२ पत्रुस 3:1 - कोन्छ्‌योककी सुङ

¹ ङे ङ्‍यिङ्‍ज्‍येवु अच्‍युनुपतिवा, दी ति ङे ख्‍यिराङला टिवु यिकी ङ्‍यिवा यिनो। दी यिकी ङ्‍यिकरकी नाङ्‍ला माङ्‍शोक ताम्‍ङेतिवा ति ख्‍यिरा सेमला नासाम टेङ्‍बु तोङ ज्‍यितुप सिनी टोङ्‍गु तेरुपला टि वे।

२ पत्रुस 3:1 Iomraidhean Croise

मत्ती 5:8

मोलाम थोपुप यिनो, सेम टेङ्‍बु वोतुपतिवा, च्‍यिलासिसिन तिवी कोन्‍छ्‍योकला थोङ्‍गितो।

२ कोरिन्थी 13:2

थेङ्‍मा ङ्‍यीला ङ ख्‍यिरा मुला वोतुप पेला ख्‍यिराङला टोङ्‍गु बिन्‍दुप दोके ङ ख्‍यिरा पर्ला मेसिनाङ ख्‍यिराङला येलुङ छासे क्‍यानी टोङ्‍गु तेरिन, ङ वुङ्‍गुप पेला गोमाला दोके दिक्‍पा कितुपतिवा ताङ यम्‍बा सुला साङ क्‍युर्नी मोज्‍योक।

१ तिमोथी 5:22

सुला साङ रिवा क्‍यानी गोला लाक्‍पा ज्‍याक्‍नी चर्चला गोमा कितुप लाका कि माज्‍यी। ख्‍युरुङ दिक्‍पा कितुप मीतिवी दला माशुक, यिने टेङ्‍बु क्‍यानी मिजी क्‍योङ।

२ तिमोथी 1:6

तुक क्‍यानी ङ ख्‍युरुङला ताम्‍ङे यी टेन्‍दा लोङ्‍यिन। ती ति काङ यिन सिसिन, ङे ख्‍योरो गोला लाक्‍पा ज्‍याक्‍नी मोपोर क्‍यासिमा कोन्‍छ्‍योककी ख्‍युरुङला नङ्‍गुप कटिनकी ङ्‍येम्‍बा ति टोक माज्‍येनी तीला रम्‍बु जोपला यिन।

हिब्रू 6:9

यिने ङे ङ्‍यिङ्‍ज्‍येवु अच्‍युनुपतिवा, ङ्‍यिरा तुका ताम्‍ङे क्‍यासिनाङ ख्‍यिरा थोक्‍ला ति दिक्‍पा ने थरुप ताङ मङ मोलाम वुङ्‍गुप ताम्‍ङे ल्‍यामु वे सिनी ङ्‍यिराङला तेन्‍तेन वे।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

२ पत्रुस 3:14

ती तप्‍की ङे ङ्‍यिङ्‍ज्‍येवु अच्‍युनुपतिवा, ख्‍यिराङ ती तुजेला गुनी देतुप तप्‍की खोकी थोङ्‍दाङला ख्‍यिराङ मङ टेङ्‍बु ताङ क्‍येन मेतुप ताङ खोकी मुला तम्‍जी ल्‍यामु वोतुप मिजी क्‍योङ।

२ पत्रुस 3:17

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ गोमाला के दी ताम्‍ङे ल्‍यामु हाक्‍कोनी च्‍याङ्‍से देता। मी दुक्‍टातिवी ताम्‍ङेला येनी मादे, तमा रङगी हाक्‍कोवु सुङला रम्‍बु क्‍यानी डेकला देता।

२ पत्रुस 3:8

यिने ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ति टोक माज्‍ये। ती ति काङ यिन सिसिन चोवोकी थोक्‍ला ङ्‍यिमा च्‍यिक ति लो तोङ्‍डा च्‍यिक चोयी तिराङ यिन, तमा लो तोङ्‍डा च्‍यिक ति ङ्‍यिमा च्‍यिक चोयी तिराङ यिन।

यहूदा 1:5

ती ताम्‍ङे ति ख्‍यिराङला छ्‍या राङ वे, यिन्‍सिनाङ ङ ताम्‍ङे चेयी ख्‍यिराङला टेन्‍सो कि ज्‍यितिन। चोवोकी मीतिवाला मिश्र लुङ्‍बा नेसुर तेन्‍नी वावु मीतिवी नाङ्‍ला तेपा मिकिवु गिपातिवाला खोकी तेरी पुसुकी डो च्‍यिसुङ।