२ थेसलोनिकी 1:7 - कोन्छ्‌योककी सुङ

⁷ तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

२ थेसलोनिकी 1:7 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मत्ती 16:28

वुतुङ के ङ ख्‍यिराङला सिरिन, दे लानी वोतुपतिवी पर्ला ललाइकी ङ मी पुज्‍युङ खोरो ग्‍येल्‍खापला ग्‍येला कितुपला वुङ्‍गुप माथोङ्‍वा सेक्‍ला मिशिवी।”

मत्ती 25:31

“ङ मी पुज्‍युङ तेरी देवाच्‍येनकी लेन क्‍योलुप थुतिवी मुला खोरो मोवाला वुङ्‍गुप पेला ङ ति खोरो ग्‍येल्‍ठिकला देकितो।

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

मत्ती 26:64

तमा येशूकी तीला सुङ्‍सुङ, “ख्‍योरो राङ सिक्‍यासुङ। यिने ङ ख्‍यिराङ तेरीला सिरिन, तफेन्‍ला ङ मी पुज्‍युङ ति चोछ्‍येवु कोन्‍छ्‍योककी यावी थाकाला देतुप ताङ देवाच्‍येनकी मुक्‍पी ख नेमा वुङ्‍गुप ति ख्‍यिरा थोङ्‍गितो।”

मर्कूस 14:62

येशूकी सुङ्‍सुङ, “यिन, ती ति ङ राङ यिन। मी पुज्‍युङ चोछ्‍ये वोतुप कोन्‍छ्‍योककी यावी थाकाला देतुप ताङ देवाच्‍येन नेमा मुक्पी ख नेमा वुङ्‍गुप ति ख्‍यिरा थोङ्‍गितो।”

मर्कूस 8:38

दी शम्‍डेन कितुप ताङ दिक्‍पा वोतुप गिपा नेसुर सी ङ ताङ ङे सुङला ङोछा किवे, ङ मी पुज्‍युङ साङ चाङ्‍मा वोतुप देवाच्‍येनकी लेन क्‍येलुप थुतिवी मुला ङे पपी मोवा थोप्‍नी वुङ्‍गुप पेला तीला ङोछा कितिनो।”

लूका 16:25

यिने अब्राहामकी तीला सिक्‍यासुङ, ‘पुज्‍यो, ख्‍युरुङ नासाम तोङ। ख्‍युरुङ सेन्‍बु वोतुप पेला तेरी गा ताङ किर्मु कितुप ङ्‍येनी वे। यिने दी लाजरस तीकी याङ दुक्‍पा बङी खुर्सुङ। यिने त याङ दीला किर्मु ङ्‍येन वे, ख्‍युरुङ ति छेटाङला ख्‍येल वे।

लूका 17:30

ङ मी पुज्‍युङ वुङ्‍गुप पेला साङ तुकै राङ डितो।

यूहन्‍ना 1:3

तमा ती सुङ नेसुर राङ कोन्‍छ्‍योककी तेरी जम्‍बुलिङ ज्‍ये नाङ्‍सुङ, ज्‍येवु ति च्‍यिक साङ खोकी मिसिन माजोवु यिन।

यूहन्‍ना 1:51

तमा येशूकी तीला “वुतुङ के ङ ख्‍युरुङला टेङ्‍बो सिरिन, ख्‍योरो देवाच्‍येन सेङ्‍गुप ताङ देवाच्‍येनकी लेन क्‍योलुप थुतिवा ङ मी पुज्‍युङकी खला येर जेकुप ताङ मर पपुप थोङ्‍गितो।” सिनी सुङ्‍सुङ।

लोमा छ्‍येतिवी लाका 1:11

तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

लोमा छ्‍येतिवी लाका 3:19

ती तप्‍की ‘ङ दिक्‍छेन यिनोक’ सिनी सेम ग्‍युर्नी कोन्‍छ्‍योककी थाकाला ग्‍युर! तुक क्‍यासिन खोकी ख्‍यिरा दिक्‍पा ता च्‍यिनी लोदिमु नङ्‍गिवी।

रोमी 8:17

दाक्‍पु कोन्‍छ्‍योककी पेजातिवा यिन सिसिन ख्रीष्‍टकी मुला राङ कोन्‍छ्‍योककी ग्‍येल्‍खापकी अंश थोप छ्‍योवु यिन। दोजो दाक्‍पु ख्रीष्‍टकी मुला राङ कोन्‍छ्‍योककी मोवा थोप्‍नी वोसिन खोकी मुला राङ दुक्‍पा साङ खुर गोकिवी।

१ कोरिन्‍थी 3:13

तुका मीतिवा रे रेकी लाका ति कोन्‍छ्‍योककी छ्‍या देन्‍गिवी। च्‍यिलासिसिन खोकी ठिम क्‍या नङ्‍गुप तुजेला तिवी क्‍यावु लाका ति ठछ्‍येली थोङ्‍गिवी। तमा सु सुकी चुका चुका लाका क्‍यानोक सिनी मे थ्‍वोनी र्‍हेनी ल्‍हेवी।

२ कोरिन्थी 4:17

तन्‍दा दाक्‍पी उकुर च्‍यिक चेयी दुक्‍पा खुर्सिमा ज्‍युक्‍ला नरीकी नरी लुवु कोन्‍छ्‍योककी मोवाकी कोर्ला नासाम ताङ्‍सिन दी दुक्‍पातिवा वुतुङ के काङ साङ मिन।

एफिसी 1:2

दाक्‍पी पपा कोन्‍छ्‌योक ताङ चोवो येशू ख्रीष्‍ट नेमा ख्‍यिराङला कटिन ताङ लोदिमु वुङ्‍शी।

कलस्सी 1:16

च्‍यिलासिसिन मिककी थोङ्‍गुप ताङ मोथोङ्‍गुप तेरी च्‍यालकतिवा खो नेसुर राङ ज्‍ये नङ्‍गुप यिन। देवाच्‍येन ताङ जम्‍बुलिङला वोतुपतिवा ताङ ग्‍येल्‍ठिकतिवा ताङ ग्‍येला कितुप ओङतिवा ताङ ठिम कितुप ङारतिवा ताङ ओङ्‍ज्‍येनतिवा ताङ तेरी च्‍यालकतिवा खो नेसुर राङ खोरे थोक्‍ला ज्‍ये नङ्‍गुप यिन।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

२ तिमोथी 2:12

दाक्‍पु खोकी थोक्‍ला छेटाङ ख्‍येल्‍सिनाङ हम क्‍यानी दे थुप्‍सिन दाक्‍पु खोकी मुला राङ ग्‍येला कितुप ङ्‍येकिवी। यिने दाक्‍पी खोला सेमला मिलिङ्‍गिवी सिसिन खोकी साङ दाक्‍पुला ङो मेशेवी सिनी सुङ्‍गिवी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 10:27

बोरु कोन्‍छ्‍योककी ज्‍यिवा लङ्‍गुप ठिम क्‍या नङ्‍गुप ताङ खोकी तेन्‍दोकला लङ्‍गुप मीतिवाला ना तोङ्‍गुप छासे मे छेन्‍दी तिराङ दाक्‍पी थोक्‍ला लुवु ति नासाम तोङ।

हिब्रू 12:29

च्‍यिलासिसिन दाक्‍पी कोन्‍छ्‍योक ति पुसुकी जोप मे यिन।

हिब्रू 4:1

दाक्‍पुला कोन्‍छ्‍योककी ङप्‍सु ङ्‍येतुपला थाक्‍छ्‍येतुप ति तन्‍दा साङ लुनी वे। तुक क्‍यानी दाक्‍पु च्‍यक्‍पु कितुप। तमा ख्‍यिराङ सु साङ ती ङासोप दासाला शुकुप मेङ्‍येवु मोडोशी।

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 4:9

तुक क्‍यानी कोन्‍छ्‍योककी मीतिवी थोक्‍ला ङप्‍सु लङ्‍गुप ति लुनी वे।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।

२ पत्रुस 3:7

दी कोन्‍छ्‍योककी सुङगी राङ तसाम पेलाकी नाम ताङ जम्‍बुलिङ ति मे नाङ्‍ला ना तोङ्‍गुपला र्‍होक्‍नी ज्‍याङ वे। तमा खोकी सुङला मुयुकुप मीतिवाला ठिम कितुप तुजे सेककी थोक्‍ला सानी ज्‍याङ वे।

यहूदा 1:7

तुक राङ क्‍यानी सदोम ताङ गमोरा ताङ तिवी गारी गुरीकी ग्‍येसाकी मीतिवी साङ रे ताङ ङ्‍यी क्‍यानी छ्‍येवु छ्‍येमु कितुप ताङ ङोजु मेतुप शम्‍डेनतिवा क्‍यासुङ। तमा तिवा नाम्‍साङ मिशिवु मे नाङ्‍ला ख्‍येल्‍नी तिवी क्‍यावु लाका मेलोक्‍पाकी थोक्‍ला तिवाला मेकी छ्‍येर्पा फोकुप नमुना च्‍युङ्‍सुङ।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।

ज्‍यल्‍का 14:10

तिवाला कोन्‍छ्‍योककी ङ्‍यिर्मुकी गुन्‍डुम छ्‍याङ थुङ ज्‍यिकिवी। खो छासे ङ्‍यिर्मु लावु तप्‍की खोकी छासे क्‍यानी पर्च्या तोङ्‍गिवी। तमा तिवा चाङ्‍मा वोतुप देवाच्‍येनकी लेन क्‍योलुप थुतिवा ताङ लुक रुककी दोङ्‍ला मे ताङ तुसोककी नाङ्‍ला छेटाङ खुर्किवी।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 20:11

येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।

ज्‍यल्‍का 21:4

खोकी मीतिवी मिक नेसुर मिक्‍च्‍युर तेरी पिनी तेर्किवी। तमा तिवा येलुङ नाम्‍साङ मिशिवी। सेम क्‍योके कितुप ताङ ङोप ताङ दुङल साङ मेवी। च्‍यिलासिसिन ती जम्‍बुलिङकी ताम्‍ङे ङि्‍यङ्‍बातिवा तेरी तोर्नी गाल।”

ज्‍यल्‍का 22:16

“ङ येशू यिन, ङे राङ दी ताम्‍ङेतिवा चर्चतिवाला पङ्‍बु तेरुपला ङरा लेन क्‍योलुप थुतिवा तिवी ते तङ्‍गुप यिन। ङ ग्‍येल्‍वु दाऊदकी गिपा नेसुर वावु मी यिन, टोपला शरुप वो ग्‍यकुप कर्ज्याङ साङ यिन।”

ज्‍यल्‍का 22:6

ती ज्‍युक्‍ला देवाच्‍येनकी लेन क्‍योलुप थु तीकी ङला दुक सिक्‍यासुङ, “वुतुङ के ख्‍योरो थोवु सुङतिवा तेरी खोङ्‍तेर्मु ताङ टेङ्‍बु वे। लुङ्‍तेम्‍बातिवाला खोरे थु नङ्‍गुप चोवो कोन्‍छ्‍योककी खोरुङला शब्‍ज्‍यी कितुपतिवाला ङमु राङ तेन्‍तेन च्‍युङ्‍गुप ताम्‍ङेकी कोर्ला हाक्‍को ज्‍यितुपला खोरे लेन क्‍योलुप थुतिवा ताङ्‍सुङ।”

ज्‍यल्‍का 22:9

यिने तीकी ङला “ख्‍योरो ङला दुक क्‍यानी शावा कितुप मेवी। ङ साङ ख्‍युरुङ ताङ ख्‍योरो अच्‍युनुप लुङ्‍तेम्‍बातिवा ताङ दी थेपला वोतुप सुङला युकुपतिवा दोके कोन्‍छ्‍योककी लावा तिराङ यिन। तुक क्‍यानी कोन्‍छ्‍योकला तिराङ शावा की।” सिनी सिक्‍यासुङ।

ज्‍यल्‍का 6:11

तमा ती ज्‍युक्‍ला तिवा तेरीला मज्‍या कर्मु रे रे बिन्‍नी दुक सिक्‍यासुङ, “ख्‍यिरा मुला शब्‍ज्‍यी कितुप मीतिवा ताङ तेपा कितुप अच्‍युनुपतिवा साङ ख्यिराङला सेतुप दोके तेरी शिनी टङ्‍गा माछेवा सेक ङासोनी देता।”