२ थेसलोनिकी 2:5 - कोन्छ्‌योककी सुङ

⁵ ती ताम्‍ङे ति ङ ख्‍यिरा मुला वोतुप पेला नेज्‍युनी ख्‍यिराङला सिक्‍यावु मिन रो?

२ थेसलोनिकी 2:5 Iomraidhean Croise

मत्ती 16:9

ख्‍यिराङला तरोङ साङ हाक्‍माको? मी तोङ्‍डा ङला शुब्‍ज्‍याङ ङ चोके स च्‍यितुप पेला तीकी पुर्मातिवा तोलुम चो रुवु ख्‍यिराङला टासा मे?

मर्कूस 8:18

ख्‍यिराङ मिक वोसिनाङ मोथोङ्‍नोक? नाम्‍ज्‍योक वोसिनाङ मोथोनोक? ख्‍यिराङला टेन्‍दा मे?

यूहन्‍ना 16:4

ङे ख्‍यिराङला दी ताम्‍ङे सिक्‍यावु ति ज्‍युक्‍ला ती तेरी च्‍युङ्‍गुप पेला ङे ख्‍यिराङला सिक्‍यावु ताम्‍ङे ति ख्‍यिरा नासाम शर्शी सिनी यिन। ङे दी ताम्‍ङे गोमाला ख्‍यिराङला सिमाक्‍यावु ति ङ ख्‍यिरा मुला राङ वोतुप तप्‍की यिन।”

लोमा छ्‍येतिवी लाका 20:31

तुक क्‍यानी ख्‍यिराङ च्‍याङ्‍से देता! लो सुम सेक ङ्‍यी ताङ नुप्‍ज्‍या ङुयी सिरा ङे ख्‍यिराङला टोङ्‍गु बिन्‍दुप ति नासाम तोङा।

गलाती 5:21

ठतोक ङर्केल कितुप ताङ छ्‍याङ्‍गेले ताङ खावाला मुदुवु यिन। तीकी कोर्ला ङे ख्‍यिराङला गोमाला सिक्‍यावे, येलुङ साङ सिरिन। सी दुका लाका किवे, तिवा ति कोन्‍छ्‍योककी ग्‍येल्‍खापला शुक मोछ्‍योवी।

१ थेसलोनिकी 2:11

पपी खोरो पुज्‍युङपुमला क्‍यावु दोके ङ्‍यिरा ख्‍यिराङ रे रेला टोङ्‍गु ताङ ङाडेङ बिन्‍दुप ति ख्‍यिराङला राङ छ्‍या वे। तुका टोङ्‍गु बिन्‍दुप ति ख्‍यिरा किताङ नालु ति कोन्‍छ्‍योककी सेमला डो छ्‍योवु च्‍युङ्‍गुपला यिन। ती कोन्‍छ्‍योककी ख्‍यिराङला खोकी ग्‍येल्‍खाप ताङ खोकी मोवाला कताङ नाङ्‍सुङ।

१ थेसलोनिकी 3:4

तोङ्‍ला ङ्‍यिराङ ख्‍यिरा मुला वोतुप पेला साङ ख्‍यिराङला छेटाङ ख्‍येल्‍गिवी सिनी ङ्‍यिरा ख्‍यिराङला थेङ्‍मा बङी सिक्‍यायिन। दी ति वुतुङ के च्‍युङ्‍सुङ। ती ति ख्‍यिराङला साङ छ्‍या वे।

२ थेसलोनिकी 2:6

तन्‍दा ती दुक्‍टाकी गिपा ति क्‍येक्‍नी ज्‍याङ वे सिरुप ति ख्‍यिराङला छ्‍या राङ वे। ती दुक्‍टा ति खोरो तुजे छेसिमा गिवी।

२ थेसलोनिकी 3:10

च्‍यिलासिसिन ङ्‍यिराङ ख्‍यिरा मुला वोतुप पेला “सी लाका मिकिवे, तीकी समा साङ मासाशी।” सिनी ख्‍यिराङला टोङ्‍गु बिन्‍दुप यिन।

२ पत्रुस 1:15

ङ शिसिमा साङ ख्‍यिरा दी ताम्‍ङे ति नाम्‍साङ टोक मेज्‍येशी सिनी ङ टेमु कितिन।