२ थेसलोनिकी 3:5 - कोन्छ्‌योककी सुङ

⁵ कोन्‍छ्‍योककी ख्‍यिराङला चुक क्‍यानी ङ्‍यिङ्‍ज्‍ये क्‍या नङ्‍गुप ताङ ख्रीष्‍टकी चो छेटाङ ख्‍येल्‍सिनाङ हम क्‍या देतुप ति ख्‍यिरा सेमला ल्‍यामो क्‍यानी हाक्‍कोवुला गोमा किशी।

२ थेसलोनिकी 3:5 Iomraidhean Croise

रोमी 5:5

तमा ती रेवा ङ्‍येसिमा दाक्‍पुला यिछ्‍येता मलङ्‍गिवी। च्‍यिलासिसिन कोन्‍छ्‍योककी दाक्‍पुला नङ्‍गुप थु चाङ्‍मा नेमा खोकी ङ्‍यिङ्‌ज्‍ये ति दाक्‍पी सेमला छासे क्‍यानी नाङ्‍सुङ।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

रोमी 8:28

कोन्‍छ्‍योकला ङ्‍यिङ्‍ज्‍ये कितुपतिवा ताङ खोकी नोवा नेसुर पेतुप मीतिवाला ख्‍येल वुङ्‍गुप छेटाङ दुङल ताङ लोदिमु काङ वोसिनाङ खोकी ती तेरी मुला राङ ल्‍यामु जो नङ्‍गिवी सिरुप ति दाक्‍पुला छ्‍या वे।

१ कोरिन्‍थी 8:3

यिने ललाइकी कोन्‍छ्‍योकला ङ्‍यिङ्‍ज्‍ये किवी सिसिन कोन्‍छ्‍योककी साङ तीला ङो शेकिवी।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ थेसलोनिकी 3:11

त दाक्‍पी पपा कोन्‍छ्‍योक ताङ चोवो येशू ख्रीष्‍टकी ङ्‍यिराङला ख्‍यिरा चाला वुङ्‍गुप लाम ति पेन नङ्‍शी।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

१ पत्रुस 4:1

चुक क्‍यानी ख्रीष्‍टकी खोरे जुला दुक्‍पा खुर नाङ्‍सुङ, ख्‍यिरा साङ खोकी दोके क्‍यानी दुक्‍पा खुरुपला टडिक क्‍यानी दे। च्‍यिलासिसिन सी ख्रीष्‍टकी थोक्‍ला जुला दुक्‍पा खुर्किवे, तीकी दिक्‍पा कितुप क्‍युर्किवी।

२ पत्रुस 3:12

ख्‍यिराङ कोन्‍छ्‍योककी ठिम क्‍या नङ्‍गुप तुजेला गुनी देन वे, तमा ती तुजे ति ङमु राङ वुङ्‍शी सिनी नो की। खोकी तुजे छेवु छेर्मु नामतिवा छिक्‍नी ना डिवी, ङ्‍यिमा उला ताङ कर्मातिवा साङ तेरी मे रापकी शिकिवी।

१ यूहन्‍ना 4:19

दाक्‍पु च्‍यिककी च्‍यिकला ङ्‍यिङ्‍ज्‍ये किवी, च्‍यिलासिसिन कोन्‍छ्‍योककी गोमाला के दाक्‍पुला ङ्‍यिङ्‍ज्‍ये क्‍या नाङ्‍सुङ।

ज्‍यल्‍का 1:9

ङ यूहन्‍ना ति ख्‍यिराङ दोके येशू ख्रीष्‍टला तेपा कितुप अच्‍यु यिन। ङ साङ ख्‍यिरा मुला राङ खोकी ग्‍येल्‍खापला दे छ्‍योवु च्‍युङ्‍गुपला छेटाङ दुङल खुरुप ताङ हम क्‍यानी देनी वे। ङे कोन्‍छ्‍योककी सुङ ख्‍याप्‍टाक क्‍यावु ताङ येशू ख्रीष्‍टकी थोक्‍ला पङ्‍बु बिन्‍दुप तप्‍की छ्‍येर्पा बिन्‍नी ग्‍येम्‍छो पर्ला वोतुप पत्‍मोस सिरुप ग्‍येम्‍छो परकी स कम्‍बुला वोतुप पेला

ज्‍यल्‍का 13:10

“दोजो सु चोन्‍खाङला डो गोवु नोके, ती ति चोन्‍खाङला टिनी डिवी। दोजो सुला खुर्पा थ्‍वोनी से गोवु नोके, तीला खुर्पा थ्‍वोनी सेकिवी।” तीकी थोक्‍ला कोन्‍छ्‍योककी गिपातिवा ति हम क्‍यानी देतुप ताङ तेपा रम्‍बु क्‍यानी दे गोकिवी।