२ पत्रुस 3:10 - कोन्छ्‌योककी सुङ

¹⁰ यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।

२ पत्रुस 3:10 Iomraidhean Croise

मत्ती 24:35

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

मर्कूस 13:31

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

लूका 12:39

यिने ख्‍यिराङ दी हाक्‍कोवा की, खाङ्‍बी ज्‍यिन्‍दाककी कुर्मेन चो पेला गिवी सिनी छ्‍या वोतुप यिन्‍सिन तीकी खोरो खाङ्‍बाला कुर्मेन शुक मिज्‍यिवुजा।

रोमी 8:20

च्‍यिलासिसिन खोकी ज्‍ये नङ्‍गुपतिवा तेरी फेन मोथोवु गल वे, ती ति खुरुङ राङ तुकै गलुप मिन, खोकी नोवाकी राङ जो नङ्‍गुप यिन। यिने तिवाला रेवा ति वे।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

१ कोरिन्‍थी 5:5

ती पेला तुका लाका मेलोक्‍पा कितुप मी ति शैतानला चेक ते! तुक क्‍यासिन तीकी जु ति नाडोशी, यिने तीकी सेम ति चोवो फेपुप तुजेला र्‍होक्‍शी।

२ कोरिन्थी 1:14

यिने तिङ्‍ला ति ख्‍यिरा तेरी हाक्‍को थुप्‍किवी सिनी ङ रेवा कितिन। तुक क्‍यानी दाक्‍पी चोवो येशू फेवु तुजेला ङ्‍यिरा ख्‍यिरा थोक्‍ला तेके क्‍यावु दोके ख्‍यिरा ङ्‍यिरा थोक्‍ला तेके किवितो।

१ थेसलोनिकी 5:2

च्‍यिलासिसिन चोवो येशू फेपुप तुजे याङ नुपला कुर्मेन वावु दोके हाक्‍माकोवा क्‍यानी गिवी सिरुप ति ख्‍यिराङला राङ छ्‍या वे।

१ थेसलोनिकी 5:4

यिने अच्‍युनुपतिवा, ख्‍यिराङ याङ येशूला तेपा क्‍यानी नक्‍तोमीला युकुप मी मिन। ती तप्‍की ती कुर्मेन दोके हाक्‍माकोवा क्‍यानी वुङ्‍गुप छेटाङला मेख्‍येल्‍वी।

२ पत्रुस 3:11

दी तेरी च्‍यालकतिवा ना डिवी सिरुप हाक्‍कोनी ख्‍यिरा मिजी ति चुक क्‍यानी टेङ्‍बु ताङ कोन्‍छ्‍योककी सुङला युक गोकिवी सिरुप ति नासाम तोङ।

२ पत्रुस 3:12

ख्‍यिराङ कोन्‍छ्‍योककी ठिम क्‍या नङ्‍गुप तुजेला गुनी देन वे, तमा ती तुजे ति ङमु राङ वुङ्‍शी सिनी नो की। खोकी तुजे छेवु छेर्मु नामतिवा छिक्‍नी ना डिवी, ङ्‍यिमा उला ताङ कर्मातिवा साङ तेरी मे रापकी शिकिवी।

२ पत्रुस 3:7

दी कोन्‍छ्‍योककी सुङगी राङ तसाम पेलाकी नाम ताङ जम्‍बुलिङ ति मे नाङ्‍ला ना तोङ्‍गुपला र्‍होक्‍नी ज्‍याङ वे। तमा खोकी सुङला मुयुकुप मीतिवाला ठिम कितुप तुजे सेककी थोक्‍ला सानी ज्‍याङ वे।

यहूदा 1:6

तमा खोरो ओङ्‍ज्‍येन सिनाङ पाङ्‍ला डोप ताङ खोप्‍रे दासा क्‍युर्नी ज्‍योकुप देवाच्‍येनकी लेन क्‍योलुप थुतिवाला साङ खोकी ठिम कितुप तुजे ग्‍येर्पु सेककी थोक्‍ला नाम्‍साङ पि मोशोरुप च्‍यातकला टानी नक्‍तोमीला उम ज्‍याक्‍नी वे।

ज्‍यल्‍का 16:15

“दी ताम्‍ङे ति ल्‍यामो ङ्‍येना। ङ कुर्मेन वावु दोके हाक्‍माकोवा क्‍यानी वुङ्‍गिनो। सु च्‍याङ्‍से क्‍यानी खोप्‍रे मज्‍या कोन्‍नी टडिक क्‍या देकिवे, ती ति मोलाम थोपुप यिनो। तुक क्‍यासिन तिवा मी मिङ्‍गाला पेर्तुङ्‍बा साङ मुलुवी, ङोछाला साङ मेख्‍येल्‍वी।”

ज्‍यल्‍का 20:11

येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।

ज्‍यल्‍का 21:1

तमा ङे देवाच्‍येन सम्‍बा ताङ जम्‍बुलिङ सम्‍बा थोङ्‍सुङ। ते थल्‍माकी देवाच्‍येन ताङ जम्‍बुलिङ ति तेरी तोर्नी गाल्‍नोक, ग्‍येम्‍छो साङ मोथोङ्‍नोक।

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।

ज्‍यल्‍का 6:14

तमा नाम ति शुकी बिटप टिलुप दोके क्‍यानी तोक तोर्सुङ। तेरी टकतिवा ताङ ग्‍येम्‍छो पर्ला वोतुप ग्‍येम्‍छो परकी स कम्‍बुतिवा साङ दाक दाक्‍पी दासा नेसुर पोनी गाल्‍सुङ।