२ थेसलोनिकी 1:12 - कोन्छ्‌योककी सुङ

¹² तुक क्‍यासिमा दाक्‍पी कोन्‍छ्‍योक ताङ चोवो येशूकी कटिन नेसुर ख्‍यिरा खोकी मिङला मोवा कितुप ताङ ख्‍यिराङला साङ कोन्‍छ्‍योक नेमा वुङ्‍गुप च्‍यम्‍बा ङ्‍येकिवी।

२ थेसलोनिकी 1:12 Iomraidhean Croise

यूहन्‍ना 17:10

ङे मुला वोतुप ति तेरी पपी ति यिन, पपी मुला वोतुप ति तेरी ङे ति यिन। तमा तिवा नेसुर ङला मोवा ङ्‍ये वे।

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

१ कोरिन्‍थी 1:4

ङ ख्‍यिरा थोक्‍ला कोन्‍छ्‍योकला नरी थुचिछे बुलिन, च्‍यिलासिसिन येशू ख्रीष्‍ट नेसुर खोकी ख्‍यिराङला कटिन नङ वे।

२ कोरिन्थी 13:4

खो वुतुङ के जुला वोतुप पेला ङार मेतुप च्‍युङ्‍नी ग्‍यङ्‍शिङ लोला कल्‍नी सेसुङ। यिन्‍सिनाङ कोन्‍छ्‍योककी ओङला खो ङोसु राङ ज्‍यु वे। ती दोके ङ्‍यिराङ साङ खो ताङ मुला वोतुप तप्‍की ङार मेतुप वे, यिने खो शेप ने ङोसु लङ्‍गुप दोके ङ्‍यिराङ कोन्‍छ्‍योककी ओङ नेसुर ख्रीष्‍टकी मुला मिजी क्‍याङ्‍नी ख्‍यिराङला ठिम किवी।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

२ थेसलोनिकी 1:10

चोवो येशू फेपुप तुजेला खोला तेपा कितुपतिवा तेरीकी खोला मोवा कितुप ताङ सोवा देकिवी। ङ्‍यिरा पङ्‍बु बिन्‍दुप ताम्‍ङेला ख्‍यिरा तेपा क्‍यावु तप्‍की ती पेला ख्‍यिराङ साङ तिवी मुला राङ वुङ्‍गिवी।

तीतस 2:11

च्‍यिलासिसिन कोन्‍छ्‍योककी तेरी मीतिवाला दिक्‍पा ने थर ज्‍यितुपला कटिन नङ वे।

१ पत्रुस 4:14

दोजो ख्रीष्‍टला तेपा क्‍यावु तप्‍की मीतिवी ख्‍यिराङला ङ्‍यिङ्‍मर क्‍यासिन ख्‍यिराङला मोलाम थोपुप यिनो, च्‍यिलासिसिन कोन्‍छ्‍योककी मोवा वोतुप थु चाङ्‍मा ति ख्‍यिरा मुला ज्‍यु वे।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।