२ पत्रुस 2:20 - कोन्छ्‌योककी सुङ

²⁰ दोजो तिवी दाक्‍पुला दिक्‍पा ने थर ज्‍यितुप चोवो येशू ख्रीष्‍टला ङो शेनी दी जम्‍बुलिङकी मेटेङ्‍बु वोतुप च्‍यालक नेसुर थेन्‍सिमा येलुङ गोमी किताङ नालुला लोक्‍नी ती दिक्‍पी ओङला राङ डिवी सिसिन तिवा गोमी ति सिनाङ ज्‍युक्‍ला मङ मेलोक्‍पा डिवी।

२ पत्रुस 2:20 Iomraidhean Croise

फिलिप्पी 3:19

तिवा डोप लाम ति ङ्‍येलाला ना डोप यिन। च्‍यिलासिसिन तिवा कोन्‍छ्‍योकला मिन, साप ताङ थुङ्‍गुपकी थोक्‍ला तिराङ सेम नोजु किवी। तिवी खोप्‍रे क्‍यावु लाकातिवाला छासे ल्‍यामु यिन सिनी सिवी, यिने तिवी क्‍यावु लाका ति ङोछा लोङ्‍गुप लाका यिन। तिवी जम्‍बुलिङकी च्‍यालकतिवाला तिराङ नासाम तोङ्‍गिवी।

२ तिमोथी 2:4

मक्‍मीला शुवु मी ति लाका यम्‍बाला येनी मेदेवी। च्‍यिलासिसिन तीकी खुरुङला मक्‍मीला ज्‍यितुप मी तीला सेमला डोप लाका कि गोकिवी।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

२ पत्रुस 1:11

तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।

२ पत्रुस 1:2

कोन्‍छ्‍योक ताङ दाक्‍पी चोवो येशू ख्रीष्‍टला ख्‍यिरा मङ मङ ङो शेनी खो नेमा नङ्‍गुप कटिन ताङ लोदिमु ति ख्‍यिराङला छासे थोप्‍शी।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

२ पत्रुस 1:8

च्‍यिलासिसिन ख्‍यिरा मिजीला ती ताम्‍ङेतिवा ग्‍यक्‍चे वोसुङ सिसिन ख्‍यिराङ ति दाक्‍पी चोवो येशू ख्रीष्‍टकी येन्‍देन ङ्‍येनी लाका बङी कितुप ताङ छासे डेलु गोर थुप्‍कितो।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।