२ थेसलोनिकी 3:16 - कोन्छ्‌योककी सुङ

¹⁶ त लोदिमु वोतुप चोवोकी ख्‍यिराङला चो पेला कनी गल्‍सिनाङ नरी लोदिमु नङ्‍शी। तमा खो नरी ख्‍यिरा तेरीकी मुला राङ ज्‍युशी।

२ थेसलोनिकी 3:16 Iomraidhean Croise

मत्ती 1:23

“ल्‍होसा, जेन्‍दी माक्‍यावु पुम्‍पेजा यीला पुज्‍युङ यी क्‍येकितो, तमा मीतिवी खोला इम्‍मानुएल सिनी सिवितो।” दी इम्‍मानुएलकी तेन्‍दोक ति ‘कोन्‍छ्‍योक दाक्‍पी मुला ज्‍यु वे।’ सिक्‍यावु यिन।

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

लूका 2:14

“तेरी सिनाङ येर देवाच्‍येनला कोन्‍छ्‍योकला मोवा वुङ्‍शी, जम्‍बुलिङला कोन्‍छ्‍योककी सु सुला गा क्‍या वे, तिवाला लोदिमु वुङ्‍शी।”

यूहन्‍ना 14:27

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

रोमी 15:33

सेमला लोदिमु नङ्‍गुप कोन्‍छ्‍योक ति ख्‍यिराङ तेरीकी मुला नरी ज्‍युशी। आमिन।

रोमी 16:20

तमा लोदिमु नङ्‍गुप कोन्‍छ्‍योककी ङमु राङ शैतानला ख्‍यिरा काङ्‍बी वोक्‍ला लेप ज्‍यिकिवी। दाक्‍पी चोवो येशू ख्रीष्‍टकी कटिन ति ख्‍यिरा मुला नरी लुशिता।

१ कोरिन्‍थी 14:33

च्‍यिलासिसिन कोन्‍छ्‍योक ति थरा थुरा वोतुप कोन्‍छ्‍योक मिन, यिने लोदिमु नङ्‍गुप कोन्‍छ्‍योक यिन। कोन्‍छ्‍योकला तेपा कितुपतिवा चर्चला जोम्‍बुप पेला

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

एफिसी 6:23

पपा कोन्‍छ्‌योक ताङ चोवो येशू ख्रीष्‍ट नेमा खोला तेपा कितुपतिवा तेरीला तेपा नेसुर वुङ्‍गुप ङ्‍यिङ्‍ज्‍ये ताङ लोदिमु वुङ्‍शी।

१ थेसलोनिकी 3:11

त दाक्‍पी पपा कोन्‍छ्‍योक ताङ चोवो येशू ख्रीष्‍टकी ङ्‍यिराङला ख्‍यिरा चाला वुङ्‍गुप लाम ति पेन नङ्‍शी।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

२ थेसलोनिकी 3:18

दाक्‍पी चोवो येशू ख्रीष्‍टकी कटिन ति ख्‍यिराङ तेरीला थोप्‍शी।

२ तिमोथी 4:22

चोवो कोन्‍छ्‍योक ख्‍यिरा सेमला ज्‍युशी, तमा खोकी कटिन साङ ख्‍यिराङला थोप्‍शिता।

फिलेमोन 1:25

चोवो येशू ख्रीष्‍टकी कटिन ति ख्‍यिराङ तेरीला वुङ्‍शिता।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

हिब्रू 7:2

तमा अब्राहामकी साङ खोरो मक नेसुर ग्‍येल्‍नी खुर वावु तेरी च्‍यालकतिवी नाङ्‍ला छो च्‍यिथम्‍बी नाङ ने छो च्‍यिक ति मल्‍कीसेदेकला बुल्‍वा पुल्‍नोक। मल्‍कीसेदेक सिक्‍यावु तेन्‍दोक ति गोमाला टेङ्‍बुकी ग्‍येल्‍वु सिक्‍यावु यिन। तमा ती ज्‍युक्‍ला शालेमकी ग्‍येल्‍वु साङ च्‍युङ्‍गुप तप्‍की तीला लोदिमुकी ग्‍येल्‍वु सिक्‍यावु यिन।