२ थेसलोनिकी 1:5 - कोन्छ्‌योककी सुङ

⁵ कोन्‍छ्‍योककी ख्‍ये मापेवा क्‍यानी च्‍यिक्‍पा राङ ठिम क्‍या नङ्‍गिवी सिरुप पङ्‍बु छ्‍या देन्‍दुपला ख्‍यिरा तुका छेटाङ ताङ दुक्‍पा खुरुप यिन। ख्‍यिरा तुक क्‍यानी छेटाङ ताङ दुक्‍पा खुर्सिन कोन्‍छ्‍योककी ग्‍येल्‍खापला शुक छ्‍योकिवी। दी ताम्‍ङे ति ख्‍यिरा हाक्‍कोवा की।

२ थेसलोनिकी 1:5 Iomraidhean Croise

लूका 20:35

यिने ती ज्‍युककी कल्‍वा ताङ शेप ने सेन्‍बु लङ्‍गुपला छ्‍योवु वोतुपतिवा याङ जेन्‍दी मिकिवी,

लूका 21:36

तुक क्‍यानी ख्‍यिराङ च्‍याङ्‍से देता, त च्‍युङ्‍गुप दी तेरी ताम्‍ङेतिवा नेसुर र्‍होक्‍नी मी पुज्‍युङकी चिप्ला लङ थुप्‍शी सिनी नरी मोपोर किसा।”

लोमा छ्‍येतिवी लाका 13:46

यिने पावल ताङ बारनाबासकी ङाडेङ क्‍यानी सिक्‍यासुङ, “कोन्‍छ्‍योककी सुङ ति थल्‍माला ख्‍यिराङ यहूदीतिवाला राङ ख्‍याप्‍टाक कि गोवु ति यिन्‍जा। यिने ख्‍यिरा दी सुङला माङ्‍येन्‍नी नाम्‍साङ मिशिवु मिजी ङ्‍ये छ्‍योवु मेतुप तप्‍की ङ्‍यिराङ यहूदी मिन्‍दुप मिरिक यम्‍बाकी मीतिवी ते डिवी।

लोमा छ्‍येतिवी लाका 14:22

तमा लोकुप पेला तेकी लोमातिवाला “ख्‍यिराङ हम क्‍या दे गोकिवी, तेपा रम्‍बु क्‍या दे गोकिवी, तमा कोन्‍छ्‍योककी ग्‍येल्‍खापला लेपुपला ङ्‍यिराङ दुक्‍पा बङी खुर गोकिवी।” सिनी टोङ्‍गु बिन्‍सुङ।

रोमी 2:5

ख्‍योरो सेम क्‍योङ्‍बु वोतुप ताङ दिक्‍पा ने ग्‍युरुप सेम मेतुप तप्‍की कोन्‍छ्‍योककी मी रे रेला च्‍योङ्‍डा वोतुप टेङ्‍बुकी ठिम क्‍या नङ्‍गुप तुजेला खोकी पर्च्या ति ख्‍युरुङला मङ मङ फोकितो।

रोमी 8:17

दाक्‍पु कोन्‍छ्‍योककी पेजातिवा यिन सिसिन ख्रीष्‍टकी मुला राङ कोन्‍छ्‍योककी ग्‍येल्‍खापकी अंश थोप छ्‍योवु यिन। दोजो दाक्‍पु ख्रीष्‍टकी मुला राङ कोन्‍छ्‍योककी मोवा थोप्‍नी वोसिन खोकी मुला राङ दुक्‍पा साङ खुर गोकिवी।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

फिलिप्पी 1:28

तमा ख्‍यिराङ रङगी डतिवी काङ क्‍यासिनाङ ज्‍यिवा माकी। तुक क्‍यासिन ख्‍यिरा डतिवा फम्‍बुप ताङ ख्‍यिराङ ति दिक्‍पा ने थरुप त छ्‍या देन्‍गिवी। ती थर्वा ति कोन्‍छ्‍योककी नङ्‍गिवी।

कलस्सी 1:12

तीकी थोक्‍ला पपा कोन्‍छ्‍योकला थुचिछे पुल। खोकी ठछ्‍येली वोतुप ग्‍येल्‍खापला खोरे चाङ्‍मा वोतुप मीतिवाला तेरिन सिनी थाक्‍छ्‍येतुप ति खोकी ख्‍यिराङला ङ्‍ये छ्‍योवु जो नङ वे।

१ थेसलोनिकी 2:14

अच्‍युनुपतिवा, ख्‍यिराङ यहूदियाला वोतुप तेपा कितुप कोन्‍छ्‍योककी चर्चकी मीतिवी दोके लुमु सेतुप च्‍युङ्‍सुङ। च्‍यिलासिसिन यहूदियाला वोतुप तेपा कितुप मीतिवाला तेपा मिकिवु यहूदीतिवी छेटाङ बिन्‍दुप दोके ख्‍यिरा साङ ख्‍यिरा लुङ्‍बी मीतिवा नेसुर छेटाङ खुरिन वे।

२ थेसलोनिकी 1:11

ती तप्‍की ख्‍यिराङ ल्‍यामो क्‍यानी नासाम तोङ। खोकी नोवा नेसुर ख्‍यिराङला कताङ नङ्‍गुप दोके क्‍यानी मिजी क्‍योङ्‍गुप ताङ ख्‍यिरा नासाम ताङ तेपा नेसुर वुङ्‍गुप तेरी लाका ति खोकी ङार नेसुर तेरी डुप्‍शी सिनी ङ्‍यिराङ नरी दाक्‍पी कोन्‍छ्‍योकला मोपोर किवी।

२ तिमोथी 2:12

दाक्‍पु खोकी थोक्‍ला छेटाङ ख्‍येल्‍सिनाङ हम क्‍यानी दे थुप्‍सिन दाक्‍पु खोकी मुला राङ ग्‍येला कितुप ङ्‍येकिवी। यिने दाक्‍पी खोला सेमला मिलिङ्‍गिवी सिसिन खोकी साङ दाक्‍पुला ङो मेशेवी सिनी सुङ्‍गिवी।

ज्‍यल्‍का 15:4

ओ चोवो कोन्‍छ्‍योक, चोवोला सी ज्‍यिवा मिकिवी रो? सी चोवोकी मिङला मोवा मिकिवी रो? च्‍यिलासिसिन चाङ्‍मा वोतुप ति चोवो तिराङ यिन। मिरिक तेरीकी मीतिवी चोवोला राङ सोवा बुल्‍गिवी। च्‍यिलासिसिन चोवोकी क्‍या नङ्‍गुप लाका टेङ्‍बुतिवा तेरीकी ठछ्‍येली थोङ्‍नी वे।”

ज्‍यल्‍का 16:7

तमा छोठी नेमा दुक सिक्‍यावु ति ङे थोसुङ। “यिन, ङार छ्‍येवु चोवो कोन्छ्‍योक। कोन्‍छ्‍योककी ठिम क्‍या नङ्‍गुप ति वुतुङ के टेङ्बु ताङ टेके यिन।”

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 3:4

यिने सार्डिसला वोतुप ख्‍यिरा पर्ला तेपा कितुपतिवा ललाइ ललाइ ति मज्‍याला टेमा माछ्‍यावु दोके खोप्‍राङ मिजी ति मेटेङ्‍बु माजो वे। तिवा ङे मुला राङ मज्‍या कर्मु कोन्‍नी युकिवी, च्‍यिलासिसिन तिवा तुक कि छ्‍योवु वे।