२ पत्रुस 3:11 - कोन्छ्‌योककी सुङ

¹¹ दी तेरी च्‍यालकतिवा ना डिवी सिरुप हाक्‍कोनी ख्‍यिरा मिजी ति चुक क्‍यानी टेङ्‍बु ताङ कोन्‍छ्‍योककी सुङला युक गोकिवी सिरुप ति नासाम तोङ।

२ पत्रुस 3:11 Iomraidhean Croise

मत्ती 8:27

ती थोङ्‍नी लोमातिवा ति छासे हलेवा लानी, “ओए, दी याङ चुका परकी मी यिन? लुङ छ्‍यर्वा ताङ ग्‍येम्‍छोकी साङ खोकी कला ङ्‍येन्‍गिनोक।” सिनी सिक्‍यासुङ।

रोमी 13:11

दी ताम्‍ङे ति नासाम तोङ। तसाम पेला चुका तुजे यिन सिरुप ति ख्‍यिराङला छ्‍या राङ वे। त याङ ङ्‍यिलोकुप ने लङ्‍गुप तुजे यिन। च्‍यिलासिसिन दाक्‍पु गोमाला तेपा क्‍यावु पेला सिनाङ तसाम पेला मङ दाक्‍पुला दिक्‍पा ने थरुप ति चिप्‍ला राङ वे।

रोमी 13:12

त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 3:20

यिने दाक्‍पु याङ देवाच्‍येनला वोतुप कोन्‍छ्‍योककी ग्‍येल्‍खापकी मीतिवा यिन। तमा दाक्‍पुला दिक्‍पा ने थर ज्‍यितुपला देवाच्‍येन नेमा फेपुप येशू ख्रीष्‍टला राङ दाक्‍पु छासे गुनी देन वे।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

१ तिमोथी 6:3

दोजो मी ललाइकी येन्‍देन मेटेङ्‍बुतिवा लोप्‍किवी, यिने दाक्‍पी चोवो येशू ख्रीष्‍टकी खक्‍छ्‍येवु सुङ ताङ दाक्‍पी मोवा कि गोवु येन्‍देनकी मुला मिडिकिवी सिसिन,

१ तिमोथी 6:6

यिन्‍सिनाङ सेमला लो दिवु क्‍यानी कोन्‍छ्‍योकला मोवा कितुप ति ख्‍येप्‍साङ यिन।

हिब्रू 13:5

ख्‍यिरा मिजी ति टङ्‍गा डेवाला चा कितुप नेसुर कुतुक दे। ख्‍यिरा मुला चो नोके तोजोयीला राङ सेम लोदिमु च्‍युङ्‍नी दे, च्‍यिलासिसिन कोन्‍छ्‍योककी दुक सुङ्‍नी वे, “ङ ख्‍युरुङला नाम्‍साङ पि मोतोङ, तमा क्‍युर्नी साङ मोज्‍योक।”

याकूब 1:24

तीकी खोरो ङुतुङ गेलुङ नाङ्‍ला ल्‍हासिमा शार्क्येक डिवी, तमा खुरुङ चुकै वे सिरुप ति टोक ज्‍येकिवी।

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।

१ पत्रुस 1:15

यिने ख्‍यिराङला कताङ नङ्‍गुप चोवो कोन्‍छ्‍योक टेङ्‍बु वोतुप दोके ख्‍यिराङ साङ ख्‍यिरा मिजीला वोतुप तेरी किताङ नालुतिवा टेङ्‍बु वुङ गोकिवी।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

२ पत्रुस 1:6

रिक्‍पा थोप्‍सिमा डेकला दे गोकिवी, डेकला देसिमा हम क्‍या दे गोकिवी, हम क्‍या देसिमा ख्‍यिराङ खोरो सेमगी दिङ नेज्‍युनी कोन्‍छ्‍योककी सुङला युक गोकिवी,

२ पत्रुस 3:10

यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।

२ पत्रुस 3:12

ख्‍यिराङ कोन्‍छ्‍योककी ठिम क्‍या नङ्‍गुप तुजेला गुनी देन वे, तमा ती तुजे ति ङमु राङ वुङ्‍शी सिनी नो की। खोकी तुजे छेवु छेर्मु नामतिवा छिक्‍नी ना डिवी, ङ्‍यिमा उला ताङ कर्मातिवा साङ तेरी मे रापकी शिकिवी।