२ थेसलोनिकी 1:8 - कोन्छ्‌योककी सुङ

⁸ कोन्‍छ्‍योकला ङो माशेवु ताङ दाक्‍पी चोवो येशूकी लेन ल्‍यामुला तेपा मिकिवु मीतिवाला खोकी पर्च्या तोङ्‍गिवी।

२ थेसलोनिकी 1:8 Iomraidhean Croise

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

यूहन्‍ना 3:19

ती ठिम फोकुप ति दी यिन, कोन्‍छ्‍योककी जम्‍बुलिङला वोसिर तङ वे, यिने मीतिवा दुक्‍टा गलुप तप्‍की वोसिरला सिनाङ नक्‍तोमीला मङ सेमला गाल।

यूहन्‍ना 8:19

तमा तिवी खोला “ख्‍योरो पपा ति कनी वे?” सिनी टिसुङ। तमा येशूकी तिवाला “ख्‍यिरा ङला साङ ङो माशे, ङे पपाला साङ ङो माशे। दोजो ख्‍यिरा ङला ङो शेसिन ङे पपाला साङ ङो शेवुजा।” सिनी सुङ्‍सुङ।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

रोमी 1:5

यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

रोमी 10:16

यिने तिवी ख्‍याप्‍टाक क्‍यावु लेन ल्‍यामु थोवु मीतिवा तेरीकी तेपा क्‍यावु ति मिन। ती तप्‍की कोन्‍छ्‍योककी लुङ्‍तेम्‍बा यशैयाकी थेपला दुक सिनी टि वे, “ओ चोवो, ङ्‍यिरा ख्‍याप्‍टाक क्‍यावु सुङला सी तेपा क्‍यासुङ रो?”

रोमी 15:18

येशू ख्रीष्‍टकी ङे मिजी नेमा यहूदी मिन्‍दुप मिरिक यम्‍बाकी मीतिवाला खला ङ्‍येमु जोपला काङ क्‍या नाङ्‍वे, ती तिराङ मिसिन यम्‍बा काङ साङ ताम्‍ङे लपुप ङाडेङ मिकी। ती लाका ति ङे ख्‍याप्‍टाक क्‍यावु सुङ ताङ ङे क्‍यावु लाका ताङ,

रोमी 16:26

यिने त याङ ती छ्‍याकला वोतुप लेन ल्‍यामु ति कोन्‍छ्‍योककी लुङ्‍तेम्‍बातिवी टिवु खोकी सुङला ल्‍यामो क्‍यानी ठछ्‍येली हाक्‍को थुपुप गल वे। तमा नरीकी नरी लुवु कोन्‍छ्‍योककी क नेसुर यहूदी मिन्‍दुप मिरिक यम्‍बाकी मीतिवा तेरीकी तेपा क्‍यानी खोकी सुङला ङ्‍येन्‍सुङ।

रोमी 6:16

ख्‍यिराङ सी खला ङ्‍येन्‍नी तीकी योक्‍पु किवे, ख्‍यिराङ तीकी योक्‍पु यिन सिनी छ्‍या मे? ती दोके ख्‍यिराङ दिक्‍पाकी ओङला देतुप यिन्‍सिन ख्‍यिराङ दिक्‍पाकी योक्‍पु च्‍युङ्‍नी शिवी, याङ्‍ना कोन्‍छ्‍योककी कला ङ्‍येन्‍सुङ सिसिन खोकी थोङ्‍दाङला ख्‍यिराङ टेङ्‍बु च्‍युङ्‍गिवी।

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

२ कोरिन्थी 10:5

तमा ङ्‍यिराङ कोन्‍छ्‍योककी रिक्‍पाकी तेन्‍दोकला लङ्‍गुप ङ राङ यिन सिरुप ताम्‍ङेतिवा तेरी ना तोङ्‍गिवी। तमा ती तेरी नोवातिवाला खोकी ओङला ज्‍याक्‍नी ख्रीष्‍टकी कला ङ्‍येन्‍दुप जेवी।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 4:8

गोमाला ख्‍यिरा कोन्‍छ्‍योकला ङो माशेवु पेला जम्‍बुलिङला वोतुप ल्‍हलुतिवाला योक्‍पु दोके क्‍यानी शब्‍ज्‍यी क्‍यासुङ।

१ थेसलोनिकी 4:5

कोन्‍छ्‍योकला ङो माशेवु मिरिक यम्‍बातिवा दोके शम्‍डेन माकी सिनी सिक्‍यावु यिन।

हिब्रू 10:27

बोरु कोन्‍छ्‍योककी ज्‍यिवा लङ्‍गुप ठिम क्‍या नङ्‍गुप ताङ खोकी तेन्‍दोकला लङ्‍गुप मीतिवाला ना तोङ्‍गुप छासे मे छेन्‍दी तिराङ दाक्‍पी थोक्‍ला लुवु ति नासाम तोङ।

हिब्रू 10:30

च्‍यिलासिसिन “ङ्‍येन लङ्‍गुप ति ङ यिन। ङ राङ तिवाला ङ्‍येन लङ्‍यिन।” सिनी सुङ्‍गुप तीला दाक्‍पी ङो शेकिवी। येलुङ “चोवो कोन्‍छ्‍योककी राङ खोकी मीतिवी लाका ल्‍यामु मेलोवा काङ क्‍यावे, तीकी थोक्‍ला ठिम क्‍या नङ्‍गिवी।” सिनी सुङ वे।

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

हिब्रू 12:29

च्‍यिलासिसिन दाक्‍पी कोन्‍छ्‍योक ति पुसुकी जोप मे यिन।

हिब्रू 2:3

दाक्‍पी तुका थर्वा ग्‍येर्पुला साङ ङ्‍याम माक्‍यासुङ सिसिन मङ चुक क्‍यानी ती पर्च्या नेसुर पिशोर थुप्‍किवी रो? दी थर्वा ति गोमाला चोवो येशूकी राङ ख्‍याप्‍टाक क्‍या नाङ्‍सुङ। खोकी ख्‍याप्‍टाक क्‍या नङ्‍गुप सुङ ङ्‍येन्‍दुपतिवी राङ ती सुङ ति टेङ्‍बु यिन सिनी ङ्‍यिराङला पङ्‍बु बिन्‍सुङ।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 3:6

साराकी साङ खोरो ख्‍योवा अब्राहामला चोवो सिनी ख्‍योवी सिक्‍यावु ताम्‍ङेला ङ्‍येन्‍सुङ। दोजो ख्‍यिरा साङ तुक राङ क्‍यानी काङगी थोक्‍ला साङ ज्‍यिवा माक्‍यानी लाका टेङ्‍बु तिराङ क्‍यासिन ख्‍यिराङ साङ सारा दोके यिनो।

१ पत्रुस 4:17

च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?

२ पत्रुस 3:7

दी कोन्‍छ्‍योककी सुङगी राङ तसाम पेलाकी नाम ताङ जम्‍बुलिङ ति मे नाङ्‍ला ना तोङ्‍गुपला र्‍होक्‍नी ज्‍याङ वे। तमा खोकी सुङला मुयुकुप मीतिवाला ठिम कितुप तुजे सेककी थोक्‍ला सानी ज्‍याङ वे।

यहूदा 1:7

तुक राङ क्‍यानी सदोम ताङ गमोरा ताङ तिवी गारी गुरीकी ग्‍येसाकी मीतिवी साङ रे ताङ ङ्‍यी क्‍यानी छ्‍येवु छ्‍येमु कितुप ताङ ङोजु मेतुप शम्‍डेनतिवा क्‍यासुङ। तमा तिवा नाम्‍साङ मिशिवु मे नाङ्‍ला ख्‍येल्‍नी तिवी क्‍यावु लाका मेलोक्‍पाकी थोक्‍ला तिवाला मेकी छ्‍येर्पा फोकुप नमुना च्‍युङ्‍सुङ।

ज्‍यल्‍का 20:10

तमा तिवाला लुतुप डे ति मे ताङ तुसोक कशेन वोतुप चो दोके वोतुप ते क्‍युर्सुङ। ते ती सेम्‍ज्‍येन ताङ लुङ्‍तेम्‍बा मेटेङ्‍बुतिवा गोमाला के क्‍युर्नी नोक। ते तिवी ङ्‍यी ताङ नुप्‍ज्‍या नरीकी नरी छेटाङ खुर्किवी।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 6:10

तिवा ति “ओ चाङ्‍मा ताङ टेङ्‍बु वोतुप चोछ्‍येवु चोवो, नम पेला सेक ख्‍योरे दी जम्‍बुलिङला लुनी वोतुपतिवाला ठिम क्‍या नङ्‍गुप ताङ ङ्‍यिराङला सेतुप छ्‍येर्पा ति मलाङ्‍गिवी?” सिनी कशेन च्‍यार ग्‍यप्‍सुङ।