२ थेसलोनिकी 3:4 - कोन्छ्‌योककी सुङ

⁴ ङ्‍यिरा ख्‍यिराङला काङ की सिक्‍यावे, ती ति ख्‍यिरा कियी साङ वे, ती लाका ति तिङ्‍ला साङ किवी सिनी ङ्‍यिराङला छासे तेन्‍तेन वे।

२ थेसलोनिकी 3:4 Iomraidhean Croise

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

रोमी 15:14

ङे अच्‍युनुपतिवा, ख्‍यिराङ रङला राङ मी यम्‍बाला ल्‍यामु कितुप ताङ गोवु तेरी येन्‍देन वोतुप ताङ च्‍यिककी च्‍यिकला टोङ्‍गु तेर थुपुप गल वे सिरुप ति ङला तेन्‍तेन वे।

रोमी 15:18

येशू ख्रीष्‍टकी ङे मिजी नेमा यहूदी मिन्‍दुप मिरिक यम्‍बाकी मीतिवाला खला ङ्‍येमु जोपला काङ क्‍या नाङ्‍वे, ती तिराङ मिसिन यम्‍बा काङ साङ ताम्‍ङे लपुप ङाडेङ मिकी। ती लाका ति ङे ख्‍याप्‍टाक क्‍यावु सुङ ताङ ङे क्‍यावु लाका ताङ,

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

१ कोरिन्‍थी 14:37

सी साङ खुरुङ ति कोन्‍छ्‍योककी लुङ्‍तेम्‍बा याङ्‍ना कोन्‍छ्‍योककी थु चाङ्‍मा थोपुप मी यिन सिनी नोकिवी सिसिन तीकी ङे टिवु ताम्‍ङे ति चोवो येशूकी क यिन सिनी सेमला लङ्‍शी।

१ कोरिन्‍थी 7:19

च्‍येतुप लुक्‍सु क्‍यावु ताङ माक्‍यावु ति खक्‍छ्‍येवु मिन, यिने कोन्‍छ्‍योककी कला ङ्‍येन्‍दुप ति खक्‍छ्‍येवु यिन।

२ कोरिन्थी 2:3

गोमाला ङे ख्‍यिराङला ती यिकी टिवु ति ङ ख्‍यिरा ते वुङ्‍गुप पेला ङला गा लोङ्‍गुप मीतिवी राङ ङला सेम्‍दुक मोलोङ्‍शी सिनी यिन। च्‍यिलासिसिन ङला सेम गा लङ्‍गुप ति ख्‍यिराङ तेरीला सेम गा लङ्‍गुप यिन सिरुप ति ङला तेन्‍तेन वे।

२ कोरिन्थी 2:9

ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 8:22

तीतसकी मुला यम्‍बा नुप मिरा च्‍यिक साङ ङ्‍यिरा ख्‍यिरा ते तोङ्‍यिन वोतो। तीला ङ्‍यिरा थेङ्‍मा अलायी सेक तिन्‍नी ल्‍हासिमा छासे ङर्मा क्‍यानी दाल्‍जा कितुप थोङ्‍सुङ। तीकी ख्‍यिराङला छासे लो तेन्‍दुप तप्‍की मङ ङार छ्‍येवु गल वे।

गलाती 5:10

ख्‍यिराङ तेरी यम्‍बा थाकाला मोडोवी सिनी ङ चोवो कोन्‍छ्‍योकला तेन्‍तेन वे। यिने सी खोकी मुला वोतुप मीला लुनी टिन डिवे, तीला कोन्‍छ्‍योककी पर्च्या फोकिवी।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

१ थेसलोनिकी 4:10

माकेडोनियाकी तेरी अच्‍युनुपतिवाला ख्‍यिराङ वुतुङ के ङ्‍यिङ्‍ज्‍ये कियी वे। अच्‍युनुपतिवा, तरोङ साङ मङ ल्‍हक्‍पा तुक राङ क्‍यानी ङ्‍यिङ्‍ज्‍ये की सिनी ङ ख्‍यिराङला टोङ्‍गु तेरिन।

२ थेसलोनिकी 3:12

तिवाला ङ्‍यिराङ चोवो येशू ख्रीष्‍टकी मिङला क ताङ टोङ्‍गु तेरिन। तिवा खरक्‍पा सोक सोके देनी दाक दाक्‍पी लाका क्‍यानी सशी।

२ थेसलोनिकी 3:6

अच्‍युनुपतिवा, दाक्‍पी चोवो येशू ख्रीष्‍टकी मिङला ङ्‍यिराङ ख्‍यिराङला टोङ्‍गु तेरिन। छेरा कितुप ताङ ङ्‍यिरा सिक्‍यावु येन्‍देन मेङ्‍येन्‍दुपतिवा तेरी नेसुर कुतुक दे।

फिलेमोन 1:21

ख्‍युरुङ ङे खला ङ्‍येन्‍गिवी सिनी रेवा क्‍यानी ङ दी यिकी ति टिकिन वोतो। ख्‍योरो ङे सिक्‍यावु सिनाङ ल्‍हक्‍पा किवी सिरुप ति ङला नो वे।