२ थेसलोनिकी 1:1 - कोन्छ्‌योककी सुङ

¹ टसी देलेक! दी यिकी ति ङ पावलकी सिलास ताङ तिमोथी मुला राङ दाक्‍पी पपा कोन्‍छ्‍योक ताङ चोवो येशू ख्रीष्‍टला तेपा कितुप थेसलोनिकेकी चर्चकी मीतिवाला टिवु यिनो।

२ थेसलोनिकी 1:1 Iomraidhean Croise

लोमा छ्‍येतिवी लाका 15:22

ती ज्‍युक्‍ला लोमा छ्‍येतिवा ताङ यहूदी गोमा कितुप मी छ्‍येतिवा ताङ तेपा कितुपतिवा तेरी डिक्‍नी तिवी पर नेमा ललाइ मीतिवाला पेनी पावल ताङ बारनाबासकी मुला एन्‍टिओखियाला तोङ्‍गुप नो क्‍यासुङ। तुक क्‍यानी तेपा कितुपतिवी पर नेमा बारसाबास सिरुप यहूदा ताङ सिलास मिरा ङ्‍यीला पेसुङ।

लोमा छ्‍येतिवी लाका 16:1

तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

लोमा छ्‍येतिवी लाका 17:1

ती ज्‍युक्‍ला पावल ताङ सिलास अम्‍फिपोलिस ताङ अपोल्‍लोनियाकी लाम नेवा क्‍यानी थेसलोनिकेला वासुङ। ते यहूदी छ्‍योखाङ यी नोक।

२ कोरिन्थी 1:19

च्‍यिलासिसिन सिलास ताङ तिमोथी ताङ ङे ख्‍यिराङला ख्‍याप्‍टाक क्‍यावु कोन्‍छ्‍योककी सेवु येशू ख्रीष्‍ट साङ पर्साला “यिन”, पर्साला “मिन” सिनी ताम्‍ङे ङ्‍यी कितुप मिन। यिने खो ति नरी “यिन” सिरुप तिराङ वे।