२ पत्रुस 3:9 - कोन्छ्‌योककी सुङ

⁹ चोवोकी थाक्‍छ्‍येन नङ्‍गुप सुङ ति फिमु क्‍या नङ्‍गिवी सिनी ललाइकी सिक्‍यासिनाङ खो नाम्‍साङ फिमु मिकिवी। यिने मी सु साङ ना मोडोशी, तेरी मीतिवी सेम ग्‍युर्शी सिनी ख्‍यिरा थोक्‍ला खो हम क्‍यानी ज्‍युवु यिन।

२ पत्रुस 3:9 Iomraidhean Croise

रोमी 13:11

दी ताम्‍ङे ति नासाम तोङ। तसाम पेला चुका तुजे यिन सिरुप ति ख्‍यिराङला छ्‍या राङ वे। त याङ ङ्‍यिलोकुप ने लङ्‍गुप तुजे यिन। च्‍यिलासिसिन दाक्‍पु गोमाला तेपा क्‍यावु पेला सिनाङ तसाम पेला मङ दाक्‍पुला दिक्‍पा ने थरुप ति चिप्‍ला राङ वे।

रोमी 13:12

त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

रोमी 2:4

याङ्‍ना कोन्‍छ्‍योककी ख्‍युरुङला सेम ग्‍युर च्‍यिनी दिक्‍पा ने थर ज्‍यितुपला गा कितुप ति हाक्‍माकोनी खोकी च्‍यम्‍बा ताङ हम क्‍या देतुप ताम्‍ङेला मो बेप्‍किवी रो?

रोमी 9:22

ती दोके कोन्‍छ्‍योककी साङ खोरे ओङ नेसुर मीतिवाला ना ताङ्‍नी खोकी पर्च्या ताङ ङार छ्‍या देन्‍दुप नोवे, यिने खोकी पर्च्या तोङ्‍गुप नो क्‍यावु मीतिवी थोक्‍ला खो हम क्‍यानी दे मुथुवी रो?

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

१ तिमोथी 2:4

मीतिवा तेरी दिक्‍पा ने थर्नी टेङ्‍बु वोतुप कोन्‍छ्‍योककी रिक्‍पा ङ्‍येशी सिरुप ति कोन्‍छ्‍योककी नोवा यिन।

हिब्रू 10:37

च्‍यिलासिसिन कोन्‍छ्‍योककी सुङला “फेप्‍किवी सिनी सुङ्‍गुप ति छासे ङमु राङ फेप्‍किवी, फिमु मिकिवी।

१ पत्रुस 3:20

ती नम्‍शिङतिवी थल्‍माला नोआकी टु जोप पेला कोन्‍छ्‍योककी कला माङ्‍येन, यिन्‍सिनाङ कोन्‍छ्‍योककी तिवी थोक्‍ला हम क्‍यानी गुसुङ। तमा ती टी नाङ्‍ला शुवु मी मिरा ग्‍ये तिराङ छ्‍यु नेसुर र्‍होक्‍सुङ।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

२ पत्रुस 3:15

कोन्‍छ्‍योककी हम क्‍यानी गुनी देतुप ति दाक्‍पु दिक्‍पा ने थरुपला यिन सिनी नासाम तोङ। दाक्‍पी नुप पावलकी साङ कोन्‍छ्‍योककी नङ्‍गुप रिक्‍पा नेसुर ख्‍यिराङला ती ताम्‍ङेकी थोक्‍ला टिवु यिन।

ज्‍यल्‍का 2:21

ङे तीला दिक्‍पा नेसुर ग्‍युरुपला तुजे बिनिन, यिने तीकी शम्‍डेन कितुप नेसुर नाम्‍साङ सेम माग्‍युर।