२ पत्रुस 3:14 - कोन्छ्‌योककी सुङ

¹⁴ ती तप्‍की ङे ङ्‍यिङ्‍ज्‍येवु अच्‍युनुपतिवा, ख्‍यिराङ ती तुजेला गुनी देतुप तप्‍की खोकी थोङ्‍दाङला ख्‍यिराङ मङ टेङ्‍बु ताङ क्‍येन मेतुप ताङ खोकी मुला तम्‍जी ल्‍यामु वोतुप मिजी क्‍योङ।

२ पत्रुस 3:14 Iomraidhean Croise

मत्ती 24:26

तुक क्‍यानी तिवी ख्‍यिराङला ‘ल्‍होसा, ख्रीष्‍ट याङ दासा पाङ्‍थेरीला वे।’ सिक्‍यासिनाङ ख्‍यिराङ ते माडो। याङ्‍ना तिवी ‘खो खाङ्‍बी नाङ्‍ला राङ वे।’ सिक्‍यासिनाङ ती ताम्‍ङेला तेपा माकी।

मत्ती 25:7

ती वोर थोसिमा तिवा तेरी ङ्‍यी छेनी खोप्‍राङ लोला खुरुप दिप्‍लीतिवा नाप टुलुप छाल्‍सुङ।

लूका 12:43

ज्‍यिन्‍दाक लोक्‍नी वुङ्‍गुप पेला ती लावा ति तुकै कियी वोतुप राङ ठेसिन ती लावाला ल्‍यामु गिवी।

लूका 2:29

“ओ चोवो कोन्‍छ्‍योक, चोवोकी थाक्‍छ्‍येन नङ्‍गुप दोके तेरी छे च्‍यिन वे। त ङ ख्‍योरो लावाला लोदिमु क्‍यानी डो च्‍यिकिवी।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

फिलिप्पी 2:15

तुक क्‍यासिन ख्‍यिराङ क्‍येन मेतुप ताङ टेङ्‍बु च्‍युङ्‍नी सुर्क्योक्‍पा ताङ ख्‍यम गलुप मीतिवी पर्ला मडी मेतुप कोन्‍छ्‍योककी गिपा च्‍युङ्‍गिवी। तमा ख्‍यिराङ कर्मा शरुप दोके वो ग्‍यकिवी।

फिलिप्पी 3:20

यिने दाक्‍पु याङ देवाच्‍येनला वोतुप कोन्‍छ्‍योककी ग्‍येल्‍खापकी मीतिवा यिन। तमा दाक्‍पुला दिक्‍पा ने थर ज्‍यितुपला देवाच्‍येन नेमा फेपुप येशू ख्रीष्‍टला राङ दाक्‍पु छासे गुनी देन वे।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

१ थेसलोनिकी 5:23

लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

१ तिमोथी 6:14

ङ ख्‍युरुङला क तेरिन। दाक्‍पी चोवो येशू ख्रीष्‍ट माफेवा सेक ख्‍युरुङ ल्‍यामु क्‍यानी खोकी सुङला वोतुप क दोके मिजी क्‍योङ। तमा सी साङ ख्‍युरुङला मेटेङ्‍बु ताङ क्‍येन तेर मुथुपी।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।

२ पत्रुस 3:1

ङे ङ्‍यिङ्‍ज्‍येवु अच्‍युनुपतिवा, दी ति ङे ख्‍यिराङला टिवु यिकी ङ्‍यिवा यिनो। दी यिकी ङ्‍यिकरकी नाङ्‍ला माङ्‍शोक ताम्‍ङेतिवा ति ख्‍यिरा सेमला नासाम टेङ्‍बु तोङ ज्‍यितुप सिनी टोङ्‍गु तेरुपला टि वे।

२ पत्रुस 3:16

खोकी तङ्‍गुप यिकीतिवा तेरीकी नाङ्‍ला साङ दी ताम्‍ङेकी कोर्ला टिनी वोतो। ती नाङ्‍ला ललाइ ललाइ ताम्‍ङेतिवा हाक्‍कोवु कले वे, तुक क्‍यानी यिकी मेशेवुतिवा ताङ कोन्‍छ्‍योकला तेपा रम्‍बु मेतुप मीतिवी दी ताम्‍ङेतिवाला यम्‍बा छ्‍योकी थेपला वोतुप दोके फिलोक्‍पा नालोक्‍पा जोनी खुरुङला राङ खोरो ना तोङ्‍गिवी।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।