२ थेसलोनिकी 3:14 - कोन्छ्‌योककी सुङ

¹⁴ सी दी ङ्‍यिरा तङ्‍गुप यिकीला टिवु ताम्‍ङे ति मेङ्‍येन्‍वे, तुका मीतिवा ल्‍यामो क्‍यानी ङो शेनी ज्‍योक। तिवी मुला तम्‍जी साङ माजो। तमा तिवा ङोछाला ख्‍येल्‍शी।

२ थेसलोनिकी 3:14 Iomraidhean Croise

मत्ती 18:17

यिने तीकी तिवी ताम्‍ङे साङ माङ्‍येन्‍सिन ती ताम्‍ङे ति चर्चला सी। चर्चकी ताम्‍ङे साङ तीकी माङ्‍येन्‍सिन तीला कोन्‍छ्‍योकला ङा माशेवु मिरिक यम्‍बाकी मी याङ्‍ना से दुतुप मी दोके नासाम तोङ।

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

१ कोरिन्‍थी 4:14

ख्‍यिराङला ङोछा लोङ्‍गुप सिनी दी यिकी टिवु मिन, ङे ङ्‍यिङ्‍ज्‍येवु आङातिवाला दोके क्‍यानी टोङ्‍गु तेरुपला टिवु यिनो।

१ कोरिन्‍थी 5:11

चुका मी तीकी ङ कोन्‍छ्‍योकला तेपा कितुप मी यिन सिवी, यिने शम्‍डेन कितुप ताङ देर्पा कितुप ताङ कुला छ्‍यो तोङ्‍गुप ताङ मीला ङ्‍यिर्मु कितुप ताङ छ्‍याङ्‍गेले कितुप याङ्‍ना कुन किवी सिसिन, तुका मीतिवी मुला तम्‍जी माजो, तिवी मुला देनी समा साङ मासा।

१ कोरिन्‍थी 5:9

गोमाला साङ ङे ख्‍यिराङला शम्‍डेन कितुपतिवी दला माशुक सिनी यिकी टिनी तङ्‍गुप यिन।

२ कोरिन्थी 10:6

ख्‍यिरा ख्रीष्‍टकी कतिवा तेरी ङ्‍येन्‍दुप छे सिन्‍सिमा खोकी कला मेङ्‍येन्‍दुपतिवा तेरीला ङ्‍यिराङ ठिम कितुपला टडिक क्‍यानी देतिनो।

२ कोरिन्थी 2:9

ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 7:15

ख्‍यिराङ तेरीकी तीतसकी खला ङ्‍येन्‍दुप ताङ तीला ज्‍यिवा खुरुप ताङ ताङ्‍देन क्‍यानी गासो शुवु ति नासाम शर्नी तीतसकी ख्‍यिराङला मङ छासे ङ्‍यिङ्‍ज्‍ये क्‍यासुङ।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

कलस्सी 4:16

दी यिकी ति ख्‍यिरा रानी सिन्‍सिमा लाउडिकियाला वोतुप चर्चला साङ रोक च्‍यिता। तुक राङ क्‍यानी लाउडिकियाकी चर्च नेसुर वावु यिकी साङ ख्‍यिरा रोसा।

१ थेसलोनिकी 4:8

तुक क्‍यानी सी दी ताम्‍ङेतिवा मेङ्‍येन्‍वे, तीकी मीला माङ्‍येन्‍दुप मिन, ख्‍यिराङला थु चाङ्‍मा नङ्‍गुप कोन्‍छ्‍योकला माङ्‍येन्‍दुप यिन।

२ थेसलोनिकी 3:6

अच्‍युनुपतिवा, दाक्‍पी चोवो येशू ख्रीष्‍टकी मिङला ङ्‍यिराङ ख्‍यिराङला टोङ्‍गु तेरिन। छेरा कितुप ताङ ङ्‍यिरा सिक्‍यावु येन्‍देन मेङ्‍येन्‍दुपतिवा तेरी नेसुर कुतुक दे।

तीतस 2:8

क्‍येन मेतुप वुङ्‍शी। तमा सी साङ ख्‍योरो ताम्‍ङेला मारे तोङ मुथुप्‍शी। तुक क्‍यानी ङ्‍यिरा तेन्‍दोकला लावुतिवी ङ्‍यिरा कोर्ला सिरुप ताम्‍ङे काङ साङ माङ्‍येनी ङोछाला ख्‍येल्‍शी।

तीतस 3:10

ख्‍ये बेतुप मीला ति थेङ्‍मा च्‍यिक चोयी ङ्‍यी चोयी टोङ्‍गु बिन, तमा तीकी मुला काङ साङ लिङ्‍गु तेङ्‍गु माकी।

फिलेमोन 1:21

ख्‍युरुङ ङे खला ङ्‍येन्‍गिवी सिनी रेवा क्‍यानी ङ दी यिकी ति टिकिन वोतो। ख्‍योरो ङे सिक्‍यावु सिनाङ ल्‍हक्‍पा किवी सिरुप ति ङला नो वे।

हिब्रू 13:17

ख्‍यिराङला गोमा कितुप गेकेनतिवी सिक्‍यावु खला ङ्‍येन्‍नी तिवी ओङला देता। च्‍यिलासिसिन तिवी ख्‍यिरा मिजीला ल्‍हटे किवी, तमा तिवी खोप्‍रे क्‍यावु लाकाकी ची ति कोन्‍छ्‍योकला ते गोकिवी। ख्यिराङ तिवी ओङला दे। तुक क्‍यासिन तिवी ती लाका ति सेम मेलोक्‍पा क्‍यानी मिन, सेम गा क्‍यानी कि थुप्‍किवी। मिसियाङ ख्‍यिराङला काङ साङ ख्‍येप्‍साङ मेङ्‍गिवी।

२ यूहन्‍ना 1:10

दोजो मी ललाइ ख्‍योरो ते वानी येशूकी नङ्‍गुप दोके येन्‍देन मेतेर्वी सिसिन तिवाला खाङ्‍बा साङ गासो माशु, टसी देलेक साङ मासिर।