२ पत्रुस 2:3 - कोन्छ्‌योककी सुङ

³ तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

२ पत्रुस 2:3 Iomraidhean Croise

मत्ती 23:14

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! ख्‍यिराङ मीतिवाला छ्‍या देन्‍दुपला मोपोर रिङ्‍बु रिङ्‍बु किवी। तमा ख्‍यिराङ युक्‍सिमतिवी खाङ्‍बा ठोकिवी। तुक क्‍यानी ख्‍यिराङला छासे पर्च्या फोकिवी।

लूका 18:8

ङ ख्‍यिराङला सिरिन, खोकी टिम्‍बु राङ तिवाला ठिम टेङ्‍बु ङ्‍ये ज्‍यिकिवी। यिने ङ मी पुज्‍युङ वुङ्‍गुप पेला जम्‍बुलिङला तेपा ठेकिवी रो?”

लूका 20:20

ती ज्‍युक्‍ला तिवी च्‍यु ल्‍हानी देसिमा च च्‍येतुप मीतिवाला मी टेङ्‍बुतिवा दोके जोनी येशूकी चाला ताङ्सुङ, तमा खोकी सुङ्‍गुप ताम्‍ङेला गोकोर्सिमा खोला रोमी ओङ्‍ज्‍येन कितुप मी छ्‍येकी लकला चेक तेतुप नो क्‍यानोक।

लूका 22:47

येशूकी तुक सुङ्‍यिन वोतुप पेला मी माङ्‍छ्‍योक ते लेसुङ। तमा लोमा मिरा च्‍यिङ्‍ङी पर नेमा यहूदा सिरुप ति तिवाला गोमा क्‍यानी वासुङ। ती ति खोला पुका कितुपला खोकी चिप्‍ला वासुङ।

यूहन्‍ना 2:16

खोकी गम्‍देर चोङ्‍गुपतिवाला “देसुर दिवा टाक्‍टुक खुर्नी ग्‍युक। तफेन्‍ला ख्‍यिरा ङे पपी खाङ्‍बाला छोङ कितुप हाट माजोवा।” सिनी सुङ्‍सुङ।

रोमी 16:18

च्‍यिलासिसिन तुका मीतिवी दाक्‍पी चोवो येशू ख्रीष्‍टकी थोक्‍ला शब्‍ज्‍यी कितुप मिन, यिने खोरो सुप सोपला तिराङ कोन्‍छ्‍योकला शब्‍ज्‍यी किवी। तिवा ताम्‍ङे ल्‍यामु ल्‍यामु क्‍यानी क्‍योक्‍पु लोक्‍पु मिकिवु मीतिवाला साङ जिनोक जेवी।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

१ थेसलोनिकी 2:5

ङ्‍यिरा नाम्‍साङ मीतिवाला ताम्‍ङे ल्‍यामु तिराङ क्‍यानी गा लोङ्‍गुप लाका माक्‍या। तमा देर्पा साङ माक्‍यावु ति ख्‍यिराङला छ्‍या राङ वे। दीकी पङ्‍बु ति कोन्‍छ्‍योक राङ यिन।

१ थेसलोनिकी 5:3

मीतिवा लोदिमु ताङ सेम किर्मु क्‍यानी देकिवी। ती पेला पेर्मी पुज्‍युङला हाक्‍माकोवा क्‍यानी आङा क्‍येप सुक ग्‍यपुप दोके तिवी खला छेटाङ ख्‍येल गिवी। तमा तिवा सु साङ ती छेटाङ ने थर मुथुपी।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 3:8

तुक राङ क्‍यानी चर्चला ल्हाटे कितुप मीतिवा साङ नासाम ल्‍यामु तोङ्‍गुप वुङ गोकिवी। तन्‍दा राङ च्‍यिक तन्‍दा राङ च्‍यिक सिरुप ताङ छ्‍याङ्‍गेले कितुप ताङ नोरला देर्पा कितुप मिन,

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

१ पत्रुस 2:8

तमा यम्‍बा सुङला दुक सिनी टि वे, “दो च्‍यिककी मीतिवाला नर्तुक ग्‍यक ज्‍यिकिवी, तमा टक च्‍यिककी मीतिवाला तला ग्‍यक ज्‍यिकिवी।” ती दोके क्‍यानी मीतिवा तला ग्‍यकिवी, च्‍यिलासिसिन तिवी कोन्‍छ्‍योककी सुङ माङ्‍येन्‍दुप तप्‍की यिन। तिवी थोक्‍ला तुकै च्‍युङ्‍गुप ति कोन्‍छ्‍योककी गोमाला राङ सुङ्‍गुप सुङगी मुला डिकिवी।

१ पत्रुस 5:2

ख्‍यिराङला चेक तेन ज्‍यकुप कोन्‍छ्‍योककी पेतुप मीतिवाला लुक गोठालाकी लुकतिवाला ल्‍हावु दोके क्‍यानी ल्‍यामु ल्‍हटे किसा। कर्खापला ख्‍येल्‍नी कितुप मिन, यिने कोन्‍छ्‍योककी नोवा यिन सिनी सेम्‍बा सेमगी किसा। टङ्‍गा डेवी देर्पाला ख्‍येल्‍नी मिन, यिने गा क्‍यानी किसा।

२ पत्रुस 1:16

ङ्‍यिरा ख्‍यिराङला चोवो येशू ख्रीष्‍ट चोछ्‍येवु वोतुप ताङ खो येलुङ फेवु कोर्ला लेन ल्‍यामु ख्‍याप्‍टाक क्‍यावु ति टेङ्‍बु मेतुप जिनोक जोप पे मिन, यिने ङ्‍यिरा वुतुङ के मिककी थोङ्‍गुप खोकी मोवाकी कोर्ला पङ्‍बु बिन्‍दुप यिन।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

२ पत्रुस 2:9

तुक क्‍यानी खोकी सुङला युकुपतिवा छेटाङला ख्‍येलुप पेला र्‍होकुप ताङ खोकी सुङला मुयुकुपतिवाला ठिम कितुप तुजे सेक छ्‍येर्पा बिन्‍नी टानी ज्‍योकुप ति कोन्‍छ्‍योकला छ्‍या वे।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।

यहूदा 1:15

खो फेप्‍सिमा तुका लाका मेलोक्‍पा क्‍यावु मीतिवाला ठिम क्‍या नङ्‍गिवी। तमा तिवी क्‍यावु नम्‍बा मेटेङ्‍बुकी लाकातिवा तेरी ताङ खोकी तेन्‍दोकला क्‍यावु ताम्‍ङे मेटेङ्‍बु तेरीकी थोक्‍ला पर्च्या तोङ्‍गिवी।”

यहूदा 1:16

तुका मीतिवा नरी ङ्‍योशोक ङ्‍योशोक सिरुप ताङ नरी मी यम्‍बाला क्‍येन तेरुप छोलुप ताङ खुरुङ राङ नोवा मेलोवाला युकुप ताङ ङ राङ छ्‍ये यिन सिनी नोकितुप ताङ खोरो ख्‍येप्‍साङकी थोक्‍ला मी यम्‍बाला ख शिम्‍बु जोप गिवी।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।

यहूदा 1:7

तुक राङ क्‍यानी सदोम ताङ गमोरा ताङ तिवी गारी गुरीकी ग्‍येसाकी मीतिवी साङ रे ताङ ङ्‍यी क्‍यानी छ्‍येवु छ्‍येमु कितुप ताङ ङोजु मेतुप शम्‍डेनतिवा क्‍यासुङ। तमा तिवा नाम्‍साङ मिशिवु मे नाङ्‍ला ख्‍येल्‍नी तिवी क्‍यावु लाका मेलोक्‍पाकी थोक्‍ला तिवाला मेकी छ्‍येर्पा फोकुप नमुना च्‍युङ्‍सुङ।