२ थेसलोनिकी 3:3 - कोन्छ्‌योककी सुङ

³ यिने चोवो याङ खोङ्‍तेर्मु वोतुप चोवो यिन्‍दुप तप्‍की खोकी ख्‍यिराङला नरी रम्‍बु जो नङ्‍गिवी, तमा दुक्‍टा नेसुर र्‍होकिवी।

२ थेसलोनिकी 3:3 Iomraidhean Croise

मत्ती 5:37

ख्‍यिरा ताम्‍ङे ति यिन्‍सिन यिन, मिन्‍सिन मिन, तोजोयी तिराङ सी। ती सिनाङ ल्‍हक्‍पा लापुप ति दुक्‍टा नेमा वावु यिन।”

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

लूका 11:4

ङ्‍यिरा क्‍यावु दिक्‍पातिवा माफ नङ्‍डे की। च्‍यिलासिसिन ङ्‍यिरा साङ ङ्‍यिरा तेन्‍दोकला दिक्‍पा कितुपतिवाला माफ तेर्किवी। ङ्‍यिराङला खोक्‍पा ल्‍हापला ख्‍येल माज्‍यी।’”

यूहन्‍ना 17:15

ङे मोपोर क्‍यावु ति पपी तिवाला दी जम्‍बुलिङ ने टि फेप सिनी मिन, यिने तिवाला दुक्‍टा शैतान नेसुर र्‍होक्‍टे कि सिनी यिन।

१ कोरिन्‍थी 1:9

कोन्‍छ्‍योक ति खोङ्‍तेर्मु वे। खोकी खोरे सेवु दाक्‍पी चोवो येशू ख्रीष्‍टकी मुला डिक्‍जोम कितुपला ख्‍यिराङला कताङ नङ वे।

१ कोरिन्‍थी 10:13

ख्‍यिरा मिजीला खोक्‍पा ल्‍हाप ताम्‍ङेतिवा ख्‍येलुप पेला ती खोक्‍पा ल्‍हाप ताम्‍ङेतिवा ति मी यम्‍बाला साङ ख्‍येल्‍गिवी सिनी नासाम तोङ। कोन्‍छ्‍योक ति खोङ्‍तेर्मु वे, खोकी ख्‍यिराङला ख्‍यिरा अछ्‍योवु सिनाङ ल्‍हक्‍पा खोक्‍पा ल्‍हाप ताम्‍ङेला ख्‍येल मिज्‍यिवी। यिने खोक्‍पा ल्‍हाप ताम्‍ङे ख्‍येल वासिनाङ ती नेसुर थरुप लाम साङ नङ्‍गिवी। तुक क्‍यानी ख्‍यिराङ खोक्‍पा ल्‍हापला ख्‍येलुप पेला हम क्‍यानी दे थुप्‍किवी।

१ थेसलोनिकी 5:24

ख्‍यिराङला कताङ नङ्‍गुप कोन्‍छ्‍योक ति खोङ्‍तेर्मु वे, खोकी राङ ख्‍यिराङला ती तेरी ताम्‍ङेतिवा नङ्‍गिवी।

२ थेसलोनिकी 2:17

ख्‍यिरा सेमला लोदिमु नङ्‍शी, तमा तेरी लाका ताङ ताम्‍ङे ल्‍यामु कितुपला ख्‍यिराङला रम्‍बु जो नङ्‍शी।

२ तिमोथी 4:18

तमा चोवो कोन्‍छ्‍योककी ङला तेरी दुक्‍टा नेसुर साङ र्‍होक्‍नी देवाच्‍येनकी ग्‍येल्‍खापला टिनी डिवी। तुक क्‍यानी खोला नरीकी नरी मोवा वुङ्‍शी। आमिन।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

२ पत्रुस 2:9

तुक क्‍यानी खोकी सुङला युकुपतिवा छेटाङला ख्‍येलुप पेला र्‍होकुप ताङ खोकी सुङला मुयुकुपतिवाला ठिम कितुप तुजे सेक छ्‍येर्पा बिन्‍नी टानी ज्‍योकुप ति कोन्‍छ्‍योकला छ्‍या वे।

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।