङ्‍गुप ओङला ति मेङ्‍येन्‍दुप गिवी। तुका मीतिवा नेसुर कुतुक देता।

२ तिमोथी 4:1

येशू ख्रीष्‍ट ग्‍येला कितुपला फेपुप पेला सेन्‍बु वोतुप ताङ शेपतिवा तेरीला ठिम क्‍या नङ्‍गिवी। तुक क्‍यानी कोन्‍छ्‍योक ताङ ती येशू ख्रीष्‍टकी थोङ्‍दाङला ङ ख्‍युरुङला क छ्‍येम्‍बु बिन्‍नी सिरिन।

२ यूहन्‍ना 1:10

दोजो मी ललाइ ख्‍योरो ते वानी येशूकी नङ्‍गुप दोके येन्‍देन मेतेर्वी सिसिन तिवाला खाङ्‍बा साङ गासो माशु, टसी देलेक साङ मासिर।