२ पत्रुस 2:21 - कोन्छ्‌योककी सुङ

²¹ ती तप्‍की तिवाला बिन्‍दुप कोन्‍छ्‍योककी सुङ टेङ्‍बु ति तिवी हाक्‍कोनी साङ ती सुङला मुयुकुप सिसियाङ, बोरु तिवाला कोन्‍छ्‍योककी थोङ्‍दाङला टेङ्‍बु वोतुप सुङगी कोर्ला हाक्‍माकोवु राङ ल्‍यामु यिन्‍दुप्‍जा।

२ पत्रुस 2:21 Iomraidhean Croise

मत्ती 21:32

च्‍यिलासिसिन यूहन्‍ना ख्‍यिरा ते वानी ख्‍यिराङला मिजी टेङ्‍बु क्‍योङ्‍गुप लाम छ्‍या तेन्‍सिनाङ ख्‍यिरा तीला तेपा माक्‍या। यिने से दुतुपतिवा ताङ छ्‍येमुतिवी तीला तेपा क्‍यासुङ। तमा ख्‍यिरा तिवी तेपा क्‍यावु थोङ्‍सिमा साङ सेम ग्‍युर्नी खोला तेपा माक्‍या।”

लूका 12:47

खोरो ज्‍यिन्‍दाककी नोवा हाक्‍कोनी साङ टडिक मिकिवु याङ्‍ना ज्‍यिन्‍दाककी नोवु दोके मिकिवु लावाला बङी दुङ्‍गिवी।

यूहन्‍ना 15:22

दोजो ङ जम्‍बुलिङला वानी तिवाला सिमाक्‍यावु यिन्‍सिन तिवाला दिक्‍पाकी क्‍येन मोफोकुप्‍जा, यिने त याङ तिवी खोप्‍रे दिक्‍पी थोक्‍ला काङ साङ खुङ कि मुथुपी।

यूहन्‍ना 9:41

तमा येशूकी तिवाला सुङ्‍सुङ, “दोजो ख्‍यिराङ मिक मोथोङ्‍गुप यिन्‍सिन ख्‍यिराङला दिक्‍पाकी क्‍येन मोफोकुप्‍जा। यिने ख्‍यिराङ मिक थोङ्‍गिवी सिनी सिक्‍यासुङ, तुक क्‍यानी ख्‍यिरा क्‍यावु दिक्‍पाकी क्‍येन ति तुक राङ लुनी वे।”

रोमी 7:12

तुक क्‍यानी मोशाकी ठिम ति टेङ्‍बु यिन, ठिमला वोतुप क साङ चाङ्‍मा ताङ टेङ्‍बु ताङ ल्‍यामु वे।

गलाती 6:2

ख्‍यिराङ च्‍यिककी च्‍यिकला दुक्‍पा ख्‍येलुप पेला ख्रीष्‍टकी सुङ्‍गुप ठिमला वोतुप दोके च्‍यिककी च्‍यिकला दाल्‍जा किसा।

१ थेसलोनिकी 4:2

तमा चोवो येशूकी ओङला चुका चुका कतिवा ङ्‍यिरा ख्‍यिराङला बिन वे, ती ति ख्‍यिराङला राङ छ्‍या वे।

१ तिमोथी 6:14

ङ ख्‍युरुङला क तेरिन। दाक्‍पी चोवो येशू ख्रीष्‍ट माफेवा सेक ख्‍युरुङ ल्‍यामु क्‍यानी खोकी सुङला वोतुप क दोके मिजी क्‍योङ। तमा सी साङ ख्‍युरुङला मेटेङ्‍बु ताङ क्‍येन तेर मुथुपी।

हिब्रू 10:26

दोजो दाक्‍पी टेङ्‍बु काङ यिन सिरुप ति छ्‍या वोसिनाङ दिक्‍पा क्‍या क्‍यावा राङ देकिवी सिसिन तफेन्‍ला दाक्‍पी क्‍यावु दिक्‍पा तावुला यम्‍बा जिन्‍बाकी काङ साङ कि मुथुपी।

याकूब 4:17

ती तप्‍की चुका मी तीकी लाका ल्‍यामु कि गोकिवी सिरुप छ्‍या वोसिनाङ मिकिवी सिसिन, तीकी दिक्‍पा क्‍यावु यिन।

२ पत्रुस 3:2

तुक क्‍यानी तोङ्‍ला लुङ्‍तेम्‍बा टेङ्‍बुतिवी नम्‍दर शेतुप ताम्‍ङे ताङ लोमा छ्‍येतिवी ख्‍यिराङला दिक्‍पा ने थर ज्‍यितुप चोवो येशूकी कोर्ला लापुप सुङ ति ख्‍यिरा नरी नासाम ताङ्‍नी टोक माज्‍येता।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।