२ पत्रुस 2:8 - कोन्छ्‌योककी सुङ

⁸ ती लोत ति मी दुक्‍टातिवी पर्ला देतुप पेला ङ्‍यिमी टेङ तिवी किताङ नालु मेलोक्‍पा थोङ्‍सा ताङ थोसालेन्‍सिन कोन्‍छ्‍योककी थोङ्‍दाङला टेङ्‍बु वोतुप तीकी सेम ति छासे सेम्‍दुक लानोक।

२ पत्रुस 2:8 Iomraidhean Croise

१ तिमोथी 1:9

ती ठिम ति मी टेङ्‍बुकी थोक्‍ला मिन, यिने ठिमला मुयुकुपतिवा ताङ सिक्‍यावु ताम्‍ङेला मेङ्‍येन्‍दुपतिवा ताङ कोन्‍छ्‍योकला मेतेन्‍दुपतिवा ताङ दिक्‍छेनतिवा ताङ मेटेङ्‍बुतिवा ताङ कोन्‍छ्‍योकला मारे तोङ्‍गुपतिवा ताङ पपाआमा ताङ मी यम्‍बाला सेतुप मीतिवी थोक्‍ला ताङ

हिब्रू 11:4

तेपा नेसुर राङ हाबिलकी कयिनकी सिनाङ मङ कोन्‍छ्‍योकला सेमला डोप जिन्‍बा पुल्‍सुङ। ती तेपा नेसुर राङ हाविल ति कोन्‍छ्‍योककी थोङ्‍दाङला टेङ्‍बु वे सिनी खोकी गा लासुङ। च्‍यिलासिसिन तीकी पुलुप जिन्‍बा खोला सेमला लासुङ। हाविल शिनी गल्‍सिनाङ तीकी तेपा नेसुर तरोङ साङ दाक्‍पुला येन्‍देन ङ्‍येकिवी।

याकूब 5:16

ती तप्‍की ख्‍यिराङ च्‍यिककी च्‍यिकला ङे दिक्‍पा क्‍यावु यिन सिनी सेम ग्‍युर, तमा च्‍यिककी च्‍यिकला मोपोर की। तुक क्‍यासिन चोवोकी ख्‍यिराङला टेक ज्‍यिकिवी। च्‍यिलासिसिन कोन्‍छ्‍योककी थोङ्‍दाङला टेङ्‍बु वोतुप मीतिवी क्‍यावु मोपोर ति ङार छ्‍येवु गिवी।