२ थेसलोनिकी 1:4 - कोन्छ्‌योककी सुङ

⁴ ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

२ थेसलोनिकी 1:4 Iomraidhean Croise

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

१ कोरिन्‍थी 7:17

चोवो येशूकी मीतिवा रे रेला चुकै लाका नङ वे, कङगी थोक्‍ला कताङ नङ वे, ती दोके राङ मिजी क्‍योङ्‍शी। दी ति तेरी चर्चतिवाला ङे लापुप येन्‍देन यिन।

२ कोरिन्थी 12:10

तुक क्‍यानी ङ ति ख्रीष्‍टकी थोक्‍ला ङार मेतुप पेला ताङ मी मारे तोङ्‍गुप पेला ताङ कलेला ख्‍येलुप पेला ताङ छेटाङला ख्‍येलुप पेला ताङ दुङलला ख्‍येलुप पेला लोदिमु क्‍यानी दे थुप्‍किवी। च्‍यिलासिसिन ङ ङार मेतुप पेला ङार छ्‍येवु च्‍युङ वे।

२ कोरिन्थी 7:14

तीतस ख्‍यिरा चाला डोप सिनाङ गोमाला ङे तीला ख्‍यिरा थोक्‍ला छासे तेके क्‍यायिन। तमा ख्‍यिरा ङला यिछ्‍येता माजो वे। ङ्‍यिरा ख्‍यिराङला नरी ताम्‍ङे टेङ्‍बु लापिन। तुक क्‍यानी तीतसकी मुला ङ्‍यिरा ख्‍यिरा थोक्‍ला तेके क्‍यावु ति टेङ्‍बु वोतुप हाक्‍कोसुङ।

२ कोरिन्थी 7:4

ङ ख्‍यिराङला छासे लो तेन्‍गिवी। ङ ख्‍यिरा थोक्‍ला छासे तेके कितिन। ख्‍यिराङ नेसुर ङला मङ टोङ्‍गु ङ्‍येन वे। ङला चो छेटाङ ख्‍येल्‍सिनाङ सेमला छासे गा लानी वे।

२ कोरिन्थी 9:2

च्‍यिलासिसिन ख्‍यिराङ दाल्‍जा किटे कितुपला छासे सेम वे सिरुप ति ङला छ्‍या वे। तीकी कोर्ला माकेडोनियाकी तेपा कितुप मीतिवी चिप्‍ला “ननिङगी लो नेज्‍युनी ख्‍यिराङ अखैयाकी मीतिवी बुल्‍वा तेरुपला टडिक क्‍या वे।” सिनी ङे तेके क्‍यानी सिक्‍या वे। ख्‍यिरा सेमला छासे दाल्‍जा किटे कितुप नो वोतुप तप्‍की तिवी पर्ला मी बङीकी सेमला ङाडेङ ङ्‍येनी वे।

२ कोरिन्थी 9:4

दोजो ललाइ माकेडोनियाकी तेपा कितुप मीतिवा ङ ताङ मुला ख्‍यिरा ते वुङ्‍गुप पेला ख्‍यिराङ बुल्‍वा दुतुप टडिक मेतुप हाक्‍कोसिन ख्‍यिराङ ङोछाला ख्‍येल्‍गितो, ङ्‍यिराङ साङ ङोशी मारेला ख्‍येल्‍गितो। च्‍यिलासिसिन ङ्‍यिरा ख्‍यिराङला छासे रेवा ग्‍येर्पु क्‍या वे।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ थेसलोनिकी 2:14

अच्‍युनुपतिवा, ख्‍यिराङ यहूदियाला वोतुप तेपा कितुप कोन्‍छ्‍योककी चर्चकी मीतिवी दोके लुमु सेतुप च्‍युङ्‍सुङ। च्‍यिलासिसिन यहूदियाला वोतुप तेपा कितुप मीतिवाला तेपा मिकिवु यहूदीतिवी छेटाङ बिन्‍दुप दोके ख्‍यिरा साङ ख्‍यिरा लुङ्‍बी मीतिवा नेसुर छेटाङ खुरिन वे।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

२ थेसलोनिकी 3:5

कोन्‍छ्‍योककी ख्‍यिराङला चुक क्‍यानी ङ्‍यिङ्‍ज्‍ये क्‍या नङ्‍गुप ताङ ख्रीष्‍टकी चो छेटाङ ख्‍येल्‍सिनाङ हम क्‍या देतुप ति ख्‍यिरा सेमला ल्‍यामो क्‍यानी हाक्‍कोवुला गोमा किशी।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

हिब्रू 6:12

ख्‍यिराङ छेरा माकी, यिने खोला तेपा कितुप ताङ हम क्‍या देनी खोकी थाक्‍छ्‍येन नङ्‍गुप ति थोपुप मीतिवा दोके च्‍युङ्‍शी सिरुप ति ङ्‍यिरा नोवा वे।

हिब्रू 6:15

तमा अब्राहामकी कोन्‍छ्‍योककी कला ङ्‍येन्‍नी हम क्‍यानी गुनी देतुप तप्‍की अब्राहामला खोकी थाक्‍छ्‍येन नङ्‍गुप मोलाम ति तेरी थोप्‍सुङ।

याकूब 5:11

ल्‍होसा, हम क्‍या देतुपतिवा मोलाम वोतुप यिनो। अय्‍यूबकी चुक क्‍यानी हम क्‍यानी देसुङ, तमा तिङ्‍ला कोन्‍छ्‍योककी तीला मोलाम नाङ्‍सुङ सिरुप ताम्‍ङे साङ ख्‍यिरा हाक्‍को वे। तमा चोवो कोन्‍छ्‍योक ति ङ्‍यिङ्‍ज्‍ये ताङ च्‍यम्‍बा नङ्‍गुप यिन सिरुप साङ हाक्‍को वे।

२ पत्रुस 1:6

रिक्‍पा थोप्‍सिमा डेकला दे गोकिवी, डेकला देसिमा हम क्‍या दे गोकिवी, हम क्‍या देसिमा ख्‍यिराङ खोरो सेमगी दिङ नेज्‍युनी कोन्‍छ्‍योककी सुङला युक गोकिवी,

ज्‍यल्‍का 14:12

तीकी थोक्‍ला कोन्‍छ्‍योककी कला ङ्‍येन्‍दुप ताङ येशूला तेपा कितुपतिवा डेकला दे गोकिवी।