२ पत्रुस 3:2 - कोन्छ्‌योककी सुङ

² तुक क्‍यानी तोङ्‍ला लुङ्‍तेम्‍बा टेङ्‍बुतिवी नम्‍दर शेतुप ताम्‍ङे ताङ लोमा छ्‍येतिवी ख्‍यिराङला दिक्‍पा ने थर ज्‍यितुप चोवो येशूकी कोर्ला लापुप सुङ ति ख्‍यिरा नरी नासाम ताङ्‍नी टोक माज्‍येता।

२ पत्रुस 3:2 Iomraidhean Croise

लूका 1:70

तोङ्‍ला खोरे टेङ्‍बु वोतुप लुङ्‍तेम्‍बातिवी नेसुर खोकी सुङ्‍गुप दोके

लूका 24:27

तमा येशूकी मोशा ताङ तेरी कोन्‍छ्‍योककी लुङ्‍तेम्‍बातिवा नेज्‍युनी तेरी कोन्‍छ्‍योककी सुङगी नाङ्‍ला खोरो कोर्ला टिवु ति तिवाला शेन नाङ्‍सुङ।

लूका 24:44

ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

लोमा छ्‍येतिवी लाका 10:43

खोला तेपा कितुपतिवा तेरीला खोकी मिङ नेमा तिवी क्‍यावु दिक्‍पा ने थर ज्‍यिकिवी सिनी तेरी कोन्‍छ्‍योककी लुङ्‍तेम्‍बातिवी खोकी कोर्ला सिक्‍या वे।”

लोमा छ्‍येतिवी लाका 28:23

तुक क्‍यानी तिवी ङ्‍यिमा च्‍यिक पावलला ठेतुप तुजे जोसुङ। तमा मीतिवा बङी पावल देतुप खाङ्‍बा वासुङ। पावलकी टोप नेज्‍युनी सोर्‍हिप सेक तिवाला कोन्‍छ्‍योककी ग्‍येल्‍खापकी कोर्ला लाप्‍सुङ। तमा मोशाकी ठिम ताङ कोन्‍छ्‍योककी लुङ्‍तेम्‍बाकी थेप नेसुर येशूकी कोर्ला तिवाला पङ्‍बु बिन्‍सुङ।

लोमा छ्‍येतिवी लाका 3:18

यिने ख्रीष्‍टकी छेटाङ खुर राङ गोकिवी सिनी गोमाला नेज्‍युनी कोन्‍छ्‍योककी लुङ्‍तेम्‍बातिवी नम्‍दर शेतुप ति कोन्‍छ्‍योककी तेरी छे च्‍यिसुङ।

लोमा छ्‍येतिवी लाका 3:21

ती येशू ति कोन्‍छ्‍योककी तोङ्‍ला नेज्‍युनी पेतुप खोरे लुङ्‍तेम्‍बा टेङ्‍बुतिवी ख नेमा सुङ्‍गुप तेरी च्‍यालकतिवा सम्‍बा जोप तुजे माङुवा सेक्‍ला देवाच्‍येनला राङ ज्‍यु गोकिवी।

गलाती 6:2

ख्‍यिराङ च्‍यिककी च्‍यिकला दुक्‍पा ख्‍येलुप पेला ख्रीष्‍टकी सुङ्‍गुप ठिमला वोतुप दोके च्‍यिककी च्‍यिकला दाल्‍जा किसा।

एफिसी 2:20

ती मिछाङतिवा ति लोमा छ्‌येतिवा ताङ कोन्‍छ्‌योककी लुङ्‍तेम्‍बातिवी जोवु डम्‍ज्‍यी रम्‍बु दोके यिन। तमा येशू ख्रीष्‍ट ति ती डम्‍ज्‍यीकी खक्‍छ्‍येवु सुरकी दो दोके यिन।

एफिसी 3:5

तोङगी गिपाकी मीतिवाला हाक्‍को माच्‍यिवु ताम्‍ङे ति खोकी लोमा छ्‌येतिवा ताङ कोन्‍छ्‌योककी लुङ्‍तेम्‍बातिवाला खोरे थु चाङ्‍मा नेसुर तसाम ठछ्‍येली छ्‌या तेन वे।

१ तिमोथी 6:14

ङ ख्‍युरुङला क तेरिन। दाक्‍पी चोवो येशू ख्रीष्‍ट माफेवा सेक ख्‍युरुङ ल्‍यामु क्‍यानी खोकी सुङला वोतुप क दोके मिजी क्‍योङ। तमा सी साङ ख्‍युरुङला मेटेङ्‍बु ताङ क्‍येन तेर मुथुपी।

२ पत्रुस 2:21

ती तप्‍की तिवाला बिन्‍दुप कोन्‍छ्‍योककी सुङ टेङ्‍बु ति तिवी हाक्‍कोनी साङ ती सुङला मुयुकुप सिसियाङ, बोरु तिवाला कोन्‍छ्‍योककी थोङ्‍दाङला टेङ्‍बु वोतुप सुङगी कोर्ला हाक्‍माकोवु राङ ल्‍यामु यिन्‍दुप्‍जा।

२ पत्रुस 3:15

कोन्‍छ्‍योककी हम क्‍यानी गुनी देतुप ति दाक्‍पु दिक्‍पा ने थरुपला यिन सिनी नासाम तोङ। दाक्‍पी नुप पावलकी साङ कोन्‍छ्‍योककी नङ्‍गुप रिक्‍पा नेसुर ख्‍यिराङला ती ताम्‍ङेकी थोक्‍ला टिवु यिन।

२ पत्रुस 3:16

खोकी तङ्‍गुप यिकीतिवा तेरीकी नाङ्‍ला साङ दी ताम्‍ङेकी कोर्ला टिनी वोतो। ती नाङ्‍ला ललाइ ललाइ ताम्‍ङेतिवा हाक्‍कोवु कले वे, तुक क्‍यानी यिकी मेशेवुतिवा ताङ कोन्‍छ्‍योकला तेपा रम्‍बु मेतुप मीतिवी दी ताम्‍ङेतिवाला यम्‍बा छ्‍योकी थेपला वोतुप दोके फिलोक्‍पा नालोक्‍पा जोनी खुरुङला राङ खोरो ना तोङ्‍गिवी।

१ यूहन्‍ना 4:6

दाक्‍पु ति कोन्‍छ्‍योककी पुज्‍युङपुमतिवा यिन। सी कोन्‍छ्‍योकला ङो शेवे, तिवी दाक्‍पी ताम्‍ङे साङ ङ्‍येन्‍गिवी। सु कोन्‍छ्‍योककी ति मिन वे, तीकी दाक्‍पी ताम्‍ङे साङ मेङ्‍येन्‍वी। ती नेसुर राङ दाक्‍पी थु टेङ्‍बु ताङ थु मेटेङ्‍बु ङो शेकिवी।

यहूदा 1:17

यिने ङ्‍यिङ्‍ज्‍येवु अच्‍युनुपतिवा, ख्‍यिराङ ति दाक्‍पी चोवो येशू ख्रीष्‍टकी लोमा छ्‍येतिवी गोमाला सिक्‍यावु ताम्‍ङेतिवा नासाम तोङ।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”