२ थेसलोनिकी 3:13 - कोन्छ्‌योककी सुङ

¹³ अच्‍युनुपतिवा, ख्‍यिराङ ति लाका ल्‍यामु कितुपला यिछ्‍येता माकी।

२ थेसलोनिकी 3:13 Iomraidhean Croise

लूका 18:1

ती ज्‍युक्‍ला येशूकी खोरो लोमातिवाला नरी मोपोर कि गोकिवी, तमा यी छ्‍येता कितुप मेङ्‍गिवी सिरुप कोर्ला खोकी दुका पे यी सुङ्‍सुङ,

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

१ कोरिन्‍थी 15:28

तेरी ओङ्‍ज्‍येनतिवा ख्रीष्‍टकी ओङला ख्‍येल्‍सिमा तिराङ ख्रीष्‍ट खुरुङ ति खोला तेरी ओङ्‍ज्‍येन नङ्‍गुप पपा कोन्‍छ्‍योककी ओङला देकिवी। तुक क्‍यानी कोन्‍छ्‍योक ति जम्‍बुलिङ तेरीला ग्‍येला क्‍या नङ्‍गुप चोछ्‍येवु कोन्‍छ्‍योक यिन।

२ कोरिन्थी 4:1

तुक क्‍यानी कोन्‍छ्‍योककी ङ्‍यिराङला च्‍यम्‍बा क्‍यानी खोला शब्‍ज्‍यी कितुप ती लाका नङ्‍गुप तप्‍की ङ्‍यिराङ यिछ्‍येता कि मोगोवी।

२ कोरिन्थी 4:16

तुक क्‍यानी ङ्‍यिराङ नाम्‍साङ यिछ्‍येता मिकिवी। ङ्‍यिरा जु ति काङ कि मुथुवु गल्‍सिनाङ ङ्‍यिरा सेम ति मङ मङ रम्‍बु डोयी वे।

फिलिप्पी 1:9

ख्‍यिरा रिक्‍पा ताङ ल्‍यामु मेलोवा काङ यिन सिरुप ति हाक्‍कोनी ख्‍यिरा ङ्‍यिङ्‍ज्‍ये ति मङ मङ फेलिन डोशी सिनी ङ मोपोर कितिन।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

२ थेसलोनिकी 3:15

यिन्‍सिनाङ तिवाला डला माजो, यिने रङगी नुपला दोके क्‍यानी टोङ्‍गु बिन।

हिब्रू 12:3

ख्‍यिराङ चो दुक्‍पा खुर गोसिनाङ येन छ्‍येनी यिछ्‍येता मिकिवुला मी दिक्‍छेनतिवी चो ङ्‍यिङ्‍मर क्‍यासिनाङ हम क्‍यानी देतुप येशूला नासाम तोङ।

हिब्रू 12:5

तमा काङ कोन्‍छ्‍योककी सुङगी नाङ्‍ला ख्‍यिराङला खोरो पुज्‍युङतिवाला दोके दुक सिनी टोङ्‍गु बिन्‍दुप ति ख्‍यिरा टोक ज्‍येसुङ? खोकी दुक सिनी सुङ वे, “ओ ङे पुज्‍युङ, चोवो कोन्‍छ्‍योककी ख्‍युरुङला ल्‍यामु च्‍युङ्‍शी सिनी छालेन बिन्‍दुप ति खोङ्‍याम की, खोकी ख्‍युरुङला कप्‍क्‍येन नङ्‍गुप पेला ख्‍युरुङ यिछ्‍येता माकी।

ज्‍यल्‍का 2:3

तमा ख्‍योरो हम क्‍या देतुप ताङ ङे थोक्‍ला छेटाङ खुरुप ताङ ख्‍योरो ङला क्‍युर्नी माज्‍यकुप साङ ङला छ्‍या वे।